لا جديد خسارة جديدة والداهية لايدرى..

[Prince of lazio]

خسر لاتسيو قبل قليل لقائه أمام ضيفه نادى اودينيزى بنتيجة 3_1 وسجل أهداف الاودنى
60' Floro Flores
69' D'Agostino
86' Quagliarella (R)

وهدف لاتسيو

56' Rocchi

[Lazio 4 Ever]

هاردلك الخساره ..


ماهمتني هالمباراة .. اهم شي يحضرووووون عدل حق يوم الاربعا .. !!

نبي الكاااااااااااااااااااااس

[8 zauri]

تبديل دي سلفستري كان غريب ..
الولد مقدم مباراة رائعة جدا وخيالية جهة اليمين يقوم روسي يطلعه
طيب ليش ؟؟؟
لو انه مطلع ليشتاينر يمكن أهون ...
وماوري الى الآن بطيء ...
لاتسيو كان الأفضل الى الهدف الثاني .... وبرأيي أهداف أودينيزي اجتهادات لاعبين
والأول كان سهل نوعا ما لموسليرا اللي تصدى لكور أصعب منها وياليت صد البلنتي
أتوقع روسي طلع دابو لأنه حب يريحه ...
الشوط الأول الجميع رائع بلا استثناء وبصراحة عجبني دلنيرو و رادو ....
دلنيرو ثاني مباراة له من أربع شهور وقدم مستوى حلو ...
ان شاءالله الكاس لاتسيالي ...

[Ben Nasser]

مشكور....
وش هالمستوى..
الفريق تقريباًَ كامل ماعدا بانديف وكولاروف
وش هالخربطة بالدفاع امكانيات السامب في الهجوم افضل من الاودنيزي
بروكي اليوم يثبت انه ماله داعي بالفريق
سامبدوريا فايز 5 وحنا خسرانين 3
فوز سامبدوريا يخليهم يدخلون بمعنويات مرتفعه الله يستر بس
والله الكأس احس انه بدأ يبعد عنا
الله يعين

[J10]

شباب اول شي هاردلك الخساره
بعيد عن التعصب والاشياء هذي
كلنا نشجع لاتسيو وكلنا نعصب
بس المنطق يقول ان الفريق قدم مباراة جيده حتى سجل روكي الهدف !
المثلثات بين زاراتي وروكي وديل نيرو وماتوزاليم
يعني اشياء اول مره نشوفها بالفريق هل موسم
مثل ماقال عمر اهداف الاوديني فاول وبنلتي و شوته من بعيد
ممكن انا احمل مسؤولية هدف فلوريس الى لاعبين الوسط الي تاركين له مساحه يشوت
وهدف اوغستينو لايصد ولا يرد
والبنلتي راح لها موسو بس ماقدر عليها....
عموما حطوا فبالكم ان الاوديني يلعب وحاط عينه على الفوز عكس لاتسيو الي اذا فاز فاز اذا خسر خسر ما همه شي لان تفكيره منصب ليوم الاربعاء فشي طبيعي بنشوف هل نتيجه من الاوديني الي يبي مركز مؤهل لكأس الاتحاد
الحين اتمنى من الفريق يعسكر بنورسيا قبل النهائي
وشكرا

[lazioblood]

المباراة من وجهة نظري يتحملها روسي
سعني فايز و الكرة في ملعبك
أنت من تتحكم بمجرى المباراة..
طلع دي سيلفستري و ديل نيرو و دابو !!
ولا تبديل بمكانه..
لنفترض أنهم جميعهم أصيبو و كانت اضطرارية
اختيلر البدلاء فاشل و بجدارة..

يعني روسي هو من قتل الوسط بعدما رجع ليخت دفاع
و طلع دابو ..... ما في وسط..
و بذاك قدم المباراة - كالعادة- على طبق من ذهب للأودينيزي..
الذي بدوره قبل الهدية !!!
بس حرام نخسر و الله انقهرت..
و بصراحة خايف بجد من نهائي الكأس
لو خسرناه تكون كارثة الكارثة .....

[امــيــر الــذوقــ]

ما راح اتكلم عن المبارة ولا عن مدرب الغفلة
ولا عن سيفيليا وبروكي وبقية الشلة لاني بجد مليت وانا اكرر نفس الكلام ومرة وحدة بعد علشان لا يجي احد يقولي انتقي الفاظك

واساسا المباراة ما هي هامتني بس انا كنت ابي اشوف كم وجه جديد يلعب في الفريق بس مع ابو عشر دقايق في النهاية الظاهر مستحيل
علشان كذا ان مستانس من الخسارة

بتكلم بس عن شخصية الفريق داخل الاويمبيكو

الفريق فقد شخصيته بسبب الخيبات الي حدثت من بداية الموسم والي الحين تراكمت بسبب سكوت لوتيتو عنها واصبحت شيء عادي
ولا احد اصبح يعطي اهتمام للجمهور والنادي وتاريخ النادي

اتوقع ان الدلو ضرب الرقم القياسي للفريق في عدد الهزائم هذا الموسم في الاليمبيكو
طبعاَ مع الاخذ بعين الاعتبار عدد الهزائم الاجمالي (15 هزيمة) يعني رقمين قياسيين فموسم واحد

انا من الحين اقولها وهذا رأي شخصي لي فقط (يعني لا احد يجي يقولي روح شجع فريق غير لاتسيو)

اتمنى الهزيمة في مباراة الكأس اذا كان الفوز يعني بقاء روسي مع اشباه الاعبين الي ذلنا بهم

[امــيــر الــذوقــ]

آسف يا شباب الريكورد طلع 16 هزيمة
وهزيمتين بعد على الورق نكون وصلنا 18 هزيمة !!

الله يصبرنا

[lazio2010]

هاردلكم ..

اليوم الفريق بشكل جيد حتى الهدف وبعدين !!! عادة حليمة لعادتها القديمة ..

اليوم اللي كاان مميز في المباراة زراتي وماتوزاليم ودل نيرو اللاعب اللي يستحق الاشادة ..

روكي ليس روكي اللي نعرفه ولولا الهدف لكان الاسوء في المباراة ...

الفريق الظاهر حالف انه يخسر 3 مبااريات على التوالي ويفوز 3 مباريات على التوالي ..

والنقطة الاخيرة هي خط الدفاع استقبل 51 هدف في 35 مبارة يعني !!!! خل سيفيليا يتكلم ...

انا بديت اخاف من مباراة يوم الاربعاء وكلها من هلهزايم المتكررة ..

[Laz!o]

ما كنت مهتم للفوز
لكن انقهرت بصراحة لعدم إدخال اللاعبين الشباب

متى نشوف روسي يعطي واحد منهم الفرصة
حرام والله

روسي لا بغى يفوز ولا يلعب بالشباب
يعني غصب يقهرنا ؟

هاردلك شباب
والله يستر من النهائي