أنا بين هذا وذاك ..!! فأيهما أصدق وأيهما سأختار ..!

[متيم لازيو]

يعطيك العافية نااصر موضوع رائع !!

المشكلة أن في ناس هنا والله متأمله بلوتيتو كثير !!

للأسف ماقدر أغير رأي أي شخص !!

لكن مثلكم كنت متأمل وعرفت أن لوتيتو ما وراه غير الكلام !!

المشكله يقولون ذكاء وعقلية ومادري ايش ؟؟! وش ذكائة بس خلوها على الله !!

انا عن نفسي لو يقولون يرجع كرانيوتي ويجيب مثل اللي جابه ونفلس ثاني اقول قابل !!

يا جماعة عاجبكم العالم تتريق علينا والله من اقول لاتسيو قال قم ذا فريق مفلس وراح اانتهى

خلاص دور غيره لو يرجع كرانيوتي صدقوني بتشوفون فريق وخل عنك أفلس ما أفلس هذه

لو أفلس ما قال برجع ما بقى تقولون الا خله يأكل أهله بعد اللي يشوفكم مستشارينه الخاص !!

[nesta]

المشاركة الأصلية كتبت بواسطة The Game

للأسف الشديد اغلب الاخـوان ترجموا الخبر بشكل خاطئ ..

انا اذكر الخبر بالظبط .. ومن موقع مجلة الداتاسبورت ..
لوتيتو قال انه بعد 3 سنين راح يرجع لاتسيـو للواجهـة الاوروبيـة ..
وفعلاً بعد 3 سنين هذا هو لاتسيـو لعب في الجامبيونز ليغ و رجع للواجهة الاوروبية ..

اخوي عواد كلامك سليم لاتسيو رجع للواجهه الاوربية .. لكن تشوف ان هذا تخطيط من لوتيتو

لاتسيو لم يتأهل للشامبيونز الا بعد قضية الكالتشيو بولي والكل يعترف ان الظروف خدمت لاتسيو

اليوفي سيريا بي والفرق ومنهم لاتسيو خصم منها نقاط .. ارجع النقاط المخصومه للفيولا والميلان

وللاتسيو برضو وشف هل ستتأهل للشامبيونز .. ظروف خدمت الفريق للتأهل

الان لاتسيو يلعب بنفس العناصر ماشفنا اي نتائج ..

اما اذا كان طموحك كاس الاتحاد الاوروبي فهذا يعتبر فشل بعهد كرانيوتي

[متيم لازيو]

المشاركة الأصلية كتبت بواسطة nesta

اخوي عواد كلامك سليم لاتسيو رجع للواجهه الاوربية .. لكن تشوف ان هذا تخطيط من لوتيتو

لاتسيو لم يتأهل للشامبيونز الا بعد قضية الكالتشيو بولي والكل يعترف ان الظروف خدمت لاتسيو

اليوفي سيريا بي والفرق ومنهم لاتسيو خصم منها نقاط .. ارجع النقاط المخصومه للفيولا والميلان

وللاتسيو برضو وشف هل ستتأهل للشامبيونز .. ظروف خدمت الفريق للتأهل

الان لاتسيو يلعب بنفس العناصر ماشفنا اي نتائج ..

اما اذا كان طموحك كاس الاتحاد الاوروبي فهذا يعتبر فشل بعهد كرانيوتي

100%

[The Game]

لي عـودة بعـد الصـلاة ان شاء الله ..
الموضوع راح يـ حلو بالنقــاش ..

نشوفكم على خير ..

[8 zauri]

^^^^^^^^^
ياحبيبي ماصارت صلاة ترى من بعد المغرب ننتظرك
والعشا خلصت من ساعة ونص ؟!؟!؟!؟!؟!

