وكيله :" يريد مثل راتب روكي "

[Stankovic]

أكد وكيل أعمال ليديسما أن الأخير يريد من لوتيتو أن يدفع له مثل الراتب الذي يتقاضاه مهاجم الفريق توماسو روكي ، وفي خبر أخر نُشر في صحيفة الكوريرو يشير إلى أن ليديسما قد يبقى بالفريق حتى يستطيع أن يستخدم المادة 17 كي ينتقل إلى المكان الذي يرغب به في حال لم يرفع النادي من راتبه .

[The Game]

والله ماني هاضمـه من آخر المباريات الموسم الماضي
لين هالموسم كلـه !!

يا حبيبي .. لاعـب ما لعب ويانا اللا موسمين وقاعـد يتشرط !!!!!

وياليتـه عـاد يلعب بـ مستوى واحـد
موسم ونص تقريباً كلـه اكـــــس !!

نص موسم = 15 مباراة تقريباً لعب فيها بشكل ( زين )

قاعـد يهدد لاتسيو !!
يا حبيبـي !

والله من شفت باصاتـه التأليفيـه وانا داري ان الدعوة وراها فلوس !!!!

[Laziale Prince]

ليديسما يستاهل راتب اعلى من راتب روكي ولو ليتيتو ما زود راتبه قمة الغباء

[8 zauri]

انا ماقاهرني الا شي واحد ....
الحين اللاعبين اللي يبون راتب مليون وزيادة
اذا انقلو لنادي ثاني ...بيلقون نادي يعطيهم فوق المليون ؟!؟!؟ اتوقع لأ
والشي الثاني :
قانون الفيفا اللي كل يوم لاعب قاعد يهدد فيه ......
بصراحة انا كرهت بيهرامي وعالطريق لديسما ...
كلهم لاعبين ممتازين ولكن ما اتوقع انهم بيلاقون نادي احسن من لاتسيو يحتاجون وقت
ويازين بانديف ... افضل منهم ومستواه يساعده على اللعب بفرق كبيرة ولايهدد ولاشي
_____________
انا ما ادري
الغلط من لوتيتو لأنه لم يتخذ موقف حازم وشديد الى الآن ومعطي هالوكلا واللاعبين وجه
او الغلط على لوتيتو لأنه ما اللي يبون ...
او الغلط على اللاعبين انهم يطلبون اكبر من حقهم ...

[Foggia_17]

في نظري أن ليديسما يستحق أن يعطى راتب جيد

لاعب ممتاز في التحركات و التمريرات و الكرات الثابته



ألف شكر

[أحمد التتان]

السلام عليكم

طبعا هذا الي جالس يصير حاليا هو كله الي كنا نتكلم عنه في تأليفات إنتقال ورحيل روكي الموسم الي فات !
والي عشناه كله بسبب التوتر الي صنعه موقف روكي من التجديد ورفع سقف الرواتب !
كل اللاعبين يبون رواتب عاليه وين كانت قبل سنتين ساكتين ليه !
لأن الكل لمه وحدة وتارجت واحد !
وين عشاق روكي !
صرنا من أجل عين، ألف عين تبكي !!!!

[بو سلمان]

يا اخي ذبحونا بقانون الفيفا هذا مالت عليه

اووووف

عموما جدد يا لتيتو و خل الاعب معنا لسنوات قادمه

[Ole]

اخوي احمد

كل الأندية عندها تفاوت في المرتبات بين اللاعبين وطبعا كل لاعب حسب اهميته في الفريق

اذا اللاعب يستاهل المبلغ ليه مانجدد واذا مايستاهل نبيعه ونجيب احسن منه بالمرتب اللي يطالب فيه ليدسما وبيهرامي

اللاعبين كانوا راضين لأنهم جايين من اندية صغيرة لكن بعد سنتين وثلاث يعتمد عليهم فريق مثل لاتسيو هذا يرفع قيمتهم

ابعدوا عن بالكم روكي وبيهرامي وليدسما وبانديف يجددون بالسهولة اللي يجدد فيها مانفرديني وسيفيليا وستنداردو او بنفس المرتب

[متيم لازيو]

المشاركة الأصلية كتبت بواسطة hani858

اخوي احمد

كل الأندية عندها تفاوت في المرتبات بين اللاعبين وطبعا كل لاعب حسب اهميته في الفريق

اذا اللاعب يستاهل المبلغ ليه مانجدد واذا مايستاهل نبيعه ونجيب احسن منه بالمرتب اللي يطالب فيه ليدسما وبيهرامي

اللاعبين كانوا راضين لأنهم جايين من اندية صغيرة لكن بعد سنتين وثلاث يعتمد عليهم فريق مثل لاتسيو هذا يرفع قيمتهم

ابعدوا عن بالكم روكي وبيهرامي وليدسما وبانديف يجددون بالسهولة اللي يجدد فيها مانفرديني وسيفيليا وستنداردو او بنفس المرتب

100% أخوي عبدالرحمن !!

هذولا أهم الاعبين تبيه يقوله لوتيتو هذا راتبك يقولك ان شاء الله !!

لا ياعمي في الف فريق يتمناه إذا أنت ماتبي تجدد له أنت الخسران !!

[أحمد التتان]

لا شباب .. مو هذا المقصد !
المقصد ان الضجه الي عملها روكي كانت كلها على فاضي !
وهذا بانديف سجل أكثر من روكي مع العلم ان روكي هو المهاجم الصريح والأساسي !

كلامي ان الفوضى الي عملها روكي في الدور الأول كانت سبب لمشاكل كبيره النادي جالس يآكلها الآن !
خل اللاعبين يطالبون بزياده !

الآن ليدسيما يقول لك انا المدرب يعتمد عليي أكثر من روكي ابي راتب كثر روكي !
بعدين يطلع لك بهرامي يقول لك انا اللعب في كل مكان ابي مرتب كثر بهرامي وزيادة !
وبكره يطلع لك الشغال في النادي يقول ان اكنس الملعب والمدرجات ابي راتب كثر روكي !

انتو بنفسكم قلتو !
هذول اللاعبين يستاهلون زياده لكنها بشي واقعي ماهو بالتهديد !
وهذا امر غريب !
لكن الكل شاف التصرف التعبان الي كان يسويه روكي والآن الكل يطالب بنفس طريقة روكي وببعض الإحترافيه يصير لك الوضع فنتاستك !

اللاعبين الصغار النادي هو الي اظهرهم !
والله عمره ليدسيما ماكان بيطلع من ليتشي ...
وروكي كان بيتم طول حياته يسجل ١٠ إلى ١٢ هدف مع إيمبلي ولا بيسمع في حياته غنيه الأبطال !
الأمر واضح !
المشكله الي يواجهها الفريق ان كل نوعيه اللاعبين الموجودين تقريبا ... ماعندهم أى ولاء إلى الفانيله هذا بإختصار !
وأعتقد ان الكل هنا يذكر سيموني وباقي الشباب !
الولاء ما يعرف الكؤوس وغيره الولاء إلى الفانيله يمكن يتم وإنت ما تستلم حتى راوتب !

هذي هي النقطه الجوهرية !