السلام عليكم
اولا احب احييك اخ the game واشكرك على هذي الضيافه الجميله ولك كل التقدير انت واعضاء المنتدى اما عن التعصب فصدقني ماكو واحد خلاني اكره لاتسيو غير جيفارا اني بصراحه كنت اشجعهم من يلعبون ضد كل الفرق ماعدا روما بس واتمنالهم يفوزون على فرق ميلان واليوفي وفيورنتيا علمود تصير فرق العاصمه كعبها اعلى من الفرق الاخرى المهم اني مااريد اخرج عن الموضوع طبعا حيدر لحد الان ماجاوبت على اسئلتي وعندي اسئله وجاوب عليها اذا تكدر بس قبلها عندي تعليقات على النقاش وياك اولا انت اتكول انه اليوفنتوس راح للسيريا بي وهسه راح يرجع الدوري وياخذها اولا انت المفروض عليك كمشجع لاحد الانديه المتضرره من تصرفات اليوفنتوس والرشاوي والحكام والتلاعب المفروض ماتكول هذا الكلام لان المفروض اليوفنتوس ينزل للسيريا سي او حتى يلغون النادي لان من الظلم انه كل الفرق تصرف اموال ورواتب وعقود ويجي اليوفنتوس ياخذها وهو المرتاح هاي اولا وبعدين من رجع اليوفنتوس صار مركز ثالث خلف روما الثاني والانتر الاول بعدين المفروض لاتسيو وفيورنتيا وميلان وريجينا يلحقون اليوفي للسيريا بي مو كل واحد يخصمون منه كم نقطه لا تسيو على مااتذكر يمكن 11 لو 12 لو اقل خصموا منه نقاط لان يوميه كان الاتحاد الايطالي التعبان يقلل من النقاط المخصومه للفرق بعدين انت على اي اساس تتنبا انه ماراح روما يصعدون الدوري الابطال السنه الجايه اولا الميركاتو ماانتهى وبعدين صح هالسنه ماكو ميزانيه بس هي مشكله روما مو اللاعبين بكد ماهي مشكله الاصابات والطاقم الطبي وفقدان روما المهاجم وهسه راح يجي كروز وتنتهي الشغله بعدين كل الفرق هالسنه صار بيها تغييرات لاتسيو مدرب ولاعبين جدد ولاعبين يسوون مشاكل ويريدون يغادرون الفريق روما ماعدهم فلوس ويمكن يبيعون لاعبين علمود يشترون واداره تعبانه ورحيل بانوتشي الانتر وابراهيموفتش وهو يمكن اكثر من نصف الفريق وجابو ايتو وميلتو وموتا ومستحيل ذوله يعوضون ابراهيموفيتش لانه هو كان شايل الانتر على كتافه فهسه الانتر اضعف اما دار العجره اقصد الميلان فباعوا احسن لاعب عدهم وهوكاكا وديعتمدون عالمنتهي رونالدينيو رغم اني اتوقع هالسنه راح يسوي شي ويه فريقه وجابوا مدرب لحد الان ماعنده شهاده تدريب وجنوى اللي باعو احسن لاعبين واخذو العقرب كريسبو اللي يمكن البطاريه عنده ضعفت من الكعده على الاحتياط فمااتوقع يسوي شي رغم التعاقدات الكبيره اما اليوفنتوس اللي بافل ندفد تركهم وترزيغيت يردون يبيعوه وديلبييرو ترى كبر بالعمر يعني سنه على سنه راح تشوف هبوط بلياقته ومليبيرغ راح هو واندرادي وعدهم النكبه ليغروتالي ومدربهم جديد بس الحسنه الوحيده هم اشتروا دييغو وفيليبي ميلو يمكن الوحيد اللي ثابت ماديا وفنيا وتقنيا وهو فيورنتينا بس هالفريق ماعنده شخصيه البطل فمااتوقع ياخذ الدوري بس يجوز ينافس من بعيد المهم اني احب اوضحلك شغله انه الدوري هالسنه ماتعرف اشراح يصير لان صارت تغييرات كبيره بااكثر الفرق وهذا من مصلحه الدوري وعشاق الدوري والمنافسه اما اسئلتي فلاعبالك نسيتها
1 - اذا ردت تشتري سياره فدخلت للمعرض وشفت سيارتين فسالت عليهم فكلك ابو المعرض هذي السياره مضروبه مره وحده وهاي السياره مضروبه 11 مره فأي سياره احسن باللنسبه اللك
2 _ متى شجعت لاتسيو وليش
3_ ماهي انجازات لاتسيو
4_اين تقع لاتسيو باللنسبه للعاصمه روما
5_ منو احسن لوتيتو لو كرانيوتي
واهم سؤال وبدون عاطفه وبصدق اتمنى اتجاوبني منو احسن روما او لاتسيو من ناحيه اللعب الجميل والمشجعين ووفاء اللاعبين وطموح المشجعين
وبالنهايه احب ان اشكر الاخ the game على الافساح لنا بالتعبير بحريه بهذا المنتدى الجميل وسامحونا اذا ثقلنا عليكم بس ابو كرار يستاهل هالاسئله لان من اشوفه بالحقيقه لو عالماسنجر مايعطيني مجال اوجه له الاسئله وشكرا
تحياتي
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض الشجري
