بعد ما شفت المباراة اعادة
تقييمي الشخصي
موسليرا 5
المباراة ما كانت فيها خطورة عليه حيل
لكنه ابعد كرات و وخطأه الكبير كان الهدف !
روزينهال 7
قدّم مباراة ممتازة ويثبت انـه افضل مدافعيننا
اي كرة عاليه والركنيات كانت للتشيكي
سيفيليا 5.5
لازال مندفع ومتسرع .. لكنـه قدم مباراة زينـة
لكنـه أخطأ بالتغطيـه عند الهـدف
دي سيلفستري 7.5
عيني عليـه بارده .. ممتـاز لأبعـد حـد
دفاعي وهجومي و قلب دفاع ثالث أحيـان
بآخر ربع سااعة تقريباً من الشوط الثاني واضح عليه التعب والارهاق
لكنـه يبقى ممتـاز ومن نجوم المباراة
زاوري 5
اسوء لاعـب من وجهـة نظري !
انطلاقاتـه من الخلف ممتـازه جـداً
لكنـه ما يعرف يعرّض اي كرة !!
تمريراته الارضيـة جيـدة .. لكن العرضيات والتمريرات الطوليـة صفـر
كان بالامكان تـاري يجيب هـدف يوم كان لحالـه
لكن زاوري لعبها بـ يساره اضعف من الضعيفه !
بارونيـو 8
هو نجم المباراة .. كان كل شي يبدأ من عنده
ممتاز لأبعـد حـد .. ويثبت انتقادنا لتجاهله من قبل روسي
بارونيو لولا الحظ لـ سجل هدفين من ركلات ثابتـه
غير هذا قطـع العديد من الهجمات وكان مساند ممتاز دفاعياً
وكان ممتاز في امداد الكرات للثلاثي الامامي فينارولي وماوري وتاري
مودينغاي 6
مافي اي جديد بالنسبـة لـ مودي
هو مثل ما عرفناه .. جيد بقطع الكور ممتاز بالالتحامات
ضعيف بالتمرير .. لكنـه اليوم صاير اسرع من قبل بالتمرير
موتاريللي 7.5
من افضل مستويات موتاريللي هالموسم هي مع مباراة بارما
اليوم ماسيمو لعب دور جديد بحكم التشكيلة اللي مدري شلون قايله
فينارولي يميل الى اليمين وماوري يميل الى الشمال
فـ كان موتاريللي هو المساند من الخلف وهو اللي يغطي على تقدم زاوري
وبصراحـة نجـح وسجل هـدف .. وسدد اكثر من مرة على المرمى
ماوري 6
الشوط الاول ماوري قدم مستوى ممتاز .. صحيح ماهو بذاك الامتياز
لكن كان افضل مستوى يقدمه هالموسم .. لكن الشوط الثاني كان ضايع لأبعد حـد
وتأخر روسي في تبديلـه
فينارولي 5.5
مثل ماقلت قبل المباراة .. فينارولي ممتاز كـ جناح ايمن
وطول المباراة كنا نشوفه يميل الى الجنـاح
لكـن هالشي ترك تاري وحيـد بين 3 مدافعين !
ومن دون مسانـده
تاري 5
الالباني ما ينلام على هالتقييم
لأنـه كان وحيـد داخل منطقة الجزاء حتى بعد دخول روكي
كان المفروض يتبادلون الادوار بحيث يصبح روكي هو رأس الحربة
وتاري هو المهاجم الثاني .. لأن تاري ممتاز بـ تهيئة الكرة براسـه
وجيد جداً بالتمرير .. واكبر دليل تمريراتـه لـ زاوري و روكي
وبالسابق تمريرته الحاسمه لـ بانديف قدام نابولي بالدوري
روسي 7.5
أحـد نجوم المباراة بـ نظري .. بالتشكيلة هاذي قدم مستوى طيب
وتبديلاتـه كانت جيده رغم تحفظي على بعض الامور
لكن راح اكتبها بـ التعليقات الخاصة للمباراة
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
