لاعبي المحور في لازيو ( خايف من المواجهه ) والا ...!!؟؟؟

[carlos zizzo]

مرحبا بالجميع


مطمئن جدا لازيو في بدايه الكالتشيو واتوقع لو المواجهه لم تكن امام الميلان لكان المستوى اضعف بكثير

عموما

هناك مشكله كبيره وعله خطيره تسببت بكثير من المشاكل السنه الماضيه وبوادر وجودها هذي السنه خطيره
اتمنى مشاركتكم واطروحاتكم

محاور الفريق ليديسما وبروكي وماتوزاليم هم اسبابها والحديث لا يشمل كانا المحارب لانه لم يكن موجودا من السنه الماضيه ولا اعتقد بتواجدها به

رأينا بالامس كيف استطاع اكويلاني وابرا وكاسانو وبرنس وكذلك امبروزيني تمرير الكره باريحيه تامه ودون مضايقه
بل كانو يسرحون كما يريدون بالمنتصف وعلى الاطراف وكيف راينا ابراهيموفيتش لمده طويله وقف وامامه بروكي ومن خلفه المحاور لمده طويله وكان بروكي يقوله ( كيف الحال وشلونك صح عليك اللوك الجديد ) وبعدها يمرر وبكل اريحيه وتركيز منحوها له لكاسانو وتسديده ولله الحمد بالقائم وخارج الملعب

اعتقد ان احد اسباب المركز الخامس العام الماضي واللسنين الماضيه هذي المشكله



كيف تبي تنافس وانت تسولف مع المنافس والله حرام

يعني ازلق اكسر القم كبري اصفقه ببقس بس لا تناظر فيه

والله يعطون اللاعب راحه غير طبيعيه يعني ابرا ناظر يمين لقى زاوري يقوله انا مسكين لاتلعب الكوره جهتي
ثم ناظر يسار ولقى كاسانو فاتح صح بس يبيله شوي يتراجع عن التسلل ثم قال ابشوف زاوري شكله مولي بس غطاه مدافع ثاني شوي وقاله بروكي مرر ياخي والله ما اقدر اشيل نفسي قال خلاص كاسانو وضعه تمام كاسانووووووو.................... انفراد شوته برى


باللله وش يسوووون بطء بلاده استهبال خوف وش ذا ضاعت مباريات بهالشكل



وبالهجوم ليديسما يلعب على عماها تمرير ضايع وحوسه كأنه يقول ياخي وين سيسه رايح فيه ورا مايرجع ياخذ الكوره والا امرر لكلوزه شكلي ما اوصل وبعدين يقطعونها


اللاعبين كويسين وعندهم اكثر من كذا
بس الظاهر انا الواحد من النوع اللي ما اقدر افكر التعليمات حقت ريا واجد وش اسوي ووش اخلي



شويه تركيز وحماس وقوة والله كويسين بس الروح

يعني زاوري دارين انه رايح فيها من اول اللوم مو عليه اللوم على اللي خلاه
بس هذولا الاعتماد كله عليهم ووضعهم مصيبه


اتمنى التفاعل واتمنى من يطمني عن الوضع لان اذا الوضع كذا هالموسم

شكلي باحجز سرير بالطواريء قبل كل مباراه عشان بعدها بدال مانتظر يكون السرير جاهز
وما ابلش



تحيايتي للجميع

[فيرون 2000]

نقطة مهمة كلنا انتبهنا منها امس ..
هي رجوع اللاعب وعدم الاندفاع .. وهجمة ابرا لكسانو ثم العارضة ..
بروكي كان يتراجع ومايضغط .. !!
كانا غير كذا اكيد .. ليديسما افضل من بروكي .. وماتو افضل منهم ..
نريد عنف بالوسط ..

[8 zauri]

لديسما ركيزة أساسية ولم يستطع أحد من أخذ مكانه ..
لكن أنا معاك بروكي لازم واحد ياخذ مكانه مع كامل إحترامي لمستواه و اجتهاده
ماتوزاليم أو كانا لازم يا خذون الأساسي مكانه (( إذا كانو يستحقون طبعا ))
الإرتكاز ماهو مشكلة عندنا بحجم مشكلة بدلاء هيرنانديز و رادو ..

