الموضوع ده عشان كل واحد يحكيلنا ازاي حب النادي بتاعه او ازاي بدا يشجعه
هبدا انا و احكي ازاي حبيت لاتسيو ؟؟؟؟
القصة بدات اما كنت تقريبا 9 سنين وكنت لسه في السعودية و نزلت مع الاسرة مول ملابس كبييييييييير اسمه ( اسوان ) في مدينة جدة ..... و توجهت مع اخي الكبير الى التشيرتات الرياضية و كان فيه تشيرتات كتير طبعا بس انا كنت حابب اجيب حاجة زرقا و السلام لاني مكنتش اعرف ولا نادي في اوروبا .......
وقع تحت ايدي تشيرتين زرق ، واحد ازرق غامق و التاني سماوي ( ازرق فاتح ) او زي ما بيسموه في السعودية ( منيل ) زي لون النيل يعني
المهم الاتنين عجبوني بس لازم اختار واحد و اخذ اخي الكبير و كان خبير كروي في سرد اسماء و معلومات عن الفريقين
الازرق الغامق هو تشيلسي من انجلترا .....
الازرق الفاتح هو نادي لاتسيو الايطالي ......بصراحة مش فاكر حاجة تانية من اللي هو قلهولي
و بعد تفكير طويل قررت اختار لاتسيو عشان الشعار بتاعه فيه نسر و شكله يعني عجبني
وشائت الاقدار ان اول مباراة اشفها ل لاتسيو تكون امام تشيلسي في انجلترا في اياب دور ال 16 من دوري ابطال اوروبا سنة 99-2000 تقريبا و كانت مباراة تاريخية استطاع فيها لاتسيو ان يقلب هزيمته الى فوز 2-1 بهدفي سيموني انزاجي و ميهايلوفيتش 
بس للاسف مكملش بعد كده لان فلنسيا شيلنا بعدها
و على الرغم من ذلك فان اول موسم اشجع فيه لاتسيو حصل على بطولة الدوري الايطالي موسم 99-2000 بعد غياب ربع قرن
فعلا كان فريق ممتاز وقتها كان فيه ( نيستا و كوتو و نيدفيد و فيرون و سلاس و سميوني و فيري و مانشيني و غيرهم من الاعبين المميزين )
بس بعد كده النادي ضرب تفليسة و لايزال يعاني من اثارها حتى الان بس انا لسه بحب لاتسيييييييييييييييييييو ...............
اتمنى الموضوع يعجبكم و كل واحد يكلمنا عن قصة حبه للنادي بتاعه؟؟؟
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
ازاي حبيت لاتسيو ؟ 
العرض الشجري