[Nasser-alhajri]

^

هههههههههههههههههههههههه


=====

اخوي عواد كلامك سليم لاتسيو رجع للواجهه الاوربية .. لكن تشوف ان هذا تخطيط من لوتيتو

لاتسيو لم يتأهل للشامبيونز الا بعد قضية الكالتشيو بولي والكل يعترف ان الظروف خدمت لاتسيو

اليوفي سيريا بي والفرق ومنهم لاتسيو خصم منها نقاط .. ارجع النقاط المخصومه للفيولا والميلان

وللاتسيو برضو وشف هل ستتأهل للشامبيونز .. ظروف خدمت الفريق للتأهل

الان لاتسيو يلعب بنفس العناصر ماشفنا اي نتائج ..

اما اذا كان طموحك كاس الاتحاد الاوروبي فهذا يعتبر فشل بعهد كرانيوتي

جميل جدا الأخذ والعطاء في النقاش ..

صحيح بأن الكالتشيو بولي اخدمت لاتسيو .. وهذه امور تحدث دائما مثل

الفوز بالدوري (ريال مدريد - برشلونه) بفارق الأهداف ..

هو يرجع بالفريق شوي شوي .. ونشوف كل موسم افضل من الي قبله ..

يعني النادي في تصاعد مستمر ..

كرانيوتي كان يفكر في الأمد القريب .. ولوتيتو يفكر بالأمد البعيد ..

الي اشوفه امامي هي ردود اطمعت بمال كرانيوتي .. وما اعتقد كرانيوتي

تطور كثيرا .. خاصه بعد ما قال انه يريد او يتمنى دروغبا في لاتسيو ..

[The Game]

أخوي 8 زاوري ..
بالنسبة لـ ردك الأول ..
جزاك الله خير ومنا ومنك يا الغالي ..

اما بالنسبـة لـ ردك الثاني ..
عسـى ما شـر ! ..
ترى والواحـد ممكن ينشغل في بعض الأمـور ..
يجونه ضيـوف .. يروح يتقضـى اغراض للبيـت ..
في ستيـن الف عـذر .. علامـك شبيـّت علينا الله يهـديك ..

ماهو ضروري ان يفهم المعنـى لي عودة بعد الصلاة ..
اني برجـع على طول بعد الصلاة ..
ممكن ارجـع بعد الصلاة بعدها بـ فترة ..


المهـم عـدنا للنقـاش

اخوي عواد كلامك سليم لاتسيو رجع للواجهه الاوربية .. لكن تشوف ان هذا تخطيط من لوتيتو

لاتسيو لم يتأهل للشامبيونز الا بعد قضية الكالتشيو بولي والكل يعترف ان الظروف خدمت لاتسيو

اليوفي سيريا بي والفرق ومنهم لاتسيو خصم منها نقاط .. ارجع النقاط المخصومه للفيولا والميلان

وللاتسيو برضو وشف هل ستتأهل للشامبيونز .. ظروف خدمت الفريق للتأهل

الان لاتسيو يلعب بنفس العناصر ماشفنا اي نتائج ..

اما اذا كان طموحك كاس الاتحاد الاوروبي فهذا يعتبر فشل بعهد كرانيوتي

في بادئ الأمـر ..
أحـب اذكـر وأنـوه ..
أن الموضوع عبـارة عن مقارنـة بين الرئيسين ..

وأحـب أبين للكـل ان لوتيتو والله ما يقرب لي ..
وأنـا ضـد بعـض الأمـور اللي يسويهـا ..

ولكـن الساكـت عن الحـق شيطان أخرس ..
لوتيتـو سياستـه ناجحـه .. الديـون قـاعـد تخـف عن النادي ..
النادي سنوياً قاعـد يطلع لـه مردود مادي طيـب ..

أرجـع واكرر الموضوع مقـارنـة بين الاثنين ..
وخلونا نقارن ..


كرانيـوتي الكل يعرف ويـن كانت تصل ملايـيـنـه كان من اغنى اغنياء ايطاليا ..
اما لوتيتـو عنـده كم شركـة طبيـة و مردوده السنوي ممتاز ولكن لا تقارن امواله بأموال كرانيوتي ..

يعني الأول هامور و الثاني غني .. هاذي نقطـة ..


