معليش شباب لكن الخسارة سببها العقم الهجومي + زاراتي و كريباري
العقم الهجومي
الفريق عاجز عن بناء أي هجمة بشكل صحيح ، العمق ميّت و الأطراف غير مستغلة
من أيام ديليو روسي و فريقنا رافض انه يهجم من الأطراف
ياأخي لو انت فريقك ماعنده لاعب يصنع لعب من العمق روح للأطراف لأنها أفضل حل
بالارديني يلعب عالأطراف لكن ما يعطي تعليمات لــ اللاعبين انهم يرسلوا عرضيات
فوجيا و زاراتي لا استلموا الكورة من الجناح عندهم اصرار سخيف على الإختراق و هذا خطأ فادح
و روكي خلاص أنا اعتبره انتهى وراح زمانه
والله لو إنزاغي اللي غايب لعب مكانه كان قدر يستغل الكور بشكل أفضل من هذا
حتى ماكينوا لما دخل شكل خطورة أكثر من روكي
بكل واقعية بالارديني أحد أسباب الخسارة
زاراتي
هاللاعب لازم يتعلم يلعب عالصافرة
الكورة اللي رجعت علينا هجمة مرتدة و تسجل منها الهدف ماكانت تصير لو إن زاراتي لعب عالصفارة
و القهر انه كان يقدر يكملها لأنها بين رجله
غير كذا الأنانية الزايدة مالها أي داعي وهي اللي تقتل هجمات كثيرة للفريق
لكن ما ينلام بعض الأحيان لأن ماعنده أحد
غياب بانديف مأثر على زاراتي بشكل كبير جداً هالموسم
كريباري
والله تعبت من كثر ما أتكلم عن هذا المدافع
فضيحة ما بعدها فضيحة يجيك هذاك المهاجم الخال و يرقّص فيه يمين و يسار لا وبعد من مساحة بعيدة
حتى تغطية و توجيه للمهاجم (اللي هي أقل مهارة للمدافع) ما يعرف ولا يكلف على نفسه يضغط على
المهاجم و اكتفى يركض معاه
القادم أسوأ بهكذا فريق
و الله يعين بالديربي