اخوي الروماوي تراك مضيـّع دربـك
هذه الامور تحصل مع كل الانديـة
وبما انك روماوي فـ اقرب مثال انتقال ايميرسون الى اليوفي
كيف تم وكيـف صـار .. سوى كل شي بس عشان يلحق كابيلو
كرة القدم فيها الحياة الواقعيـه لأنها تعتبر لهم دوام و وظيفـه
فـ اكيد بـ تلقى موظف ممتاز وموظف زيـن وموظف شين وموظف خبيث و موظف فتــّان وغيره وغيره
قضيـة بانديـف لازلت عند رايي فيهـا
انا اتكلم عن القضيـة مو اللاعـب نفسـه
بانديف مهاجم ممتـاز وطوال ثلاث مواسم كان من المع نجوم الفريـق
لكن قضيـة بانديف وطريقتـه في التعامل الغير احترافيـه بتاتـاً هي اللي خلتني شخصياً كرهتـه
لوتيتـو الموسم الماضي شوي ويترجى بانديف تكفى جـدد 16 الف تصريح ان لوتيتـو يبي بانديف يجدد
ولكن بانديف ما جدد وش السبب .. لوتيتـو عطاه كل اللي يبيـه واللي طلبـه وكيل بانديف ولكن بانديف ما جدد !!
انا توقعي وهو توقع شخصي وممكن يكون خطأ .. اتوقع بانديف غار من زاراتي !
يعني زاراتي هالورع جاء والجماهير قامت تحط لافتات له بالكورفا نورد والجماهير ما تنادي اللا بأسمـه
وبنص الموسم لوتيتـو مستنفر مع نادي السـد ويبي زاراتي بأي شكل و بعدها وقع على راتب مليونين يورو غير البونس
فـ اتوقع بانديف يقول وانا طاحس ثلاث سنين لا جمهور رفع لي لافتـه ولا جددوا ولا اهتموا لي
فـ قرر انـه خلاص بـ يطلـع
وهذا حق مشروع لكل لاعـب .. لكن طريقـة الخروج كيـف تمـت !
بعد انتهاء الموسم والفوز بالكاس والعطلة انقطعت طبعاً الاخبار عن التجديد كل واحد معطل ومحد صوب الثاني
بدء الاستعداد للموسـم بانديـف وركزوا عدل بانديـف يقول للصحافـة انا اعلنت الرحيل ولا اريد التجديد ولن استخدم المادة الـ17 و اذا لم يتم بيعي فـ اني سابقى موسم و ارحل بشكل مجاني
صيغـه الخبر مو مهمـه حتى لو كان احلى كلام من بانديـف
لكن بانديف قال الكلام هذا لـ منو ؟؟ ركزتوا انتم واللا لأ
قال للصحافـة !!! ليـه طيب تقول للصحافـة .. الصحافة شكو هم اللي راح يبيعونك ؟
ليه ما قلت لـ رئيس النادي واللا مدير الفريـق
الخبر طبعاً نزل بالجرايد والصحـف .. قراه لوتيتـو اللي كان مشغول في سالفة ماتوزاليم وكاريزو
رد لوتيتـو ايضاً عبر الصحافـة انه راح اسمّرهم على دكـة البدلاء
معاه حـق لوتيتـو في كلمتـه وفي اللي سواه
وهالفقرة الجايـه تصلح رد لـ اخوي ماجلاتسيـو
اللي متحامل كثيراً على لوتيتـو ويهضم ( حق لاتسيـو ) بسبب كره لـ لوتيتـو
انا معاك ان مانفرديني وماكينـوا عاهات و رواتبهـم اكثر من راتب بانديـف
لكن اسمع ما يلي << حلوه اسمع مايلي
مانفرديني من متى عندنا ؟؟ من ايام كرانيوتي وهذا عقده وهذا راتبـه .. هذا واحـد
بانديف من وين جانا ؟ من انكونا كان معار له من الانتـر
بانديف كم كان راتبـه مع الانتـر ؟ ما تعدى الـ 200 الف يورو
بانديف يوم جانا شنو كانت رتبتـه ؟ لاعب احتياطي شاب وبديل لـ دي كانيو
ماكينـوا يوم جانا وش كان رتبتـه ؟ مهاجم احتياطي واساسي ابدع في باليرمو و الكل كان مسرور لأنضمامه للنسور
حق مشروع لكل انسان مبدع انه يترقى في وظيفتـه ويستلم زيادات على اللي قاعد يقدمـه من ابـداع
ولكن التقييم ما يكون بين يوم وليلـه وبين سنـة وسنتيـن
عمرك شفـت عسكري شاص ترقى الى ظابط في سنـة وحـده ؟ !
عمرك شفت ممرض صار رئيس على الممرضين في سنتيـن ؟ !
