لاتسيو يتابع السويدي رازموس بينغتسون

[Laz!o]

النادي السماوي يبحث عن قلب دفاع للموسم المقبل و فيما يبدو بأن لوتيتو يريد
إكتشاف أحد أفضل المدافعين في الدوري السويدي وهو رازموس بينغتسون .
رازموس من مواليد 1986 وكان بارز جداً مع منتخب السويد تحت 21 سنة فهو
قوي البنية جداً وله 186 سم من الطول و يستطيع التغلب على المهاجمين بسهولة
وبالإضافة إلى كل ذلك رازموس بإمكانه إحراز الأهداف فـ قد سجل 8 أهداف في
48 مباراة لعبها مع ناديه Trelleborg بالدرجة الأولى .
اللاعب تبلغ قيمته 500 ألف يورو فقط وهذه صفقة ناحجة و رخيصة بالتأكيد و يجب
الإسراع في ذلك خصوصاً أن أندية كثيرة ترغب باللاعب و منها الألمانية التي تراقبه
عن كثب .
رازموس أيضاً كابتن فريقه بالوقت الحالي .

[أبو رباع]

السلام عليكم


أنا حالي حال لوتيتو

أحب اللاعبين هذولا , لكن بشرط إنه يكون ممتاز

أما أييب لي لاعب مستهلك من دهاليز الكالتشيو , لأ و ألف لا

هذي اللعيبة اللي تبرد الخاطر

كولاروف - باندييف - زاراتي - ليشتر - موسيليرا - و إذا تسمحون لي > رادو

شوف انت بس هالأسامي

هذولا كلهم لاتسيالين

و كلهم ماكان أحد يعرفهم قبل ماييون عندنا

يابهم لوتيتو

و بهاي الطريقة رايح ييب المدافع الكابتن المذكور في الخبر

ييبه و أنا ما يحتاج أسأل عن مستواه
ييبه و بيبرز إن شاء الله

دمتم بخير

[ابو نايف]

مدرى بس الى اقوله
كولاروف بنفس المبلغ وشوف امكانياته ليش لااااا

[جيفارا]

شكل
الاعب جيد
وخاصة ان الاعبين
السويدين يملكون بنيات
جسمانية رائعة ولياقة بدنية كبيرة
بلاضافة ان سعر الاعب ليس بلسعر الخيالي
لاكن اتمنى ان نرى لاعب خبرة في خط الدفاع وقائد لدفاع مثل نيستا

[8 zauri]

طيب عندنا تويا !!! وش نسوي فيه

[J10]

لا اليوم مافي اخبار غير عن المدافعين
عموما شي طبيعي ان نجهل مستوى الاعب
بس هذا باليرمو مادري من وين اشتري كاير وشوف كل العالم يبونه لان مستواه خرافي
انا شخصيا اتمنى لوغانو ومثل ماقال عمر تويا شنسوي فيه !!
اصلا المفروض الاربع مباريات القادمين يجهز تويا حق الموسم القادم المستر ديليو فينغر

[أبو رباع]

المشاركة الأصلية كتبت بواسطة j10

لا اليوم مافي اخبار غير عن المدافعين
عموما شي طبيعي ان نجهل مستوى الاعب
بس هذا باليرمو مادري من وين اشتري كاير وشوف كل العالم يبونه لان مستواه خرافي
انا شخصيا اتمنى لوغانو ومثل ماقال عمر تويا شنسوي فيه !!
اصلا المفروض الاربع مباريات القادمين يجهز تويا حق الموسم القادم المستر ديليو فينغر

يا جماعة

حنا الآن ماعدنا إلا اثنين بالدفاع

و هذا اللاعب
عنده التجربة + و هم بعد كابتن فريقه << لحد ينط و يقول كأنه كابتن مانيو

اللاعب عمره 24 ( 24 الموسم القادم)

أنا مع تويا , و لكن تويا كم عمره ؟

دياكيتي صحيح خال لكن دلووووع (لاعب شاب و يا كثر إصاباته)

خلنا نحسبها جميع

رادو + روزينال + دياكيتيه + كولاروف + ليشتر + سلفستري + سيفيليا + كريباري

الأحمر الفاقع
برى على برى

الأخضر
باكات يمنى - ماعليهم كلام

الأزرق
الوحيد باك أيسر

الأحمر القاتم
قلوب الدفاع

رادو (قلب دفاع + باك أيسر)
روزينال (قلب دفاع + جوكر (محور + باك أيمن))
دياكيتيه (قلب دفاع + لاعب مساك)

وين خط الدفاع الكامل ؟

يعني نعتمد على تويا بطيلة الموسم ؟
تويا ما بعد يلعب أصلاً >> يلعب أساسي ؟ أو احتياط أول ؟ و حتى لو سلمنا إنه احتياط أول - هل في يقين إنه ما ينصابو القلبين الأساسيين ؟
زيدوا على هذا كله >> مسألة الارهاق.

نحتاج على الأقل قلبين دفاع + تويا


أي من الأسماء المطروحة (الآن) للدفاع أنا متفائل فيها


دمتم بخير

[متيم لازيو]

يعطيك العافية خالد

صراحة ماعرف اللاعب وأجهل مستواه !!

اذا كان بيفيد الفريق اتمنى قدومه واذا مثله مثل روزينهال طفرة مانبيه !!

[Ben Nasser]

شكله الموسم الجاي دكة الاحتياط بتصير مهاجم واحد والباقي مدافعين خخخخخ

[LA210]

اتوقع اشاعة .. لأن من تصريح لتيتو انه يبي مدافع ! بدأت الصحافة بنشر اخبار مدافعين مهتم فيهم لازيو !! لأن لتيتو لو قال نبي مهاجم بنشوف خبر عن 1000 مهاجم ! ..

يمكن لتيتو قال كذا عشان تخف الاخبار عن المدربين ويخف الضغط على الأسطورة التدريبية روسي ..!