الحمد الله لوتيتو نفى كل الأسماء التي ارتبطت بلاتسيو في الأونة الأخيرة و عبر عنها بأنها جدال عقيم لا يجني أية نتائج... و قال أن لاتسيو مازال يبحث عن أسم يتناسب مع أهداف النادي و لم يتصل بعد بأي مدرب.. (:
وش بيونديني واكوافريسكا !! بعيوني عاهات وحتى لو ما كانوا عاهات ما هم افضل من الموجودين
مشكلتكم انكم تعودتوا على الاعبين العربجة حقات لوتيتو بروكي وطقته وانا اقولك مدام الفريق بيظل يشتري من هالاعبين عمر الفريق ما راح يتطور ويبقى في وسط الترتيب ونفس الكلام ينطبق على هالمدربين الي حدهم موسم واحد وبعدها انواع الدجة والغباء وطبعا مع لوتيتو الاقالة مستحيلة
ياخي ليش ما يكون تفكيرنا لفوق هو لاتسيو فريق متوسط علشان نفكر فـ اكوافريسكا وطقته نبي لاعبين صح مثل ايلانو ريكلمي بيبي روسي باتزيني ....الخ
الغالي محمد تسمح لي بس بسؤال اذا ماعليك امر !! انت من متى تشجع لاتسيو ؟ ياريت بس اعرف على شان نتفاهم عدل ارجع للموضوع بيونديني مو عاجبك صح؟ انت تابعت له مباريات؟ شفته بالملعب ؟ ولا بس على شان يلعب بكاليراي اتخذت الرأي هذا؟ لان مو معقوله متابع الفريق وتقول بيونديني عاهه !! اكوافريسكا الي مو عاجبك ممكن نسوي استفتاء بالمنتدى ونشوف الي يتمنى اكوا من الي مايتمناه الا ماقلت لي انت مختار بيبي بلاعبين الي تتمانهم؟ اي بيبي تقصد بيبي اودينيزي ولا اي بيبي؟ لان اذا بيبي اودينزي عاجبك فصراحه ما راح اقدر اعلق نو كومنت يعني وطبعا اسم باتزيني ايضا موجود بالائحة الاعبين الصح ! انا معاك اتمنى باتزيني بس هل باتزيني افضل من اكوا !! انا شخصيا على شان انصف الاثنين اشوف انهم بنفس المستوى مع ان باتزيني في وراه داهيه كرويه وهي كاسانو اما اكوافريسكا فعلى كلامك فريقه متروس عاهات معقوله العاهات فريقهم ترتيبه افضل من ترتيب سامبدوريا و لاتسيو !! انا صراحه ماني عاف تفسير لكلمه عاهه عندك! ياريت لو توضح لنا يالغالي شنو تقصد بعاهه لان ما اتوقع ان هذي الكلمه تنطبق على اي لاعب من لاعبين كالياري الي وبشهاده الكل قاعدين يأدون موسم مو طبيعي نهائي على العموم هي وجهات نظر منها السلبي ومنها الايجابي انت تشوف ان اكوافريسكا لاعب فاشل او عاهه او مو من مستوى لاتسيو وفي 1000 واحد غيرك يتمنى وجوده بالاولمبيكو انت تشوف ان ليديزما لاعب ممتاز و ريدوندو زمانه و 90% من مشجعين لاتسيو العرب يشوفون انه لاعب فرق من طقة ليتشي و تورينو
قلتها ولازلت اعيدها تعاقد لوتيتو مع اليجري او بالارديني لسبب مادي فقط وايضا تأخير قدوم المدرب الجديد لسبب مادي لكي يوفر المنقذ راتب شهر
هو من يومين دافع 20 مليون يورو للسد... لن يصعب عليه دفع راتب مدرب.. لكنه قال أنه يحتاج وقت و تفكير لاتخاذ هذا القرار و أنه مازال يمتلك متسع من الوقت... أنا أشوف أنه كان محقا و لا يوجد أية صلة للنقود بموضوع المدرب..
