لاتسيو يفوز على أودينيزي في إفتتاحية الدوري 2-1 تعليقاتكم

[tripoli lazio]

لاتسيو‏؟

[The Game]

مبروك الثلاث نقاط و هي الأهـم بالنسبة لي

اكثر شي مفرحني بالمباراة اني ما شفت ليديسما ^_^
خط الوسط تغير بشكل كبير بـ قيادة بيغليا .. رايق هالارجنتيني ما شاء الله
ان شاء الله يستمر على طول و يقعد ليديسما على الدكة لين يسنع وضعه

التاتا اللي الغالبيه ما تحبـه شفنا كيف دوره بالملعب مهم
غيابه هو و اونازي عن الوسط ضياع لأن ما عندنا لاعبين يراكضون و يضغطون مثلهم

كانا كان نجم الشوط الاول في الدفاع .. هو اقوى و اسرع مدافع عندنا
كل الكرات اللي كانت عليـه قطعها بالكاااااااااااامل ما شاء الله
مع خروجه للاسف انفتح الدفاع .. و دياس الله يعيننا عليـه للأسف

نوفاريتي اول مباراة له و اخذ كرت اصفر مبكر لذلك ما ابي احكم عليـه
لكن كلام مانشيني عنه و انه مدافع قوي و سريع و كان قريب ينتقل لهم بـ 8 مليون يورو .. اعتقد انه كلام مجامله قياساً على ما شفناه منه .. للاسف كان بطيء و مرتبك كثير لما الكرة تكون معاه .. ان شاء الله يفاجأنا بالايام الجايـه

كلوزه غريبه صراحة استمراره لـ تضييع فرص كبيرة و سهله
ان شاء الله هالشي ما يأثر عليـه

نقطة اخيرة لـ بيتكوفيتش .. عندنا لاعب خرافي وكان نجم المعسكر
و هو البرازيلي ايديرسون .. اتمنى بيتكو ما يقتلـه بالدكـه

ايديرسون المفروض دائماً يكون البديل الاول اللي يدخل الملعب
خاصة لما نكون فايزين و متقدميـن عشان يلعب اكثر و يبدع بـ اريحيه

[Ben Nasser]

الحمدلله على الفوز

فوز مهم وفوز يرفع معنويات الجميع مدرب ولاعبين ويعيد الثقه لهم ولجماهيرهم وخاصه قبل لقاء اليوفي

اللي لازم يردون اعتبارهم
وقبل كل شي على بيتكو أضافة بعض التعديلات للفريق وخاصه بالدفاع

تمنت لو موجود الظهير الأيسر البرازيلي الجديد اللي نسيت اسمه عشان يمسك مكان رادو ورادو يلعب قلب دفاع بجانب كانا كذا بيكون الدفاع أقوى
بس الشكوى ل الله

و مبروك الفوز

[fiki]

سأقولها بكل فخر

لا تهمني النقاط الثلاث

لا يهمني استرجاع الروح المعنوية بعد لقاء اليوفنتوس

لا يهمني الفوز على اودينيزي الكريه

بقدر ما يهمني وجود لاعب مميز وقائد متزن وانيق كاللاعب بيليا

صدقوني ان الفرحة بوجود لاعب مميز في مكان كان مظلوما لفترات طويله باقدام ليدسما ... هذه هي الفرحه الحقيقية

اتزان وهدوء ودقة في التمرير وتصويبات دقيقه
الى اللقاء يا ليدسما .. سنشتاق للعرضيات التائهه بلا عنوان

فورزا لاتسيو وبانتظار القمه مع العجوز

[جيفارا]

الحقيقة
الفريق لعب المباراة
بالطول والعرض ومو معناها ان
الفريق جاء عليه هدف نبخس حقه صراحه
بيتكو يحتاج الى شيئين اولهم مدافع جيد قائد ومهاجم
ويكون الفريق متكامل من جميع نواحي الوسط ممتاز اليوم صراحة دفاعيا
متوسط بوجود دياز المعوق من وراه ممكن اضاعات نقاط 3 اما الهجوم صراحة مختفي

[MXM910]

بسم الله الرحمن الرحيم


السلام عليكم

بصراحة ومن الأخير غونزالس هو سر تفوق لاتسيو في خط الوسط وهو روح وقوة الفريق، فوجودة اعطاء الامان للفريق وسمح لهيرنانيز باللعب على كيفة والعودة لمركزة الذي يحبه ويستمتع باللعب فيه ..
سر الانتصار غونزالس فقط ..
خط الدفااااع هو احد اهم خطوط الفريق ولكن ليس على حساب خط الهجوووووم وعموماً دياز نكبة وعلى امل يغدي رجال ويرجع مثل اول صمام امان عليه القيمة لان الريق عانى آخر موسمين من خط الدفاع ولذلك وجدنا لاعب خط الوسط يلعبون آخر الموسم في خط الدفاااع مثل ليديسما وكانا والذي اثبت ان وجودة في خط الدفاع اهم بكثير من خط الوسط ..

نحتاج فقط للثبات على نفس التشكيلة وايضا نحتاج الى عودة المصابين حتى نستطيع الحكم على فريق لاتسيو ولاعبيه وبالتاكيد مدربه واخيراً نقييم عمل لوتيتو وتاري وفق نتائج واداء هؤلاء جميعاً ..



تحياتي

[الكبيتانو روكي]

الف مبروك الفوز المهم والنقاط الثﻻث ياشباب
ما ازيد عليكم كفيتوا ووفيتوا وإنشاء الله ﻻتسيو يواصل التألق امام يوفنتوس
وسط ﻻتسيو كان مميز وبيليا اثبت انه يستحق يكون ركيزة أساسية وصفقة ناجحة للاتسيو
الدفاع بخروج كانا ودخول دياز صار كارثي اتمنى في غياب كانا اشراك بيافا او ارجاع رادو لهذا المركز في حاﻻت الطوارئ
وأخيراً فورزا ﻻتسيو وإنشاء الله نطلع بتيجه إيجابية امام يوفنتوس

[Stankovic]

لعنة الله عليك يا دياس نشفت ريجي امس

بيتكوفيتش ما يتوب من سوالفه .. اعتقد ان المباراة حسمت وبغينا نضيع مثل ما كان يحصل المواسم الي طافت

بالشوط الاول شفنا قوه هجوميه كبيره لكنها للاسف سلبيه بسبب ضياع الفرص السهله وبرعونه ولازم بيتكو يشوف حل لهالمهزله

بالشوط الثاني الفريق دمار وزين حققنا النقاط الثلاث

[SAVIO77]

دياز اوت مابي اشوف نهائي بس أمنيتي اشوف موريل في لاتسيو