السلام عليكم
أحبائي حبايبي محبوبيي 
الساعة 9 و نص قلت خلني أسبح و أتجهز و أطلع للصلاة ,
سبحت و خلصت و الساعة 9 و خمسة و أربعين , قلنا عدل نشوف ولدنا بيلعب و إلا شنو ,
شغلنا الصنم الأغبر , شفنا ضربة البداية و ولدنا ماهو مسنتر 
شوتة من هالصوب و شوتة من هالصوب قلنا يلا خلنا نشوف ربع ساعة ,
و الربع ساعة تحمس حيل , و صارت شوط كامل 
بعد هالشوط طلعت مطمن على العيال , و ما توقعت الخسارة أبداً أبداً ,
نجي نتلكم بالشوط الأول , يا حلوته حلاوة , شوتات من كل محل , كولاروف صواريخ موجهة للمريخ من كل جهة , يا لبى قلبه على التعدية ياللي بالدقيقة 20 و بعدها صاروخ كولاروفي 
بارونيو أبو فاول عجيب , بارونيو قدم مباراة قد تكون أفضل مبارياته لحد الآن في هذا الموسم من رأيي ,
الدفاع كان جيد جداً , دابو قد يكون هو الأقل نصيباً من المدح لأن عليه بعض الحركات اللي ترفع الضغط , راجع لي على عوايده قبل لا يروح مانشستر , ياخذ الكورة و يتوهق ما يدري وش يسوي فيها و يسلمها للخصم 
ماتوزاليم الأفضل في خط النص في الشوط الأول , فكاك كور + محافظ على الكورة + يكسب فاولات , أيش أحلى من كذا ؟
فوجيا بديت أتخوف من اعتمادنا عليه و تأملنا فيه خير , لاعب من قرطاس , يمر عليه لاعب مسرع يطيح 
وين زاراتي بنفس الحجم تقريباً يتحاوطونه 3 و لا يطب , ميسي تضربه انت تطيح و هو لساته بنفس سرعته 
أبو الموس بطل و ربي , ليشتر يحتاج لواحد يتناوب وياهـ ,
شوط حلو قدمه الفريق , أقلها يخلينا ما نحاتي مثل أيام روسي 
تغيرت شخصية الفريق و هذي أحلى شي بهالموسم 
دمتم بخير
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
رد: الخسارة الاولى هذا الموسم امام اليوفنتـوس 
العرض العادي
