هذا اللي كنت خايف منـه .. سامبدوريا دق خشم الأنتـر !

[The Game]

السـلام عليـكـم

في شي كنت افكـر فيـه و واضـح من خلال ردودي على بعض الاخبـار

فريقنـا او بـ معنى اصـح اغلبيـة لاعبيـن فريقنـا يفكرون يوصلون للنهائي فقـط
لأنهم متوقعيـن راح يبارون الأنتـر وبما ان الانتر راح يتأهل لدوري الابطال فإن بطاقة التأهل لكأس الاتحاد الاوروبي تصير من نصيب المركز الثاني

لكن انا كنـت خايـف من شغلـه وفعلاً صارت

سامبدوريـا أمـس دق خشـم الأنتـر بـ ثلاثيـة و كان مطرود منهم مدافع بعد من بداية الشوط الثاني

طموح سامبدوريا بالدوري انتهـى .. و رجال ماتزاري و ربـع كاسانـو اهتمامهـم كلـه صار على الكأس الايطاليـه لأن طموحـهم انهم يرجعون لأوروبا بعد ويشاركون بكأس الاتحاد الاوروبي





فريقنا يطمح يوم 22 ابريل القادم بالتعادل مع اليوفي لأن هذا كفيل لصعوده للنهائي
وبعدها خلاص يكونون حققوا الهدف ( مثل ما يتوقعون ) بالعودة لكأس الاتحاد الاوروبي

لكـن الحين تغيرت المعطيات و الواقع مختلف عن الافتراضات


فوز سامبدوريا على الانـتـر الحيـن راح يشكل ضغط نفسي على لاعبيننا !

الحيـن ربعنـا راح يفكرون في سامبدوريـا اكثر من تفكيرهم باليوفي
وممكن هالشي يجيب العيـد فينـا وما يخلينا نتخطى اليوفـي وايضاً ممكن نتخبط بالدوري !

ولا سمح الله وفاز اليوفي وسامبدوريا حافظ على نتيجتـه قدام الانتـر
فـ بطاقة التأهل دايركت راح تكون من نصيب السامب حتى لو ما اخذوا البطولـة

وهالشي راح يكنسـل المقعد السـابـع بالدوري الايطالي لكأس الاتحاد الاوروبي
وما اعتقد ان روسي قادر يواصل على هالمنوال ويخلي فريقنا ضمن الـ 6 الاوائل



زبـدة نهايـة هالتفكيـر

ان انتهـى الدوري وما تأهلنا لبطولـة اوروبيـة
مالنـا داعـي و بقـوا مالنـا داعـي

لأن كل شي راح يختلف السنـة الجايـة
حتى الميركاتـو ما راح يكون قوي لأن التأهل للبطولات الاوروبيـة يجذب اللاعبيـن البارزيـن





الحسنـة الوحيـده من هالتفكير

روسي بـ تكون اقالتـه نهايـة الموسـم





تفكيـــر زيـــن و شيــــن

ودنـا بالبطولـة و نبي الكـاس .. لكن روسـي راح يبقى معانا الموسم الجاي اذا جابـه !!





ســــ ـــــلام

[امــيــر الــذوقــ]

ساممدوريا دق خشم الانتر !
حلو وزين على زين

حتى اذا تأهلنا للنهائي تكون مباراة في متناولنا كونها على ارضنا وبين جمهورنا والسامب مو ذاك الفرق العنيد

صحيح فيه لاعبين كويسين مثل كاسانو والمشنص باتزيني بس مقدور عليهم انشاء الله

اتمنى تفكير الاعبين ينصب على احراز البطولة

يعطيك العافية عواد

[Nasser-alhajri]

هــلا عــواد


بــالنسبة لــي انا مافكرت بالانتر ولا بسامبدوريا .. أهــم شي اوصل النهائي

ثــم يكون لكل حادث حــديث ..

بــعدين سامبدوريا دق خشم الانتر فــي بــيته .. لاكن ماتدري يمكن الانتر يدق وجهه !!

أهــم شي نعدي اليــوفي ثــم نــفكر من راح يواجهنــا ,,



بــخصوص كأس الاتحــاد .. اذا الفريق واصــل انتصاراته في الدوري , لــيش لا التفكير

بالمركز الخامس ولا السادس !!




هههههههههههه بس في نقطة ليتك ماذكرتــها .. لأنها حطمتني خخخخخ ..

ودنـا بالبطولـة و نبي الكـاس .. لكن روسـي راح يبقى معانا الموسم الجاي اذا جابـه !!

ان شـــاء الله ناخذ البطوله والمــهرج يــذلف عن الفريق وبكذا لوتيتو ضرب عصفورين بحجر !! خخخخ

[سلاس_11]

يجب على اللاعبين النظر لانفسهم وليس للفرق الاخرى ومن سيقابلون
الوصول للنهائي امر ضروري للاحتفاظ بالامل بالمشاركه في البطوله الاوروبيه

[عنزي لازيالي]

واحنا راح ندق خشم سمبدوريا

[متيم لازيو]

اي والله يا عوااااااااد

وربي انصدمت وش هالنتيجة !!!

انا امشفت المباراة جيت اشوف النتيجة وانصعق !!

الله يستر وربي خفت خفت ازيد من اول ربك يحلها إن شاء الله هذا اللي اقدر اقوله حالياً بعد الصدمة بقليل !!

[جيفارا]

بلعكس
اشوف من حظ
روسي ان يصل سمدوريا
لين مو معقول الفوز على جميع فرق
الشمال في هذه البطولة ممكن الفوز على سمبدوريا
بنسبة النصف وتحقيق القب على عكس الانتر فان حظوظ لاتسيو اقل اذا وجهه

[جوسيبي سينيوري]

بعد اللي صار بنهاية مباراة سامبدوريا و لاتسيو بالدوري

ما أتوقع فريقنا راح يفوت فرصة أفضل للثأر

راح تكون شر إنتقامية عليهم

وأنا قلتها الكأس عقبته اليوفي ، إن عديناه محد بيوقفنا بالنهائي

فورزا لاتسيو ونحتاج بطولة بأي ثمن

[اللاتسياوي]

ثــانكس يا عواااااد ع هذا الموضوع ... ولا تخاف ولاشي ان شاء الله

اذا طموووووح سامبدوريا الاتحاد الاوروبي فا لاتسيو ايضا طموووووحه نفس طمووح سامبدوريا وهو التأهل لـ ي بطوله اوروبيه هذا الموســـــم ..

وان شاء الله النسور لا تخشى لا الانتر ولا سمبدوريا .. ولو لعبنا ع اي فريق بروح النسور الى احنا نعرفها مافي احد يقدر يووقف في طريقنااااااااا ...


فورزاااااااااااااااااااا لاتسيو

[Ole]

بالعكس من صالحنا يفوز سامبدوريا

نبي بطـــــــــولة وقدام سامبدوريا حظوظنا بتكون اكبر

اما التأهل لكاس الاتحاد مايهمني ابد

يادوري الأبطال او خلونا على الكالتشيو

يكفيكم انهم يسمون بطولة كاس الاتحاد مسابقة الفاشلين !!!

كاس ايطاليا والمركز الرابع ... هذا اقل شي يستحقه لاتسيو