فريقنا يضيق الخلق .. !

[MaTaDoOr]

السلام عليكم ..


هاردلك اولا على خسارة الفريق ضد ريجينا القبل الاخير ... بهدف يتيم سجله زاوري على نفسه ..


مادري شقول وشخلي ... فريقنا بالفعل يضيق الخلق ... ماتعرف مستواة الحقيقي .. مرة فوق ومرة تحت ..

ريجينا فريق القبل الاخير فاز علينا اليوم ... مو معقوله لحد الان 10 مباريات ولا مباراة فزنا فيها خارج ارضنا ؟؟ شنو السبب هل هو من المدرب او من الاعبين ؟؟

اليوم قبل لايلعب الفريق كنت متوقع الفوز يعني اقل شي فرق هدف .. !! ماتوقعت ان الفريق خارج ارضه بيلعب جذي .. والله العظيم ان ريجينا فريق اقل من عادي .. مستواة صفر اليوم .. لكن فريقنا اقل من صفر ..

خصوصا التبديلات الغريبه العجيبه ؟؟؟ دخل بارونيو بدل ليفراني ... تاري بدل بانديف ... ولاعب جديد اول مرة اشوفه يلعب بدل سيزار ؟؟


انا اعرف مستوى لاتسيو .. واعرف امكانيات الفريق .. ادري انه لاينافس على المراكز الثلاث الاولى .. لكن الفريق عندة شي ويقدر يقدم اقوى من هالمستوى اللي طلع فيه اليوم .. فريقنا جيد ويملك لاعبين قادرين على انهم يخلصون لنا المباراة ... وكافي ان فزنا في جميع مبارياتنا بارضنا ... لكن خارج ارضنا يصبح فريق ثاني .. فريق كانه توة طالع من الدرجه الثالثه ... !!

فريقنا يضيق الخلق .. يونسك مباراة .. ويبجيك مباريات ... اذا لعب ضد فرق كبيرة استقبل انه يفوز .. واذا لعب ضد فرق المؤخرة استقبل انه يخسر ...

على مستوى الفريق في المباريات الماضيه .. المفروض يفوز .. بس اليوم اشباح اللي العبو .. فريق ميت .. وتبديلات خاطئه .. خصوصا تاري اللي اثبت اليوم انه ضعيف وبطيئ ..


ونجم المباراة الغير متوقع بالوتا ... صج فريقنا ماينعرف له .. !! اسوء لاعب في اخر مبارتين اصبح افضل لاعب .. وافضل الاعبين في اخر مباريات صارو اسوء الاعبين ..

مادري شقاعد يصير بالفريق خارج ارضه .. هل يلعبون بنفس اليوم اللي يوصلون فيه .. ؟ او يسهرون ومايتمرنون اذا كانو خارج ارضهم ؟؟ او او او .. !|!!

روما اللي كان بالمركز ال14 وفرق كان تقريبا اكثر من 6 نقاط .. الحين صارو فوقنا .. !!

تحياتي