اقتباس:
المشاركة الأصلية كتبت بواسطة متيم لازيو أخوي عواد مابغى أرد عليك بشكل يفسر بكلام آخر !! لكن تشكك في حبي لاتسيو والله يعلم من كان يشجع بارماً هذا أولاً !! ثانيا التشحيط والتفخير يكون على سنع !! يعني بعطيك مثال اليوفي لما هبط أحد يقدر يتكلم فيه !! بطل ماتقدر تقول شئ هبط للدرجة الثانية وتورينو الديربي حقه درجة أولى !! بس لأنه بطل مرفوع الرأس وينعرف تاريخه طيب من وين ينعرف من رئيس ولا لاعبين بالكاد !! عرفناهم مع لاتسيو فقط نعم انا محب لهذا النادي محب له كي يكون بطل وليس فريق !! متواضع يصارع نفسه وانتظر بفخر يقولون الناس فريق مديون وينافس ابطال اوروبا !! للأسف اناس تعتبر هذا فخر لأنها لم تعهد فريق البطولات وعرفت لاتسيو بأيام لوتيتو !! وتفتخر بما يصنعه لاتسيو الحالي المديون أن يتأهل للإتحاد الأوروبي !!! |
اخـوي متيم لازيـو ..
والله اني أحبـك فـ الله ..
ولا تحسـب ردي عبارة عن استهزاء أو تشكيك في حبـك لـ لاتسيـو ..
ولكن هذا اللي فهمـتـه من كـلامـك للأسـف ..
أنـت بالرد هذا وضـّحـت الأمـور ..
أولاً انا استغرب وش دخـل بارمـا بالموضوع ..
أخـاف انـك تقصـد بريشيـا .. وتـراني للحيـن اشجعـهـم وناس واجـد تدري بالشي هذا ..
وما أنكـر حبي لـ بارمـا فـ هو فريق ممتاز ..
واتمنى يرجـع كما كـان ..
وانا اللي يعرفنـي يدري أني اشجـع وأحب ( الكالتشيو ) كلـه ..
احب يوفي , انتر , روما , ميلان , فيولا , باليرمو , لاتسيو , سامبدوريا , بريشيا , ريجينا, ليتشي , بيروجيا , اسكولي , جنوى .. والقائمـة الباقيـة كلهـا ..
و أتابـع اخبار الفرق كلها أول بأول ..
واذا تحـب اجيب لك مواضيـع واخبار لي لـ نادي جنوى ايام ما كان بالسيري بي قبل 3 سنين ..
انا حـاضر ..
حبي لـ ايطاليا والكالتشيـو من 1994 والسبب باجيـو ..
لكن ميـولي الى وتشجيعي وتعصبي لـ لاتسيــو ..
وكان السبب وراء حبي لـ لاتسيـو هو ستيفانو فيوري ..
لأنـي كنت اعرف مستواه ومتابع لـه من ايام بارما و اودونيزي ..
فـ حبيت لاتسيـو معـه وشجعـت لاتسيو معـه وتابعت لاتسيـو معـه وتعصبـّت لـ لاتسيو معـه ..
وباقـي على حبـي وتشجيعي وتعصبي ..
عموماً حنا ما نبي نتطرق لـ مواضيع ثانيـه لأن الموضوع الاساسي مقارنـة الرئيسين ..
اللي ما أشـوفك رديـت على ردي بخصوص المقارنـة
ولكـن بـ رد على موضوع اليوفي ..
اليوفي عنـدهم قـائـد .. النـاس تمشـي وراه وهو اليكـس ديل بييرو ..
وهـو كان السبب الرئيسي وراء رجوع اليوفي للسيري اي ..
وبعـدين يا الغالي في فرق كبير بين السيري بي ..
والسيري سي ..
الكالتشيو بولي ينزلونك الدرجـة الثانيـة ..
ولكـن الأفلاس يـقلع الفريق لـ الدرجـة الرابعـة ..
هاذي نقطـة لازم تكون فالحسبـان ..
يعني تخيل لو اليوفي يطيح للدرجـة الرابـعـه ..
مصيبـــه ..
وموضوع التـاريـخ عجـيـب صراحـة ..
تاريـخ اليوفي لا يشـابـــه نهـــــــــائياً تاريخ لاتسيــو ..
الفرق الوحيـد اللي يتقدم فيه لاتسيـو انه ما هبـط للدرجـة الثانية ولا مرة !
الله عرفناه بالعقل ما شفناه !
يمكن معرفتي بـ لاتسيـو قليله مثل ما تفضلت انت وقلت ..
ياليـت اعرف تاريـخ لاتسيـو اللي تقصـده ..
اذكر بـس مرتيـن بطل الدوري ..
وكأس الاتحاد الاوروبي .. وكأس السوبر ..
اتمنـى منـك انـك تاخذ نادي اشبيليـه كـ مثال ..
احتكر مسابقـة الاتحاد الاوروبـي ..
واصبـح لـه اسـمـه في الساحـة الاوروبيـة ..
العائدات الماليـه بالنادي في ازدياد مستمر ..
والفريق قعـد ينافس ريال مدريد وبرشلونـه ..
انا اتكلم عن فريق لاتسيـو في عهـد لوتيتـو ..
لوتيتــو استلم النادي مو مـن الصفر ..
استلمـه من السـالب ..
يعني اكيـد اننا نطمـح في أي بطولـه وفي أي انجاز ..
وكأس الاتحاد الاوروبـي ماهـو مسابقـة ضعيفـه ..
حتى يتم انتقادها بـ هذا الشكل ..
شوي شوي كأس الاتحـاد ..
وشوي شوي كأس ابطال الدوري ..
وشوي شوي الدوري ..
وشوي شوي الدوري و الكأس ..
كرانيـوتي بعيـد واكرر لأنـك ما رديـت على اللي كتبتـه والمقارنـة اللي حاصله بالموضوع هذا ..
كرانيـوتي قعـد 9 سنيــن ..
لوتيتـو ما قعـد 4 سنين وتحت ظروف صعبـه ..
يشارك بالابطال ..
المركز الثالث الموسم الماضي ..
السنـة اللي قبلها كان في كأس الاتحاد الاوروبي .. لولا الكالتشيو بولي ..
هذا اللي عندي ..
وهو تقريبا نفس اللي كتبتـه في ردي الأول ..
ولكـن ما أشـوف احـد مقتنـع ..
أنـا أطـالـب بالبطولات .. اطالب ان النادي اللي أحبــه يكـون من ضمـن الاربعـة الكبار دوماً ..
ولكــن العقـل والمنطق يفرض رأيــه .. الفريق في حالة اعادة تأهيل من جـديـد ..
وهـو في هذه الحـالة قاعـد يقدم مستـوى طيب فيـه بـ شهـادة ( المحايديـن ) ..
وأحـب أشكـر أخوي dmc اللي يوافق رأيـه رأي ( المنطق والواقع ) ..
ولا تزعل علي وانا أخـوك تراه نقاش ودّي ..
بالنسبـة لـ رد اخـوي hani858 ..
أخـوي هـاني .. لوتيتـو استلم النادي في سنـة 2004 ..
السنـة اللي قبلها على كلامـك لأني ماني متأكـد من هالمعلومـة ..
على قولك الفريق كان متأهل ..
يعني ما كان في فترة رئاسـة لوتيتـو ..
أول فترة رئاسـة لوتيتـو الفريق كان فالمركز العاشر ..
يعني لا تأهل للاتحاد ولا للابطـال ..
هذا القـصـد ..
وشاكر مداخلتـك ..
يعطيكم العافيـه