الشغلـة الثانيـة ..
أحـب اقولك أن الأنتـر قـعـد سنيـــــــــــــــــــــــــــــن ..
يالله صار فريق قوي ويقدر ينافس ع اللقـب ويكون فريق مرعب ..
من موسم 1988-1989 كانت آخر بطولـة للأنـتر قبل ان يبدأ حملته القويه السنتين اللي طافوا ..

يعني الشغله بالتدريـج ..


هذا الكلام عشـان ابدأ في شي بقوله تحـت ..

كرانيـوتي استلم النادي سنـة 1992 ..
والنادي كان ممتاز من جميع الجهات قبل ان يستلمه كرانيوتي
موسم 92 \ 93 .. لاتسيـو تأهل لـ كأس الاتحاد الاوروبي ..

اما اذا كان طموحك كاس الاتحاد الاوروبي فهذا يعتبر فشل بعهد كرانيوتي

هذا يعتبر فشـل في عهـده على كلامـك ..
مـع اني اعتبره انجـاز جيـد و نطمـح للأفضـل ..
وفي الموسم اللي بعده وصل الى دوري الابطال ..

عند عودتـه لـ لاتسيـو ..

كانت السنوات الاولى لـه ابرز سنوات لاتسيـو ..
لكـن موسم 2001 - 2002
لاتسيـو بالمركز السادس وتأهل لكأس الاتحاد الاوروبي ..


هل هذا يعني فـشـل ..
هل يعتبر الفريق بالمواسم هاذي فاشلاً ..

كلامـك غريب ..


نشـوف لوتيتـو

لوتيتـو ..
استلم الفريق في ظروف لا يحسـد عليـه قبل بداية موسم 2004 - 2005 ..
صرّح انـه راح يرجـع لاتسيـو للواجهـة الاوروبيـة ..
وفعـلاً رجـع لاتسيـو للواجهـة الاوروبيـة وان شاء الله راح يستمر بوجوده الدائـم ..

أول موسم لـ لوتيتـو ..
الفريق كان بالمركز العاشـر ..
ومثل ما قلت استلم الفريق في ظروف لا يحسـد عليه ..
وعمل انتقالات في آخر يوم وهم 7 لاعبيـن ..

نشوف الموسم الثاني لـ لوتيتو ..
كانت قضيـة الكالتشيـو بولي .. وكانت هناك خصـم 30 نقطة من الانديـة لاتسيو و فيورنيتينا و ميلان وهبوط اليوفي ..
ترتيب الدوري من دون قضيـة الكالتشيو بولي النادي كان بالمركز الخامس ..
يعني تأهل لـ كأس الاتحـاد الاوروبـي لولا قضية الكالتشيو بولي ..

وفي الموسم الثالـث ..
الفريق تأهل لـ دوري الأبطال ..

أمـا لولا الكالتشيو بولي ..
محـد عارف شـ راح يصير ..
يمكن نتأهل ويمكن ما نتأهل ..

استغـلال الظروف المواتيـة تحسب لـ لوتيتـو ..


امـا الموسم الحـالي ..
الفريق تأهل لـ دوري الابطـال ..
كـان قريـب من التأهل للدور الثاني حيييييييل ..
أحـرج ريـال مدريـــد في رومـا ..
ابـدع في رومـا ضد فيرد بريمـن ..
كان ممتاز امام اولومبياكـوس في اليونان ..

يعني التشكيلـة الحـاليـة اللي هي نفس تقريباً التشكيلة الموسم الماضي ..
قدمـت اداء جيـد .. وليـس اداء فاشـل ..

على الصعيـد الاوروبـي ..

انا قيمـت الصعيـد الاوروبي لأننا انتهينا منـه ..


أمـا الكـلام الحـالي اللي قاعـد اشـوفـه ..
كأن لاتسيـو هبـط للدرجـة الثانيـة ..

كأن القسم الثاني انتهـى و تـم الحكم عليـه ..
بعـد نهايـة الموسم يتـم تقييم الموسـم كامل ..

وحزتهـا لكل حادث حديـث ..


