الله يعطيك العافيه يالعودي وماقصرت .. دايماً معودنا على إبداعاتك .. الله لا يحرمنا منك
بالنسبة للمباراة كثر ما نقول عنها أنها صعبه فهي صعبه .. والسبب مو في قوة نابولي بل ملعب السان باولو الي هو يعتبر سبب خسارة أغلب الفرق التى تلعب ضد هذا الفريق بسبب الجماهير
غياباتنا مؤثرة خصوصاً بعد ظهور أنباء بغياب كلوزه لكن البركه بالموجودين .. لكن إن شاء الله نقدم المطلوب علينا ونفوز بالمباراة
هذي المباراة أبي أسميها مباراة إيدي ريّا لأنه دايماً يتألق قدام نابولي والسبب أنه عارف جميع إمكانيات لاعبينهم عدل .. وحتى مباراة الموسم الي طاف الي فاز فيها نابولي بالغش ريّا لعب بخطة عقدت نابولي وقللت من خطورة لافيتزي وهامسيك لكن خسارتنا جت من أخطاء دفاعيه وتحكيميه
في نقطه مهمه ودي أقولها وأهي أن نابولي بعدما تأجلت مباراتهم قدام اليوفي لسبب تافه كان القصد منها إراحة اللاعبين لأنهم كانوا مُرهقين ومستوى الفريق كان في تراجع في دوري الأبطال وكذلك الكالتشيو .. وهم حالياً أرتاحوا أسبوعين على عكس لاعبينا وهذا الشيء أكيد راح يفيدهم بالمباراة لأنهم أستعدوا لها عدل
- عدة لاعبين من لاتسيو اكدوا ان الموسم الماضي ان نابولي سرق الفوز منهم و انهم يرغبون بالثأر .. فـ هل تعتقد ان المباراة قد تغلب عليها الطابع الخشن و ربما نشهد كروت ملونه كثيرة ؟
لاعبينا بهذي المباراة المفروض يلعبون على الراحه لأنهم بعيدين عن الأولمبيكو وأغلب الضغط راح يكون على نابولي .. صحيح أن جماهيرهم تربك الفريق الخصم لكن نقدر نمتص حماسهم بتقليل رتم المباراة واللعب على المرتدات والهجمات المباغته ..
المباريات الحماسيه لا بد يطغى عليها الطابع الخشن والكروت الملونه لكن إن شاءالله يكونون لاعبينا جاهزين ذهنياً لهذي المباراة ويقدمون مباراة كبيرة ونفوز بالنقاط الثلاث
2 - اللاعب المقدوني غوران بانديف الذي بدأ بروزه محلياً و اوروبياً مع لاتسيـو و هو يلعب الآن مع نادي نابولي .. صرح قبل عدة ايام رغبته بالبقاء طويلاً معهم و انه سـ يبدأ بـ اثبات نفسه بالمباراة القادمة اي امام لاتسيـو .. من وجهة نظرك هل ترى في حال مشاركة بانديف انه سـ يكون مصدر خطورة على دفاع لاتسيـو ؟ و ان مواجهته لـ فريقه السابق سـ تعطيه حافزاً ؟
بانديف من أول ما أنتقل لنابولي وهو مايلعب إلا بأخر عشر دقايق أو ربع ساعه وللحين ما تأقلم .. لكن ممكن تكون له فرصه كبيره للتألق قدام لاتسيو .. والموسم الي طاف سجل علينا لما كان مع الإنتر
مدافعينا ماعندهم أي درايه عن حركات بانديف وطريقة لعبه بإستثناء دياكيتيه وأتمنى يكون هو اللاعب الي يمسك بانديف في حال مشاركته .. لكن الخير والبركه بالموجودين
3 - ما هي الخطة الانسب لـ مواجهة نابولي و ما هو التشكيل الاساسي الذي سـ تختاره لو كنت مكان المدرب ادواردو ريجـا ؟
بما أن نابولي فريق كثيف من الناحية الهجوميه ويلعب على الأجنحه فأكيد الخطة الأنسب هي تكثيف خط الوسط 4-5-1 هي الأنسب لهذي المباراة في حالة الدفاع وبالهجوم 4-3-3
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