عمرك شفت مدرس مدرسـة صار ناظـر للمدرسـة بـ 4 سنيـن ؟
اللاعـب مثل ما قلت حالـه من حال هذول لأنه مثل ما قلت ايضاً هو يعتبر موظف وهي لقمـة عيشـه
بانديف جانا احتياطي للفريـق .. وصارت له سالفة اذا ماني غلطان ولعبـوه جنـاح ايسـر عشان يسكـت
وقدم مستـوى حلـو وطيـب في موسمـه الأول
في موسمـه الثاني تم اعطاء بانديـف ( ترقيـه ) من لاعب احتياطي الى لاعب اساسي
وبـدّع الرجـال وقدم مستـوى طيـب واخذنا الثالث بالدوري
طيب نشوف عنـه هل هو فقاعـة صابون واللا مبـدع صـج
الموسم الثالث بدوري الابطال وباقي الموسم قدم مستوى ممتـاز و واصل على ابداعـه
في موسمـه الرابـع ومع كسـر حاجز الرواتـب خلاص تم التفكيـر بـ ترقيـه بانديف من لاعب اساسي الى لاعب سوبـر
والموضوع اللي صار وانه عرض عليـه التجديد كـ راتب روكي ورفض ويبي اكثر ونقاشات نقاشات مثل اللي تطرقنا لها فوق
فـ النقاط اللي فوق شرحنـا فيهـا مواسم بانديف بالتحديد << احس نفسي مدرس فيزياء ههههههههههههههههههه
الحين نجي عاد لـ طريقـة خروج بانديـف ؟
انت وش تفرق عن نيدفيد و كريسبو ؟ وش تفرق عن مانشيني وستانكوفيتش ؟
انت منت اطيب من ستام و اودو ؟ منت اطيب من مودينغاي و روزينال ؟
بانديف يخاطب الصحافـة ليـه كل هالبلبلـه .. تبي تسوّق لـ نفسك يعني
يا الرياضين ويا رؤساء الاندية تراني بطلع تعالوا اشتروني ؟؟
على كلام اخوي طلال
نيدفيد يصيح ويبكي انا لاتسيالي انا لاتسيالي وانا باقي ولن ارحل
انتهى الموسم وبدء الموسم الجديد نازل من الطيارة بقميص اليوفنتوس ؟
وعلى كلام اخوي طلال بعد
كريسبو اذا ما تأهل لاتسيو لدوري الابطال انا سـ أرحل ؟
مانشيني كلنا عارفين موضوعه باقي وباقي وهو موقع مع الانتر مبطي وطابخين السالفـة
ومنحـش نص لاعبين لاتسيـو للانتـر ومنهم ستانكوفتش الثاني
تعال شوف التصرف الاحترافي اللي اللاعب ينتقل منك وانت للحين تحبـه
حتى لو كان فاشل ولكن كلامـه يبقى بالصميم
ستام يوم يعبيــّه مانشيني روح الانتر وانا اعطيك راتب ومدري شنو
ستـام شـ قال .. وحش ستـام وربـي .. فلـّص بالسالفة كلهـا وان مانشيني يقوله روح الانتر و روح الانتر
قال انا راح اشوف العروض اللي تجيني واللا اشوفه مفيده لي ولـ لاتسيـو .. و راح الوحش للميـلان ولا لحق مانشيني للانتـر
اودو طريقة انتقالـه .. الميلان يتغزل فيه وهو يتغزل بالميلان ولكن ليه محبوب من جماهير الكورفا نورد للحيـن
طريقـة انتقالـه باقي من عقده 6 شهـور يقدر يوقع مع الميلان مجاناً ولكن قعد يضغط على الميلان عشان يشترونـه من باب انه ممكن يجدد ويبقى مع لاتسيـو .. فـ الميلان اشتراه بـ 7 مليون و بطاقـة فوجيـا
مودينغاي شلون انتقـل جاء عرض من بولونيـا و الادارة كلمت مودينغاي .. و وافق على الانتقال
بدون بلبلـه و لجـة راس .. شغل احترافي جاك عرض يا مودينغاي تبيـه او لأ
روزينال يقول لـ لوتيتـو جاء عرض لـ وكيلي من نادي هامبورغ الالماني وانا سأكون سعيد للعب في المانيا
ولكن ان بقيـت في لاتسيـو فـ إني سـ أكون اسعـد
يعني في فرق بين انك تخاطب رئيسـك في العمل او تخاطب الصحافـة او تسحـب عليهـم
على سبيل المثال انا لو القى وظيفـه ثانيـه اسحب على اهل ام اللي جابوا الشركة اللي اشتغل فيها ^_^
وظيفتي غثيثـة و زهق وملل وعندنا دبابيس وجواسيس و الدوام كئيب حـده
لكن اي احسـن من وجهـة نظر الجميـع .. اقدم على استقالتي واقولهم والله حصلت وظيفه ثانيـة بمعاش طيب ودوام اريـح ومشكوريـن على توظيفي عندكم طول هالفتـرة
واللا اروح اتوظف بالوظيفه الثانيـة واسحب على دوامي الثاني لا اقولك ويدقون علي ولا ارد عليهـم واللا ارد عليهم واقولهم دوامكم غثيث وانا ماني جايكم وتراني توظفت بمكان ثاني
وكان الله غفور رحيـم
يا كثر كلامي كثراااه ^_^
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
لاتسيو لم يتعاقد الى مع خونه 
العرض العادي