أرجـع وأقـول ..

كرانيـوتي قعـد 9 سنـوات مـع لاتسيـو ..
في فترة رئاستــه ..

بعـد قرابـة 6 سنين من رئاستـه ..
وصل لاتسيـو ما وصل اليـه من ألقـاب ..

لوتيتـو ما كمل سنتـه الرابعـه ..
وتـم الحكـم عليــه ..

وياليت يتم النظر في ظروف الرئاسـة بين الاثنيــن ..

لكن مثلكم كنت متأمل وعرفت أن لوتيتو ما وراه غير الكلام !!

المشكله يقولون ذكاء وعقلية ومادري ايش ؟؟! وش ذكائة بس خلوها على الله !!

انا عن نفسي لو يقولون يرجع كرانيوتي ويجيب مثل اللي جابه ونفلس ثاني اقول قابل !!

يا جماعة عاجبكم العالم تتريق علينا والله من اقول لاتسيو قال قم ذا فريق مفلس وراح اانتهى

خلاص دور غيره لو يرجع كرانيوتي صدقوني بتشوفون فريق وخل عنك أفلس ما أفلس هذه

لو أفلس ما قال برجع ما بقى تقولون الا خله يأكل أهله بعد اللي يشوفكم مستشارينه الخاص !!

أخـوي متيـم لازيـو ..

بالنسبـة للمقطـع الاول من كلامـك ..
نعـم لوتيتـو ذكـي .. قـدر يقلل من مديونات النادي بشكل سنوي ..
والايرادات السنويـه تشهـد بذلك .. واعتقـد في خبـر كاتبه اخوي خالد يوضح هالشي ..

والشغلـه الثانيـه سابقا كرانيـوتي كان يدفـع للجمـاهيـر ..
أو بالاخـص رابـطـة مشجعين لاتسيـو عشان يدخلـون ويشجعون ويهتفون !! ..

لوتيتـو ما قام يدفـع لأنـه ماهو ملزوم فـ الرابطـه ..
الرابطـه المفروض تكون مؤازرة للفريق .. الحين وين رابطة لاتسيـو !! ..
هاذي هي ما تجي .. هل هذه فعلاً رابطـة حقيقية ..

القصـد من هذا .. ايرادات الفريق من التذاكر ..
التذاكر الحاليه لـ لاتسيـو مش ولا بـد ولكن مع هذا يدخل للنادي مردود سنوي طيب ..


المقطـع الثاني من كلامـك ..
يناقـض نكـك ..

هل المتيـم راضـي بـ فراق معشـوقه !!!

أنت راضي ان لاتسيـو يطيـح للدرجـة الرابعـة ..
وهو منذ تأسيسـه ما طاح للدرجـة الثانيـة !!!! ..

أي عشـق هذا و أي حـب ..

واللا القـصـد كلـه ( تشيحـط ) و تفيخـر قـدام الربـّع ..
تراني اشجـع لاتسيـو بطل الدوري وبطل اوروبا وبطل العالم ..

ويجـونك الربع بعد 4 سنين يقولون لك وين اللي يحب لاتسيـو ..
هذا هو بالدرجـة الرابعـة .. يلعب ديربي روما مع نادي سسكا روما !! ..

والله كلام يناقض نفسـه ..

اما مسأله عودة كرانيـوتي .. انا غاسل يدي منها ..
الرجال مديون وما اعتقـد انـه بـ يرجع كل اللي قاله اتوقع انه يحاول يضغط على لوتيتـو لجلب بعض الاسماء المعروفه جماهيرياً ..

ولو فعـلاً بـ يرجـع وكان متعلم من اخطائـــه ..
والله انا اول واحـد اقول يا هلا ويا مرحـبـا ..


هـذا اللي عنـدي حالياً ..
وياليـت اسمـع اللي عندكم ..
ونتناقـش بشكل ودي وحبّـي ..


نشوفكم على خير ..

[متيم لازيو]

المقطـع الثاني من كلامـك ..
يناقـض نكـك ..

