بسم الله الرحمـــن الرحيم
هلا فيكم اخواني محبي وعشاق الكيان الكبير والصرح اللاتسياوي الرائع نعــــم انتم افضل مشجعين في العالم انتم رمز الوفاء انتم افضل واجمل وارقى جمهور بعد المقدمه الغزلية المتواضعه في حق عشاق هذا النادي..ندخل في الموضوع على طول...
ادري حالنا لا يسر لا زيد ولا عبيد ولا عدو ولا صديق ويش الاسباب وما هي الحلول؟!
تعددت الاسباب والنتيجه واحده مرض الضغط والقلب والسكر ((بعيد عنكم الشر)).
نأتي للأسباب
السبب الاول الحنون القاسي
نعم احد اهم الاسباب الازمه الي نعيش فيها حاليا بوجهة نظري المتواضعه هو السيد لوتيتو.. نعم كلاديو عمل صفقة
على اعلى مستوى ولم يكن اشد المتفائلين بهالصفقه يعتقد بنجاحها هكذا وهو السوبر ماوريتو (زاراتي) ومريكاتو جيد على الاصعده الاخرى,,ولكن لوتيتو يبني بيده اليمين ويهدم ما بناه بيده اليسار نعم نبني فريق شاب وحلو ولكن نحتاج الى مدرب يفهم كيف يبني ولا يطلب رحمه الحظ والصدف لكي يتألق.. ادا تبي اي شي قوي لازم الاساس يكون قوي ومتماسك لا ضعيف ومتهالك!! نعم يا كلاديو وادا اردت ان تبني فريق قوي في دوري دفاعي وتكتيكي في الدوري الايطالي بحسب خبرتي القصيرة نسبيا بالنسبه ((للسيد روسي)) والريئيس ((لوتيتو)) لازم تبدأ بالدفاعه ثم خط الوسط ثم الهجوم ولنا في الانتر مثال جلب مهاجمين العالم كلها لم يحرز الدوري الى ان غير من
الاستراتيجيه اللاتينيه البحته وانتقل الى فكر ممزوج بين الايطالي واللاتيني..
وصفت لوتيتو بالحنون القاسي لأنه بالفعل حنون جلب زاراتي وماتوزاليم لعيبه كبار ولو انهم مو قد لعيبه انديه الشمال ولكنهم لعيبه مميزين وضمهم لفريق روسي تناقش مع روسي في الصيف من تبي ومن ما تبي صرفنا لعيبه
بقيمه مودنجاي و موتاريلي وابقينا على لعيبه بقيمه مانفرديني وفرماني..نعم وقاسي علينا نحن الجماهير حرق دمنا وهو يسامح بتلطيخات وتخبيطات روسي وتلاعبه بتاريخ لاتسيو نعم هدا يحسب في التاريخ ابنائك وابناء ابنائك سيرون ويعلقون على هالجرائم ترضى بهذا يا سيدي الفاضل..؟! انا لا ارضى..
السبب الثاني.. متخادل او محدود القدرات
ان كانت محدود القدرات فهي مصيبه وانا كانت محدود القدرات فالمصيبه اعظم نعم تعبنا وتلفت اعصابنا لا متعه لا تكتيك لا تاريخ طيــــب وش عندك؟! تكتيكه محفوظ + سيئ مدرب مبتدئ اعتقد لو اي عاقل ما بيخلي مانفرديني في فريقه وماكنيوا ياخد ملاين من الفرص على حساب صحه المشجعين الاوفياء مدرب يبي يلعب دفاع وهو عنده اساسيات تكتيكات الدفاع فريقنا ضعيف في وضع مصيده التسلل الدفاع ما عمري حسيته متفاهم مع بعض تلخبطات سوء تمركز..ليــه..اكيد ما عندنا نيستا وستام ولا فيردناند ولا تيري ولا بويل ولكن نشوف دفاعات اخرى كختافي و فاياريال نابولي بنفي مستوى دفاعنا ولكن التكتيك الدفاعي لهم محكم.. وسطنا مرسوم ليديزما يلعب بروكي يلعب وبعدين على احد من فوجيا وماوري ينصاب عشان يلعب حبيبي الملاين مانفرديني!!
ماوري سئ ويلعب ماوري يوعد الجماهير بالعوده نراه بمستويات تخجل!! ولكن يلعب..!!
السبب الثالث.. العب او اخرب ((عيــــــــــب يا عيال ))
بتصرفات لا احترافيه من تصاريح خارج الملعب الى مستوى سئ وانانيه نعـــم روكي قلق من زاراتي الي خطف الاضواء منه وكان افضل منه وافضل ثنائي مع بانديــف في الدوري روكي يبي يكون الكل في الكل وهذا عيب الكابتنيه في لاتسيو انك تبي تكون نمبر ون ادا كانت على يدك وهدا يأدي الى التكبر والتعالي على الفريق
نعم المدرب ضعيف الشخصيه ولكن انت لا تفرض شخصيتك على الفريق؟! انت محترف وتطبق فقط ! لا تنقل مشاكل الفريق للصحافه انانية بعض اللاعبين مثل زاراتي الي جته ضغوط الصحافه ونزل مستواه... وطبعا الوسط الي هو النقطه الاضعف في الفريق ولكن بنظري انه بسبب المدرب الي ما لقى التوليفه الصحيحه واصابة ماتوزاليم ومغني المتكررة..ومزاجيه ليديسما المفرطه..
الحلول..الاول راعي الزقارة ((صاحب اللعب الجميل))
نعم محتاجين زيمان كبداية لكي نصل للأبطال نبني اساس قوي ثم نجيب مدرب بطولات مدرب هجومي ممتع جرئ لا يخف من فرق الشمال يزرع شخصية الفوز في الفريق ويحسسك اللعيبه بالبطوليه لا بالانهزامية..! يصنع مواهب بالخص في الهجوم..!
الثاني..((مغترب ايطالي))!
ليس الافضل ولكن افضل الموجودين ومتوفر وسهل انك ترجعه ايطاليا بس يبي له شويه فلوس.. اعتقد انه عنده خبرة كافي جيد في الالعاب الهوائية الي شفنا كيف في مباراة الانتر والي احلى من كده عمره 27 فقط.. في احلى عمر للمدافع بالاخص..! مزيج الخبرة والشباب!
الاخير ... واحد من ساحرين
ما اعتقد ان قدومهم صعب بالاخص فيرون صاحب الـ 33 سنه يعطينا سنتين او ريكليمي الي يعتبر حلم بالنسبه لي مستعد ادفع 20 مليون فيه ويعطيك احلى 5 سنوات نحتاج لعيبه تربط بين الدفاع والهجوم على اعلى مستوى بدل من اشباه اللعيبه مثل ليديسما والبسكويت ((كثيري الاصابات)) مغني وماتوزاليم..
في الختام اخواني واحبائي اتمنى يكون الموضوع عجبكم واتمنى انكم تناقشو حال الفريق وحلوله وان شاء الله يتعدل الحال لأن الحال تعبني حيــــــل و في النهاية اعدروني على التقصير والله الدراسه شاغلتني عنكم.. وادا في الموضوع اي خطأ سامحوني..! اخوكم محمــد
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
