لازيو يتأهل رسميا بتعادله مع توتنهام بعد مباراة الفرص الضائعة

[Ole]

مبروك التأهل للدور الثاني

ماشفت الا جزء بسيط من المباراة منها الكورة اللي ضيعها كوزاك والباب مكشوف له

لكن للأمانة كوزاك قدم مستوى طيب ... شباب انتم تشوفون الفرص اللي ضيعها كوزاك وانا اشوف كيف خلق الفرص من تحركاته

لو مهاجم ثاني ماتحصل له الفرص هذي ... بالمقابل في مباراة بنثنايكوس سجل هدفين من لاشي

اعتبره حاليا المهاجم الثاني بعد كلوزه

ليدسما شهادتي فيه مجروحة ... بس قدام اليوفي كان سيئ وباقي المبارايات يقدم مستوى جيد

لو لاتسيو يقدر يجيب افضل منه ماراح نقول لا لكن فيه مراكز ثانية تحتاج للتطوير اكثر

ولا تنسون له سنوات طويلة مع الفريق ومروا محاور كثير على الفريق وهو الثابت لقناعة اكثر من مدرب فيه

[أمير السيليستي]

المهم التاهل وهذا يكفيني وبلا خساره
الحمدلله

[بو سلمان]

اهم شي التآهل و الحمدالله تآهلنا امس

المباره كانت جيده لولا اضاعه الفرص السهله خصوصاً كرت كوزاك اللي كان المرمى مفتوح قدامه و سددها بره بطريقه غريبه !!

كوزاك مشكلته يعطيك مباره و عشره يفهي و هذا السبب اللي يخليه ما يلعب بستمرار

انا متاكد لو كوزك سجل امس كان حتى جاته الفرصه في الدوري يلعب في الشوط الثاني على الاقل

بالتوفيق

[DON JWAN]

ما أعرف أقول مبروك والا هاردلك...!!!

أقول مبروك على التأهل رسميا" بغض النظر عن تأهلنا كأول او ثاني المجموعة

ولكن ارجع واقول هاردلك على عدم الفوز اللي كان في المتناول و اللي كان بيحسم صعودنا متصدرين وتكون مباراة الجولة الاخيرة تحصيل حاصل ونلعبها بالصف الثاني تادية واجب فقط لاغير

صح اللي لعبنا معاه اسمه توتنهام بس هالموسم وخصوصا" هذه الفترة هم في أسوأ مستوياتهم و بواش قاعد يألف و مدمر الفريق و اتوقع إقالته قريبا" و المباراة كانت في أرضنا و بين جمهورنا يعني الأفضلية كانت لنا بس ضيعناها للأسف..!!!

ما بتكلم عن النخلة كوزاك لانه الشباب قالوا اللي في خاطري بس برجع أتكلم عن ليدسما واللي بح صوتي من كثر ما انتقدته و لن أرتاح إلا بعد ما اشوفه خلف أسوار النادي...!!!

المسالة ليست إنتقاد لمجرد الإنتقاد ولكن في كل مباراة حاسمة يثبت هذا المدعو ليدسما أنه اقل من ان يلعب في نادي بمستوى و إسم لاتسيو..!!!

والله ثم والله أني اتحسر كل ما اشوف مباراة لفيورنتينا هذا الموسم و اشوف بيزاراو التشيلي واللي طلع كلام بداية الصيف انه ممكن يجينا ولكن ما جانا يمكن لانه لعب لروما ولكن قارنوا بما يفعله هاللاعب واللي مركزه نفس مركز ليدسما بالضبط و حتى أقصر من ليدسما بس إرتكاز صح ويسلم صح و يعطيك كور فوق المدافعين صح يعني إرتكاز على مستوى عالي وهذا ما يحتاجه لاتزيو

أتمنى نجيب إرتكاز في الشتاء ونهيئه بالتدريج ليمسك مكان الإرتكاز للموسم القادم و يكون لاعب بإمكانيات معروفة أو موهوب حقيقي

تحياتي

[الكبيتانو روكي]

مبروك التأهل وهذا اﻻهم
شكرا لك ياغالي

[الأمير السابع]

