رباعية ومع الرأفة ولو ما تبديلات روسي الخرفانة كان زادت الغلة ولاكن الحمد لله على كل حال
عجبتني اليوم الدخول السريع في اجواء المباراة من زمان ما شفت لاتسيو يضرب بقوة من البداية يعني من ايام مانشيو وفيوري الله يذكرهم بالخير وهذا الشي كان مفتاح الفوز اليوم
الحمد لله ان طوطي لعب المباراة لانه كابتين بصدق ويعرف كيف ينرفز فريقه ويطلعهم من اجواء المباراة وهو سبب الرباعية الي كانت قابلة للزيادة وهذا مفتاح الفوز الثاني بس القهر كان المفروض ينطرد بس معروف الصبية ما حد يقدر يزعلها
مكسيس شايف نفسه وقاهرني طول المباراة بزعطة صدره لاكن الله ما خيب ظني وشفت فيه يوم بس القهر ماتو انطرد من ورى شكله
زراتي اليوم ذكرني بزراتي الفنان بداية الدوري هدف رائع وتعليقة ما في احلى منها<<يا حظك يا دوني فكل ديربي تتعلق خخخ
كولاروف روعة عجبني فيه اليوم عقلانيته يعني كان يتقدم بحذر ويرجع يغطي في الوقت المطلوب وهذا يثبت ان هذا الاعب نضج وكلل مجهودة بالهدف الاضحوكة على نادي القطط والضباع خخخ
ماتو رائع فكل شي ثقل كبير في خط الوسط وادراة للاعبين داخل الملعب ممتازة
موسليرا ممتاز توقعته يكون مهزوز بس فاجئني بمستواه اخرج اكثر من فرصة صعبة وخصوصا الكرات الرئسية الي تصدى لها بأعجوبة بس ما عابه هو كثرة احتفاظه بالكرة ومن ثم تشتييتها برعونة
ليشتاينر افضل مباراة رأيتها لهذا السويسري تحمل غباء العاهة بروكي طول المباراة وخصوصا في الشوط الاول واستطاع ايقاف باتيستا وهدفه كان مكافئة لمجهوداته
هذول افضل لاعبي المباراة
ليديسما مهمته كانت واضحة وهي افتكاك الكرة وروسي واضعنه درع لثنائي الدفاع بس عجبني بأستخلاصه للركنيات والعرضيات وتمريرته في الشوط الثاني من ذهب لروكي الي مدري كيف ضيعها
فوجيا شوط اول سيئ ما شفنا له شي الصراحة الشوط الثاني تحرك وكان مزعج على الاطراف وصنع الهدف الثالث بس القهر يوم قام يلعب صح طلعه روسي
سيفيليا تقدر تقول مباراة جيدة له مع انه تسبب في الهدف الاول بس ما نقدر نطالبه بأكثر من هذا المستوى
روزينال رغم انه طويل لاكنه سيء في الكرات العالية بس كمجمل ادائه جيد وافضل من كريباري قتاليته كانت واضحة ووقف عظم لتويتي
هذول مستواهم متوسط الى جيد
بانديف هدف بداية المباراة وكنا ننتظر منه الكثير لاكن تفاجئنا مستوى اقل من الطموح لازم يراجع نفسه وكان المفروض يخرج بس الفلتة روسي له راي ثاني
بروكي سيء كالعادة وكانت جهته ثغرة يسرح فيها باتيستا وروما كانت تشتغل 100 % على جهته كنت منتظر اخراجه ولاكن للسير رأي آخر !!!!! رغم انه تحسن في نهاية المباراة ولاكن يظل اسوء لاعب في المباراة
هذول الاسوء
نجي للبدلاء الصراحة التبديلات كلها عاية ولا تبديل افاد الفريق بالعكس ضر الفريق
ماوري بدل فوجيا والمساحات كانت موجودة !!!!! روكي بدل زراتي الممتاز وترك بانديف السيئ !!!!!! دي سلفستري بدل ليشتر الي يقدم مباراة عمره !!!!!
روسي رغم الفوز برباعية ما حسيت له بصمة ولو كان مدرب غيره لما رحم روما فثانية تغييرات عادية وكأنه راضي عن النتيجة جميع الاهداف جائت من اجتهادات لاعبين والفريق كان تائه في الشوط الاول ولم يحرك ساكنا يمكن تحسب له تحميسه للاعبين بين الشوطين وفي حركة شفته سواها لروزينال والله يستر ما تطلع لنا مشكلة جديدة !!!!!
المباراة كانت كمجمل جيدة بداية قوية ثم تراخي غير مبرر ثم استفاقة من جديد في الشوط الثاني الفريق اعابه الخوف من ردة فعل روما تجاه الهدفين المبكرين ولو واصلنا الهجوم لزدنا الغلة خصوصا ان دفاع روما اليوم سياحة وشوارع وهذي مشكلتنا في المبارايات الكبير الخوف من ردة الفعل وبالتالي الانكماش
الجهة اليمنى لازالت تعاني بوجود العاهة بروكي وروسي لم يفهم ان هذا الاعب لا يليق باللعب في مباراة عادية ما بالك بمباراة ديربي !!!!
اخيرا الف مبروك من جديد اليوم بنام واحنا مروقين وشاربين سفن آب لاتنسوا يا شباب هالله هالله في الصور والمقاطع وطبعا صورة لوحة النتيجة ابيها اهداء خاص لي
فوز تاريخي للنسور والله راح صوتي كم الصراخ اليوم كل الفريق كان ممتاز وزارتي كالعاده حاضر بأهدافه السوبر والي يقول بروكي عاهه وفاشل شكله كان يتابع مباراة كاتانيا وتورينو بروكي من افضل الاعبين بالديربي وكان لاعب تكتيكي ومميز كافي صنع الهدف الاول عموما عندي كلمه بقلبي ودي اقولها الديربي على الدريم بوكس وبتعليق ايطالي وتحليل للمباراة وصور وبوسترات بالاستوديو افضل 3000000 مره من الجزيره ومرضها الدائم نداء لكل الشباب ملكم الا الدريم بوكس وبتعيشون بعالم ثاني وشكرا
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
تريليون مبروووووووووووووووك 
العرض العادي
