يقولون - و العهدة على الراوي - : الحصان اذا ربطته مع حمير ( أجلّكم الله ) وش يصير ؟؟
هذا حال هيرنانيز هالموسم .. لاعب واضح انه فقد كل إمكانياته الرائعه الي قدمها الموسم
الماضي وصار لاعب عادي جدا .. صار ليدسما جديد .. والله يستر على كلوزه من هالنقطة ..
فريق فيه ليدسما و غونزاليس و رادو يؤدون اسوأ اداء في مباريات كثيرة وإلى الان يلعبون اساسيين
اعرف انهم إما مدعومين او إن المدرب داج .. وبما إن تاريخ ريا يقول ان اكبر إنجازاته هو صداقته لكابيللو
فأرجّح الخيار الثاني .. ريا مدرب فزعه إنتهى دوره من العام .. مدرب مفلس ماعنده اي حلول ماعنده
اي تكتيك .. يلعب بنفس الأسلوب بنفس الأسماء بنفس الطريقة في اي بطولة قدام اي فريق في اي
مكان .. والله راحمنا هالسنة بإجتهادات اللاعبين و أولهم الحارس ماركيتي الي لولا الله ثم إبداعاته كان
هزايمنا اكثر من إنتصاراتنا ..
غونزاليس عجزت استوعب انه لاعب كورة .. يا عالم يمكن انا ما افهم او اني شايل عليه شوي بس والله
ودي اشوف له مباراة يؤدي فيها اداء على الأقل متوسط .. لاعب ماعنده سالفة لا هجوم ولا دفاع .. لا تمريرات
لا مهارات لا حماس ولا شي .. ولا حسنة وحده فيه ومع ذلك كل مباراة اساسي ؟؟ والله اني اكره المباراة
من اشوفه بالملعب ..
ليدسما ( بيرلو لاتسيو ) الكابتيانو اللاعب الفلتة .. الي تمريراته قاتلة .. خط الدفاع الأول الي ما عمره فكنا من هجمة
هذا اللاعب نص مشاكل الفريق منه .. المركز الي هو فيه اهم مركز في الملعب ويبي له لاعب صلب وقوي وحركته
سريعه .. وهذا لو يتسابق مع السلحفاة الي في كتاب القراءة تفوز عليه .. لاعب خلّص افلس انتهى ماعاد عنده
شي .. لاعب المفروض يلعب في ليتشي والا بولونيا مع اني اشك ان احد يبيه إلا إذا مجاناً ..
رادو .. الظهير العصري .. الي ماعمري شفته يرفع كورة جا منها هدف .. يا جماعه هاللاعب فيه كتلة غباء ما ادري
من وارثها .. لاعب ماعنده اي شي يقدمه اكثر من الي قدمه .. يتنرفز بسهوله و اداءه الدفاعي سيء جدا ومع
ذلك ما يغيب مباراة مادام ريا موجود ..
ريا من عام 1979 يدرب .. اكبر إنجاز حققه انه صعد بكم فريق من الدرجة الثانية للأولى .. منها نابولي الفريق
الي قدمه للعالم و قعد معهم 4 سنوات .. ويوم طلع من عندهم صار نابولي فريق غير و صار يشارك في الأبطال
ويتأهل لدور الـ16 من قدام المان سيتي وغيرهم .. اتخيل لو فريقنا بوجود هالمدرب الفلته في الأبطال في مكان
نابولي .. اتوقع كنا نآخذ الشرف الي اخذه فياريال في المجموعه ..
تاريخ مدربنا الكبير يؤكد انه لو فتح مطعم من ذاك اليوم كان صار ملياردير الان مادام انه طباخ كذا والا كذا ..
لا يجي احد و يقول اهم شي النتيجة وما ادري ايش .. شوف حال الفريق في الدوري الأوربي وتعرف دور المدرب
الفلته .. فاسولي الروماني ( مدري اسمه كذا ) بالله هذا فريق يطلعنا من البطولة .. لهالدرجة هذا مستوانا !! إذا
في الدوري الأوربي ما قدرنا على هالفرق الصغيرة شلون اذا شاركنا في الأبطال ؟
ما اقول الا صبر جميل والله المستعان .. مباريات لاتسيو صارت ترفع الظغط .. وجه غونزاليس لحاله يجيب الكآبة ..
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض الشجري
