بالارديني بعد الخسارة المذله: الترتيب؟! يجب علينا ان نرفع مستونا في السوق ..

[ابو نايف]

انا مع بلاردينى فى ناحية وحده وهى افتقار الفريق لصانع اللعب الذى يكون رمانه خط الوسط او الااعب الذى يعتبر الموزع الرئيسى للكور ومحور دفاعى يمتاز بقطع الكرات وتوزيعها للاعبين بالشكل الصحيح على شاكلة اسيان
وهاذا هو سبب عقم خطط بلاردينى

ابي رايكم

[NEDVED_11]

بلاشك ان كل الخطأ من لوتيتو البخيل .. اقتنعت ان هالآدمي مايفهم شي اسمه كرة قدم !

حتى اللي مايفهم كوره يشوف ان خط الوسط مضروووب وصناعة اللعب معدومه ..

لكن الوم بالا في شي واحد .. ياخي تشوف الدكه مافيها خيارات ولاعبين الفريق مامنهم فايده ولا في حلول في خط الوسط ليش ماتشرك لاعبين البريمافيرا ؟ خلاص خربانه خربانه جرب ياخي يمكن يجي منهم شي ؟ سيفري وكافندا وباقي الشباب !!!

[Stankovic]

لاتسيو بسبب المغفل ابن المغفل لوتيتو اصبح لا يعرف كيف يفوز والمشكله الاعظم ان المهاجمين نسوا طريق التسجيل

الفريق كله فاشل وكل واحد باله مشتت ما ادري وين يفكرون وزاراتي كالعادة اذا ماسجل قول يموت والفريق قاعد يموت من انانيته لان في اكثر من كوره كان بامكانا استغلالها لولا المصخره الي يسويها زاراتي وغيره

لاتسيو يحتاج مدافعين واربع لاعبين وسط علشا يتسنع ولازم يكون في صانع العاب لكن عندنا حمار وما ادري شنو يسوي بالسوق

حاليا ثمان خسائر+ خسائر امام ميلان وانتر واليوفي خصوصا وان اليوفي ما يفوز وفريقنا كريم لحل مشاكل الفرق الثانيه + خسئر قدام فيورنتينا ونابولي وجنوى وكالياري وباليرمو وسمبوريا .... يعني بالاخير مصيرنا الدرجه الثانيه

شكرا على الخبر

[The Game]

بالارديني قالها بـ تصريح قبل المباراة
ما عندي صانع لعب غير ماتوزاليم المصاب

يا لوتيتـو يا الدجـه لا تجيب ولا لاعـب
بس هات لنـا صانع لعـب سنـع ولا تدعم الفريق

لا دفاع و لا وسط ولا هجوم
علتنـا كلها بـ صناعـة اللعـب

فريقنا يعتمـد على مهارات زاراتي
و زاراتي اناني وما يصنع لعـب اللا بالموت ومستواه مدوج

فكنا يا لوتيتـو لا تفكر بـ ظهير وجناح ودفاع ومدري منو
هات صانع لعـب سنـع و بـــــــــــس

[Laz!o]

أي مدرب مكان بالارديني ما يقدر يعمل و يقدم أفضل من النتائج الحالية

الفريق ميّت في الوسط و محتاج 2 على الأقل و بالذات صانع لعب

[Ben Nasser]

ماعنده إلا هالكلمتين كل ماخسر طلع قالهم
وكل محد قاله وش السبب قال الفريق محتاج لـ ... و ... و ...
مستحيل يقول انه أخطأ
محد يلومه بالتشكيله
بس الخطه هذي مسئوليته
دايم يلعب بخطط تعتمد كثير على صانع لعب
وهو ماعنده هاللاعب والمشكله للحين مصمم على هالطريقه

وبعدين ليه باري مبدع ولاعبينا أحسن من لاعبينهم
اتمنى اسمع خبر اقالته قريب
مشكور

[فيرون 2000]

بغض النظر عن اللاعبين يابالارديني ..
هناك فرق تلعب وتفوز وتقدم مستوى بدون لاعبين مغمورين ..
صحيح نادي زي لاتسيو مفروض يكون هناك اسماء قوية بالفريق ..
لكن مهما يكن نقدر نقدم مستوى وتشكيلتنا افضل من غيرنا ..
من الاخير يعني .. بالارديني ماعنده سالفه وتدريبه اي كلام ..
وش هالبلاوي بالفريق والبخل من رئيس النادي ..
والله خوفي ننزل درجه ثانيه ووقتها يبيله الفريق سنييين عشان ينبني من جديد ..
لان اغلب اللاعبين بيطلعون سواء من ترتيبنا المتاخر .. او بهبوطنا لاسمح الله ..

[الملتاع]

الهزيمه شي عادي لان الفريق ما يمتلك لاعبين على مستوى عشان تكون الهزيمه شي غريب الاعبين الي عندنا مستواهم عادي جدا مقارب لمستوى لاعبين اتالانتا وباري .

[زيـزوم]

والله الوضع واضح ومايبي لها عبقري علشان يفهم ، إدفع يا لوتيتو وضبط الفريق الله لايبارك فيك .
ذبحتنا ماصارت والله .

[أحمد التتان]

السلام عليكم

والله يا بالا الحديث عن التدعيمات ما ينتهي !
والله يذكره بالخير روسي،،، على الأقل مافي يوم قال نحتاج لاعبين، دائما يلعب بالموجود !

بالا،، المشكلة عندك بصانع اللعب !
نوعية وستايل لاعبي الوسط عندك دفاعي،،
طيب ليه ما تلعب بخطة 4-4-2
إثنين اطراف،، فوجيا وأي حد على الطرف الثاني،، حتى لو كان مانفيرديني
وبعمق الوسط اثنين من الوسط الميت هذول اشباه المومياء،،
لأنك أسلمت وسلمت لازيو إلى الهاوية !
روسي على غباء،، وعلى اننا كنا نقول عنه انه يخرف ويلعب هذا في مركز مااعرف من ويلعب ماادري من في مركز هذا،،
الا انه كان يبتكر الحلول بالموجود !
انت تملك فرصه شباب لازيو،، يا أخي شوف !
حتى المنشقين،، جربهم يمكن فيهم حد يجي منه، هالبونيتو وخمته تراهم يستلمون رواتب بالأخير، وعندك مثال حي، فيرماني و ستينداردو كان منشقين والآن اساسسين !
وبعدين وين بروكي؟
وليه ما لعبت بدابو ؟
وهل أنت مقتنع بإن إنزاغي هو كلمة السر الي راح تفك طلسم اتلانتا !
كل هذي أسئلة،، لوتيتو ما ينفع يجاوب عليها،، كل هذي أمور أنت مسئول عنها،، لوتيتو كان ولا زال مقصر بحق لازيو
ولكنك انت مذنب بحق لازيو،، لان اتلانتا هذا الموسم ماهو اتلانتا العام او العام الي قبل الماضي،،،
اتلانتا هذا العام هو الأخير بالترتيب،، وينك عنه بس ثلاث نقاط لا تدير بال !

اعتقد اننا اصبحنا نملك قناعة بإن الفريق لن يصل حتى للمركز العاشر في ترتيب الجدول،، النقاط متقاربه ولكنها في القسم الأعلى من الترتيب،، حتى الآن بدأت تفصلنا قرابة العشر نقاط عن المركز العاشر (مش متأكد من الأرقام ولكنها تقديريه).

وصحيح نسيت اقول إلى لوتيتو،، شفت تالامونتي؟
هذا الورع الي فضلت عليه عاهتك المستديمة سفيليا !