اقتباس:
المشاركة الأصلية كتبت بواسطة أحمد التتان والله قبل لا نتكم عن اللقاء أقول كلمتين بس ! عيب على كل من عقب في الموضوع وكتب أللفاظ من كلاب وو أغبياء وما أعرف أيش !!! والله أتمنى من المشرفين على القسم مراجعة الردود والقهر أن المشرفين نفسهم يتلفظون هذي الكلمات !! الفريق خسر .. وخسر وخسر ... وماهي أول مره نخسر من الفيولا .. ولا أول مره نخسر من ميلان و أودينيزي ! بس الكلام الغبي هو السبب ... والله عيب عليكم .. وهذي نصيحة لكل الي يقول انه مشجع لازيو ... الي يشجع لازيو لا يجي يسب في لازيو .. والي عنده بديل عن رئيس الفريق .. خل يحطه وإحنا بنرشحه من هنا .. والي ماهو عاجبه لازيو لا يجي بعد خسارة الفريق يفتح لي موضوع شماته وما أعرف أيش .. يا أخي كل واحد يحس انه ما يعجبه لازيو خل يكتب هني وإنا واحد بعطيه خيارات للفرق الي يشجعها ... بسنا من هالكلام عيب .. جماهير الفرق الباقيه تشوف شلون ردودنا إحنا جماهير لازيو كل واحد يسب في اللاعبين شنو خلينا للخصوم !!! فريق مكشوفه أوراقه بالكامل وحتى لو كان لوتيتو قصر في الإنتقالات ... ولكن بتفكيرك يا روسي تقدر تغير الوضع ولكنك مصر على إنك تشرك ماكينو مكان بانديف واللاعب ألف مره علق وقال إني أللعب مركز روكي ... وطبعا المزهرية مانفريديني ... بالله هذا لاعب !! يعني كل الأخطاء والوعود والتزييف الي يقوله لوتيتو لكن ماكو شي يخليك تشرك مانفريديني أساسي .. يا أخي ماعندك دكة إحتياط شوف من رديف الفريق الفريق الشباب ... لكن شنقول هذا التفكير العقيم والمدرب قدم كل الي يقدر عليه ... |
ما ادري احمد يعني دائما اذا تكلمنا عن الرئيس تعتقد انك بتسكتنا بالبحث عن رئيس جديد؟؟
طيب انا بأتكلم بنفس الطريقة اللي انت تتكلم فيها
اذا روسي مو عاجبك جيب بداله مدرب للفريق واللاعب اللي مايعجبك انهي عقده وريحنا منه
وبعدين لو قلنا اغبياء وتشوفها كلمة كبيرة وماتنقال في المنتدى فلا تقولها انت على كلامنا ولا يعني انت تزعل اذا تكلمنا على غيرنا ولا تبينا نزعل اذا تكلمت علينا
والله سبحانه وتعالى ذكر الكلب في القران وضرب فيه المثل واللي قالوا كلاب فالكلب اخو الذيب وهم اللي سموا انفسهم ذياب واحنا نشببهم بأخوانهم فما فيها شي يستاهل انك تاخذ مكان الوالد وتعلمنا العيب والخطا من الصح وآخرتها تخطي علينا
يعني لأني لاتسيالي تبيني ما ازعل على نتيجة ولا تبيني اتأثر وأعبر وأقول اللي في خاطري في منتدى وضع لهذا السبب
لا ووصلت فيك تقول اذا بتتشمتون لا تشجعون الفريق ولا تدخلون المنتدى واخر كلامك فيه شماته في لاعب من لاتسيو
احمد انت اخوي واقدر اقرا ردك واصك المتصفح عندي واحط راسي وانام مثل باقي الردود في المنتدى لكن مجموعة المتناقضات في ردك وعصبيتك الزايدة تجبرني اني ارد بمثل هذا الرد