- رسمياً: كولاروف يوقع مع مانشستر سيتي - (تحديث)

[only lazio]

يعطيك العافية يامنيف ع الخبر ...

بالفعل الإجتمــاع كان قبل ســـاعات ولوتيتو أبدى موافقته على إنتقـــال كولاورف . !


19 مليون حلوة حييييييييييييييييييل .. نجيب فيها هيرنـــــــــانيز ضروري أول صفقة بعدين أنتونيلي وبواتينغ وإيدير وكارمونا وأكوافريسكــــا >> كيفي معي 19 مليون


فورزا لوتيتو اليوم فقط . !

[بو سلمان]

الحمدالله .. ان شاءالله هل المره عاد ما ينفي لتيتو ..

اول صفقتين لازم يخلصهم لتيتو اللحين اديرسون و بديل ممتاز لـ كولاروف ..

بعدها كيفهم يشترون اللي يبون و حبذا لو بواتيغ ..

تسلمون يا منيف و يا شادي ..

[mauro zarate 10]

نبغى ايدرسون او ألبين لان معهم جوازات اوربية .. اما هيرنانيز اجنبي وماينفع نتعاقد معه ..

يالله يارب تممها على خير

[Ben Nasser]

زين انهم خلصو من الحين مانبي مشاكل من بداية الموسم

و 19 حلوه ويالله بس يا لوتيتو

جيب ايديرسون وخل عنك هيرنانيس

لأن امس مادري قبل امس تابعت مباراه لـ ساو باولو

هيرنانيس ماعنده سالفه و ثقيل يالله يتحرك

اللي ابدع في المباراه هو اللي دائماً مبدع معهم وهذا اللي المفروض يجينا (داغوبيرتو)رقم 25

والله يعطيكم العافيه ياشباب

[Lazio Lover]

السالفه طولت .. وان شاء الله نسمع التأكيد الرسمي قريبا ..

الف شكر شباب على المتابعه .. يعطيكم العافية ..

[UlTrAs LaZiO]

ايديرسون يا لوتيتو

[سيرجيو]

كولاروف خطوة واحدة تفصله عن المان ستي وهي الطابعة الرسمي

قصة كولاروف تقترب من النهاية. المدافع الصربي يبتعد خطوة واحد عن مانشستر سيتي مساء اليوم كان هناك لقاء مع مبعوثين في إيطاليا ، و ينبغي أن يكون قد توصل إلى اتفاق مع لاتسيو. السعر هو 18 مليون يورو و مكافآت مرتبطة بنتائج التي حصل عليها الفريق بقيادة روبرتو مانشيني.

كولا كان المقرر أن يجري الفحوص الطبية في لاتسيو غداً و تم إلغاء ذلك لوتيتو و تاري يعملاً على إيجاد بديل له وهناك كلا من : فابيو سانتوس من " غريميو" و من "بارما" لوكا أنتونيلي. وينبغي للساعات القليلة المقبلة أن تكون حاسمة .

[only lazio]

يعطيك ألف عافية يـــامحمد ع التحديث . !


خلاص الكل بدأ يثق هذه المرة بذهاب الصربي من لاتسيو .. لكن اللي مستغرب منه السعر 18 مليون يورو ؟؟؟؟؟

ما أتوقع لوتيتو راح يوافق على هالمبلغ .. أتوقع في النهاية الصفقة راح تنتهي بــ 19 أو 20 مليون يورو

[The Game]

^
^
^

يا عمي خله يوافق و يفكنا .. المبلغ كله راااابح فيه لأن شاري كولاروف بأقل من مليون

ان شاء الله يطلع الرسمي بكره و ننتهي من سالفة كولاروف و نرتاح

[متيم لازيو]

اذا تبون تعرفون انه كله نصب

واشااعات طالعوا الأسعار !
مره قالوا شبه رسمي 20 ومره قالوا خلاص اتفقوا ولوتيتو وافق على 19 ومره قالوا لا السعر 18 ومابقى الا الرسمي خخخ

بكرا يطلع لوتيتو ينفي وهذا وجهي اذا صار هالكلام كله حقيقي !