مبروك التأهل و أتمنى المركز الأول بفوز على ماريبور

قرأت تعليقات الشباب و كانت تدور حول كوزاك و ليديسما

برأي كوزاك يمكن الصبر و يمكن أن يتطور و مازال صغير بالعمر و له لمسات جيدة مثل مباراة باثانياكوس وهو لا يشتكي لو كان مهاجم احتياط أو حتى يتم اعارته لنادي ضعيف ... أشوف فيه لاعب يفيد لاتسيو و ليس من السهولة ايجاد بديل لكلوزه مستواه ممتاز و يرضى الدكة ... و في ظل صفقات النادي الغير مكلفة فكوزاك أرحب به شخصيا


أما ليديسما فكنت أدافع عنه مع ريجا لأنه كان يتحول إلى مدافع خامس و كان ليس مسؤولاً بشكل مباشر عن صناعة اللعب بل كان يقوم به ماوري و لوليتش و هرنانز الذي كان يلعب خلف المهاجم

صحيح أن ليديسما جيد جداً دفاعياً لكن بيتكو يعتمد عليه في صناعة اللعب و اي صناعة لعب يقوم به!!! كرات طائشة عشوائية بشكل مفرط حتى بدون ضغط من الفريق الخصم

لو كان ليديسما يلعب معنا أيام المراهقة تقسيمة في الحارة كنا وضعناه حارس أو طردناه خارج اللعب ...

ما معقول هذه التمريرات السيئة جداُ و ليس من المعقول أن لا نجد لاعب ارتكاز بمواصفات ليديسما الدفاعية و مع تمريرات متقنة للأمام... عدى أنه أي لاعب ارتكاز سيشعر براحة بوجود جونزالز بجانبه ليغطي على هفواته

مع وجود بيتكو في الفريق يجب تغيير ليدسما فوراً ....في مباراة اليوفي لم نخلق فرصة واحدة بسبب تمريراته العشوائية

صبر جميل مع لوتيتو و سياسته في المريكاتو السيئة...

[ahmad444]

يجب ان يتصدر الفريق مجموعته لتفادي اللعب مع فرق قويه

[popan75]

بصراحه
التأهل اهم
والاهم اننا اثبتنا قوتنا علي ارضنا
كنت اتوقع توتنهام يهاجم ويسطر

لكن اكتشفت ان لازيو اقوي بكثير من توتنهام
ولاننسي ان توتنهام من الفرق الانجليزيه القويه
اعجبتي بتكوفيش مدرب كبير

[only lazio]

المشاركة الأصلية كتبت بواسطة متيم لازيو

للاسف لا اعلم ماهذا الاقتناع بكوزاك

هالمهاجم يثبت يوم بعد يوم ان الاهداف

اللي يسجلها ماهي الا محض صدقة ولا عنده من الهجوم شي

للاسف لوحدة اضاع نقاط المباراة وفوق هذا بيتكوفيتش

بصراحة مدرب غثيث ع كثر ايجابيته الا انه يجعلك تكرهه

باصراره العجيب ع بعض اللاعبين وتأخره بالتبديل

واستبعاده لبعض اللاعبين امثال فوجيا وماتوزاليم وزارتتي

المباراة ليست بتلك الاهمية وكلوزه لوتواجد لطلع بسوبر هاتريك

لكن ع لوتيتو ان يصحو من سباته فالفريق بحاجه لبديل له

احترااامي وتقــديري ،،

[L13E]

انا استغرب عن إلي يدافع عن هذا النعامه مع احترامي لكم وتقديري الكبير لهم
المستوى سيء جدا معقوله مهاجم يضيع 4 ولا يسجل هدف واحد ! هدف واحد فقط
حتى المرمى وهو فاضي ماقدر يسجل وش نسميه هذا غباء و الله وش ابي انا بسرعته اذا
كان معوق ومكسوح قدام الباب ؟ و المباراة كان يمدينا نحسمها وحتى لو تألق حارس توتنهام
فهو تألق و ايضا إلي ساعده غباء كوزاك الاهبل ..