[carlos zizzo]

8 zauri و فيرون 2000 مشكورين على الرد كلنا نعرف ان ليديسما ممتاز وانه افضل من بروكي اكيد
بس بطيء جدا في نقل الكره وكلنا شفنا من العام ومشكلته يتفرج مثل بروكي بس يفرق عنه انه يترك اللاعب بالمنتصف ويمشي معاه الين يقرب من ال 18 وبعدها يشترك

وهالشي غير مناسب حيسبب اخطاء قريبه ويعطي مساحه ووقت لنقل الكره

اللي اقصده لو محاورنا كانوا بشاكله سيميوني وقتاليته او حول كانا كان اختلف الوضع وكنا ننافس


يعنني ممكن اني القي باللوم على المدافعين على الاخطاء الشخصيه اللي تجي منهم بس امس ما الومهم لو اخذو كروت صفر او حمر او تسببوا ببلنتيات لان الخط الاول للدفاع المحاور قاعد يتفرج على الخصم وشلون يلعب
انا ماني ضد لاعب بعينه كلهم عندي واحد واكييييد اقدر جهد بروكي

وبالنسبه لبدلاء هرنانيس ورادو اعتقد هرنانس لايوجد حاليا بديل وان كان قونزاليز نوعا ما لكن لا يقوم بدوره تماما

والظهير وجود دياكيتيه بقمه جاهزيته وستانكي ممكن يعوضون زاوري السيء بمعنى لا يمكن ان يفيدك بالامام بس بالدفاع مقفل عموما هذا رأيي كحل ودياكيتيه متى ما اعطي الفرص والله لو تحطه صانع لعب ان يفيدك جيد هالخال

شاكر ردودكم يا اخوان بانتظار البقيه

[kindman]

من العام الماضي ونحن نشكوا من مشكلة في المحور

وقلنا ضالتنا المحارب

لأنه الوحيد القادر على كسر الريتم والهجمات وإخافة المهاجمين

يعني لو امبارح موجود كان الدلوعات كاسانو وأكويلاني يلعبوا ورى نيستا

بروكي ممتاز ممتاز ممتاز لكنه مش ارتكاز

بروكي محور وفي فرق

بروكي ينفع ضد الفرق الصغيرة أو الوسط الثلاثي أو تنشيط الوسط وتدخله بالشوط الثاني

أما لاعب ارتكاز ما في عندنا إلا ليدزما وكانا ويمكن شوي لكنه أضعف دفاعياً ماتوزاليم

مشكور حبيبي على الطرح

[carlos zizzo]

مشكور kindman على ردك

انا اوافقك الراي بان بروكي احتياط وينفع مع الفرق الصغيره ويلعب الشوط الثاني
بس المساله مو بروكي وحده يعني حتى ليديزما الممتاز لديه هذه المشكله
رؤيه الخصم وهو يتحرك امامهم دون الالتحامات خطأ كلفنا هدفين بمباراة الامس

وكذلك مباريات عديده الموسم الفائت


تحياتي

[The Game]

انا بصراحة يا كارلوس واحد من الناس اللي يحب بروكي ^_^

و من وجهة نظري بروكي لاعب مميـز و مفيـد للفريـق
و الحكم تو الناس عليـه على اي لاعـب

و بالمقابل ان اتفق ان المباراة كانت تحتاج لـ لاعب آخر
وهالمباراة كانت بـ تكون مباراة كـانـا لولا الاصابـة

لأن الالباني قادر على قطع الكرات او عمل فاولات تكتيكيه بعيد عن منطقة الجزاء
و لأن كانا لاعب ما يمتلك مهارات و لكنه يمتلك القوة البدنيـة و الاداء الدفاعي و القيادي

فـ لو نشوف اداء كانا قدام الفريق المقدوني كان اداء عادي .. لأن الفريق المقدوني كان فريق اكثر من عادي
اما لو نشوف اداء بروكي قدام الفريق المقدوني كان اداءه خرافي .. لأن مدرب الفريق المقدوني كان يهدد قبل المباراة و الفريق كله لعب بقوة من البدايـة

اما لقطة ابرا و بروكي فـ العتب ما يقع على بروكي بدرجة اولى
اللاعب اللي واقف ورا بروكي كان هو المفترض اللي يكلم بروكي و يقوله تقدم