هل المتيـم راضـي بـ فراق معشـوقه !!!

أنت راضي ان لاتسيـو يطيـح للدرجـة الرابعـة ..
وهو منذ تأسيسـه ما طاح للدرجـة الثانيـة !!!! ..

أي عشـق هذا و أي حـب ..

واللا القـصـد كلـه ( تشيحـط ) و تفيخـر قـدام الربـّع ..
تراني اشجـع لاتسيـو بطل الدوري وبطل اوروبا وبطل العالم ..

ويجـونك الربع بعد 4 سنين يقولون لك وين اللي يحب لاتسيـو ..
هذا هو بالدرجـة الرابعـة .. يلعب ديربي روما مع نادي سسكا روما !! ..

والله كلام يناقض نفسـه

أخوي عواد مابغى أرد عليك بشكل يفسر بكلام آخر !!

لكن تشكك في حبي لاتسيو والله يعلم من كان يشجع بارماً هذا أولاً !!

ثانيا التشحيط والتفخير يكون على سنع !!

يعني بعطيك مثال اليوفي لما هبط أحد يقدر يتكلم فيه !!

بطل ماتقدر تقول شئ هبط للدرجة الثانية وتورينو الديربي حقه درجة أولى !!

بس لأنه بطل مرفوع الرأس وينعرف تاريخه طيب من وين ينعرف من رئيس ولا لاعبين بالكاد !!

عرفناهم مع لاتسيو فقط نعم انا محب لهذا النادي محب له كي يكون بطل وليس فريق !!

متواضع يصارع نفسه وانتظر بفخر يقولون الناس فريق مديون وينافس ابطال اوروبا !!

للأسف اناس تعتبر هذا فخر لأنها لم تعهد فريق البطولات وعرفت لاتسيو بأيام لوتيتو !!

وتفتخر بما يصنعه لاتسيو الحالي المديون أن يتأهل للإتحاد الأوروبي !!!

[dmc]

صراحة اوافق لأخ The Game لأن اقرب للواقع الي يمر فيه نادي لازيو

فريق بشكل عام اشتهر في عصر تولي في كرانيوتي فيه هو لاعيبه

اساميهم + البطولات

لكن شو حصل النادي على ديوووون اكهلت النادي + معاشات يتم دفعها إلى لأن

لو لا ستر ربنا لرأينا نادي لازيو يتسكر بسبب ديون الكثيرة او ينزل للدرجة ثانية أو الثالثة


في الجانب لأخر لوتيتو

مسك النادي وكان يمر للمرة الثالثة او الثانية نكبة لأسوء في تاريخ انشاء النادي

عمل على تخفيف الديون بشكل مناسب لحالة النادي جعل الفريق ينافس ولو بشكل بسيط للدوري

بدليل ترتيب الثالث موسم الماضي وتأهلنا للأبطال اوروبا وليس كأس اتحاد لأوروبي

بس الشي سلبي هو ان مايجيب لاعيبه فيها اسامي ومايشيل بطولات

الحين الفرق واضح بين لأثنين

واكيد العقل راح يمشي مع لوتيتو

والقلب مع كرانيوتي

صدقوني الفريق يمر بحالة لايحسد عليها

قبل ماتاخدون ثمار الشجرة

أولا عليكم زرع البذرة

من بعدها تصبروا لين تصير شجرة

وبلأخير تحصدوا الثمار تعبكم

لازيو حاليا في المرحلة الثانية وماتخافوا البطولات جاية بس اصبروا مثل ماصبرتوا على كرانيوتي

بس صراحة يجب النادي ان يحصل على كأس ايطاليا على لأقل تقدير

ليعلن عودته القريبة للبطولات

[sslazio2]

أفضـــــل عودة كرانيوتي.. ويحلق لاتسيو عالياً ويمتلئ النادي بالنجوم ونحصل على كم بطوله.. بعدها حتى لو افلس النادي مو موشكله.. افضل من لوتيتو.. افلاس ومراكز هااااابطه ومستوى متدني ولاعبين يجيبوا الضيييييييييييق