تسمح لي بس بسؤال اذا ماعليك امر !! انت من متى تشجع لاتسيو ؟ ياريت بس اعرف على شان نتفاهم عدل
ابي اعرف اول وش دخل هالسالفة في الموضوع !!!
اقتباس:
بيونديني مو عاجبك صح؟ انت تابعت له مباريات؟ شفته بالملعب ؟ ولا بس على شان يلعب بكاليراي اتخذت الرأي هذا؟
بيونديني اعرفه من قبل موسمين ولعلمك لاعب كثير الاصابات واسأل عنه صحيح هو لاعب مقاتل ولاكن هل يملك فنيات !! هل هو افضل من الموجودين بالفريق وش الفرق الي تبيه !! وهل في احد من المنتدى غيرك يبيه !!؟
اقتباس:
اكوافريسكا الي مو عاجبك ممكن نسوي استفتاء بالمنتدى ونشوف الي يتمنى اكوا من الي مايتمناه
سؤالي لك هل اكوافريسكا افضل من بانديف هل تشوفه خطوة للامام !! وهل في احد غيرك يعتبر قدومه مكان بانديف خطوة للامام !!؟
اقتباس:
الا ماقلت لي انت مختار بيبي بلاعبين الي تتمانهم؟ اي بيبي تقصد بيبي اودينيزي ولا اي بيبي؟ لان اذا بيبي اودينزي عاجبك فصراحه ما راح اقدر اعلق نو كومنت يعني
يا عزيزي اقرء كلامي عدل انا قلت بيبي روسي يعني الطفل روسي يعني جوسيبي روسي !!
اقتباس:
وطبعا اسم باتزيني ايضا موجود بالائحة الاعبين الصح ! انا معاك اتمنى باتزيني بس هل باتزيني افضل من اكوا !!
الحين وش جاب لجاب لاعب مكينة اهداف ووصل للمنتخب ولاعب نص اقوله بالحظ ولا احد يبيه حتى جنوى عايفنه خخخ
اقتباس:
معقوله العاهات فريقهم ترتيبه افضل من ترتيب سامبدوريا و لاتسيو !!
بالنسبة للاتسيو كلنا يعرف وش الاسباب وبالنسبة للسامب جالس يلعب على ثلاث جبهات والزاد حقه ما يوفي فعلشان كذا جاء مركزهم متأخر
وثانيا انا ما قلت ان كاليري ما عدهم لاعبين لأ عدهم جيدا كانيني ماركيتي كونتي والباقي مجرد لاعبن عاهات ولاكن مجتهدين فقط
واذكرك موسم 2001 كييفو الي فيه مانفرديني وبيروتا وديانا ووباقي الشلة المرحة جاء متقدم على لاتسيو ومعه كريسبو نستا فيوري ستانكا ....الخ (ما يحتاج اعطيك كامل الستة)
اقتباس:
ياريت لو توضح لنا يالغالي شنو تقصد بعاهه لان ما اتوقع ان هذي الكلمه تنطبق على اي لاعب من لاعبين كالياري الي وبشهاده الكل قاعدين يأدون موسم مو طبيعي نهائي
الحين لاتسيو معبأ عاهات كيف كاليري يخلى من العاهات بالعقل يعني !!!!
اقتباس:
انت تشوف ان اكوافريسكا لاعب فاشل او عاهه او مو من مستوى لاتسيو وفي 1000 واحد غيرك يتمنى وجوده بالاولمبيكو
انا اتحداك ان الاكثرية تبيه كـ اساسي في الفريق
اقتباس:
انت تشوف ان ليديزما لاعب ممتاز و ريدوندو زمانه و 90% من مشجعين لاتسيو العرب يشوفون انه لاعب فرق من طقة ليتشي و تورينو
انا مستعد اجيب لك اكثر من موضوع عن تجديد ليديسما واغلبهم يتمنوا بقاءه وفي واحد في الكورفا نورد يعني قريب روح شوف كم واحد مع ليديسما وكم واحد ضده
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
