تمنيت تكون الجزيرة الرياضية موجودة قبل 10 سنين ...لأني أعتبرها أحد أكبر الأسباب اللي ساهمت في نشر البطولات الأوربية ( أقصد في دول الخليج لأن ما شاء الله دول شمال أفريقيا من صغرهم و هم يتابعون الدوريات الأوربية )... كان على الأقل كون لاتسيو شعبية كبيرة ومتأكد انهم راح يتمسكون فيه (مثل ما فيه بعض الأندية المحلية صار لها مده وما أخذت بطولات لكن ما فقدت شعبيتها ) ... أغلب جمهور لاتسيو معدل أعمارهم كبير (لازم يعتزلون >>> برى ) و بصراحة أنبسط لم أعرف إن واحد صغير بالعمر و يشجع لاتسيو ... مدري أحس إني شطحت عن الموضوع
للأسف ما حصل لي الشرف إني أقابل لاتسيالي ... يمكن لأني أحب أتابع المباريات لحالي أو مع أخواني شرط إنهم يتعاطفون معي ..
اذكر في موسم 99- 2000 ...كنت اروح القهوه عشان اتابع مباريات لاتسيو ...ماتتصورون الجمهور اللي يتفاعل مع كل هجمه للاتسيو !! كان العدد اللي يحضر ويتعنى علشان يستمتع بالنسور كبير
طبعا في السابق كان اشتراك ابوظبي غالي و الشوتايم مو منتشره بشكل كبير وكان اللي يبي يتابع مباريات الدوري الايطالي يروح القهوه ..كنت اشوف نفس الوجوه الاتسياليه في كل مباراه ، ومره من المرات رايح اشوف مباراة لاتسيو والانتر في الكاس ماحصلت مكان ! توني بمشي وإلا شخص يناديني لابس تيشيرت لاتسيو ، رحتله وسلم عليي وقالي انت تشجع لاتسيو صح ، قلتله اي !! قالي انا ملاحظك تكون موجود في كل مباراه للاتسيو تفضل استريح اليوم زحمه ، وقعدت معاه و كان ماشالله عليه موسوعه كرويه و لاتسياليه بالخصوص !!
وصرنا نتواعد في كل مباراه للفريق ، لمدة مواسم كثيره مع اني حطيت ابوظبي وهو عنده ابوظبي لكن نحظر القهوه نشجع مع بعض ولا زال بيني وبينه اتصال ونلعب كره مع بعض واطلق علي اسم ندفيد لاني من عشاق هذا الاعب
في الوقت الحالي ما اشوف احد يشجع لاتسيو ..وصادفت مرات كثيره اشخاص يلبسون تيشيرت لاتسيو خصوصا في مباريات بالكويتي ( السكه ) بالسعودي ( الحواري ) لكن كل ما اسأل شخص لابسها تشجع لاتسيو ؟ يقولي لأ ..ومره شفت واحد كنت ناوي اذبحه من كثر ماقهرني ..كان لابس تيشيرت الفريق وكنت بالنادي الصحي ولما سألته هذا السؤال التقليدي قالي ..منو ؟ قلتله لاتسيو ..قالي منو لاتسيو قلتله التيشيرت اللي لابسها حق اي فريق قال مادري والله
لكن انشالله يزيدون ويكثرون مع الانتصارات و البطولات والبركه بالموجودين
كيف شك بصمودك الآخرون ..هل هم جنون !! ألا يعلمون أن الكبار لا تقتلهم ديون ...أم هو الحقد الذي قد خيبت فيه الضنون ؟
دعهم يقولون و لإبداعك ينظرون ... ثم سيعلمون بأن السماء مهما تلبدت بالغيوم ... سيظهر صفاؤها ذات يوم ..وسيبقى عشقك المجنون ... ومن يعشقك يا نسر لايمكن أن يخون
للأسف مشجعي هذه الأيام هم مشجعي رونالدينيو ومشجعي كرستيانو رونالدو ومشجعي ميسي ... و للأسف ولا مره شفت لاتسيالي وكل مره واحد يسألني يقول لي وش تشجع ؟... أقـول لاتسيو يضحكون علي او انهم ما يعرفون من لاتسيو .
وبالنسبه للمشجعين لـ لاتسيو ألحين أعتبرهم هم مشجعي لاتسيو الحقيقيين والأوفياء ...
والله موضوع حلوو وبالنسبة لي من اعضاء المنتدى التقيت مع الاخ احمد التتان من البحرين الشقيقة واهداني شعار غالي على قلبي وهو شعار النسور تعليقة بالسيارة.. وبالقهاوي اول كنت اشوف اللاتسياوية كثير وعندي ولد عم كان يشجع لاتسيو لكن الحين اعتقد تركه وراح للأنتر وللأسف ان هو الي علمني على حب السماوي..!!
وبالنسبة لفكرة نجتمع احنا مشجعين لاتسيو انا من القطيف بالمنطقة الشرقية وتفاجئت ان فيه اعضاء من القطيف وانا ادورهم دواره ياليت نتواصل يا شباب لأن بجد ضيقة اشوف مشجعين البرشا ومدريد وانتر و ميلان واليوفي وتشيلسي ومانشستر كثار واحنا اقلية وانا والله شي يضيق الخلق وبنفس الوقت يرفع الراس على فكرة انا مرة كنت مسافر الى كندا وتعارفت على واحد ايطالي كان لابس لفاف لاتسيو (وشاح) واستغرب اني من السعودية واشجع لاتسيو واهداني وشاحه هدية وما زلت محتفظ فيه
محمد..
انا أحبـــــــــــك ولا فكرت اخونك ..وقلبي في الهوى عايش يصونك
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
>>> برى ) و بصراحة أنبسط لم أعرف إن واحد صغير بالعمر و يشجع لاتسيو ... مدري أحس إني شطحت عن الموضوع 
لاني من عشاق هذا الاعب 
العرض العادي
