- لاتسيو يعود للسقوط بعد النشوة ... (كالعادة) -

[معتز التميمي]

ياعمي اصلا الطاسة ضايعة ...... بالله مين شاف ليتشتاينر اليوم والله كأنه اول مرة يلعب كورة اليوم مو عارف يوقف في الملعب ...ولا ليديسما اليوم من جد طباخ ههههههه

والله طول المباراة وانا اصارخ وماخليت شتيمة الا قلتها ههههههههه .. بس اخر الدقايق خليتها ضحك ...بالذات يوم اشوف دي سيلفيستري وهو يجري زي غراندايزر

يالا الواحد يروح ينام ويصحى وينسى مرارة الهزيمة

[STEFANO]

يـ جماعه ترى لاتسو له هدفين في هالموسم ! الكأس(ن شاء الله ناخذه+التأهل الى كأس الاتحاد)

يعنى لاتسيو اهم مباراة له هالموسم هي النهائي ولا الدوري ماله داعي يلعبون ولازم يكونون مرتاحين
من الضغوط لان لاتسيو حسابيًا منتهي من الدوري والتركيز على مباراة الكأس !!


بالعربي على الاعبين ان يتمتعو في اللعب ولا يكونون مضغوطين بالعكس لازم يكونون ريلاكس !
ومادري ليش احس الانتر راح نحقق الفوز عليه !!


على العموم من الحين اوقولها لكم ريحو اعصابك الى مباراة الكأس!!

[The Game]

اولاً يعطيك العافية اخوي لاتسيو بلود على فتح هالموضوع
وكلامـك سليـم .. تعددت الاسبـاب والخسـارة واحـده

ولكـن لي نقطـة على سبب الخسـارة !
سبب الخسـارة ديليـو روسـي وما في احـد غيـره !!

يمكن البعض يقول عواد انت متحامل على روسي وتكره !
لا والله .. اللي يبدع امدحـه واللي يألف اذمـه !

اليـوم خسرنا بالشكل هذا من اتلانتا والسبب عدم المداورة بين اللاعبيـن
وهالشي يتحملـه روسي لأن هو اللي يختـار التشكيلـه !

الحيـن نجي للاعبيـن المرهقيـن و واضـح عليهـم

فوجيـا .. ليشتستاينـر .. كولاروف

روسي حلل ابو جد جدهم !

فوجيـا يلعب مكانـه ديل نيـرو
نفس الستـايل اثنينهم تقريباً

ليشتستاينـر عندنا بديلـه لورينزو

كولاروف هو الوحيـد اللي اشوف انه حلال نكرفـه
لأن رادو كـ ظهيـر ما ينفـع !


لو روسي عمل هالمداورة من اول اللقـاء ودخل بـ ديل نيرو مكان فوجيا و لورينزو مكان ستيفان

كان قدر يعطي اضافـة قويـة للتشكيلـة بدال هاللاعبيـن المرهقيـن


يعني اللاعبيـن ماهم مكـايـن !
3 مباريات بالاسبـوع عاديـه .. وكلنا نلعبهـا !

يا اخي بـ رمضان لعبنا دورات رمضانيـة 3 مباريات باليوم الواحـد وما عندك احلـى مننا

لكن المشكلـة انك خلال هالاسبـوع تتدرب يومياً صبـح وعصـر
وما اخذت ولا يوم راحـة لأن عندك 3 مباريات مهمـة راح تلعبها !

جنـوى وبعدها بـ 3 ايام اليوفـي وبعدها بـ 3 ايام اتلانتـا !
اللاعبيـن ما ارتاحـوا ! وانكرفوا كـرف

ومدرب العصر الحجري روسـي .. خلاص تنــّح على هالخطـة وهاللاعبيـن
يعني هم اللي يجيبون لي الفوز .. العب فيهم وافوز ! وما يحط في باله هذا مرهق او هذا تعبان او حتى هذا ممكن يصـاب و راح اخسره !!

روسي هو سبب الخسـارة ومحـد يتحملـه غيـره !
لأن هو الوحيـد اللي مالـه عـذر

اما اللاعبين نقدر نعذرهـم انهم مرهقيـن




نجي للمبـاراة واحداث المبـاراة .. كالعادة كرة عرضيـه وهدف
وبعدها اتلانتا رجعوا يدافعـون وكأنهم عارفين ان لاعبي لاتسيـو طفى بانزينهم
وان النتيجـة راح تكون لـ مصلحتهـم

لأن حتى اتلانتا يوم يدافع .. يدافع ع الراحـة وما يتعب ولا يركض !



نقطـة كنت اقولهـا قبل المبـاراة

ياليت فوجيا يروح يمين و مغني يروح يسار و بروكي يكون نص

مغنـي يبدع ويمتـع اكثـر اذا لعـب على الجهـة اليسـرى
لأنه يراوغ عـدل ويعرّض عـدل وانـه دايـم اذا راوغ يسحب الكورة لـ فوق ويدخل الى نص الملعـب وهالشي يسبب خطورة كبيـرة .. وكلنا نشوف زاراتي يسوي هالحركـة

لكن مغني افضل من زاراتي بالحجـز ويعرف يحتفظ بالكورة


و فوجيـا معروف عنـه اذا طفت ناره على جهـة تعكسـه على الجهـة الثانيـة يبـدع

اما بروكي صاحب مجهود وافـر ويلعب الى صفارة الحكـم ويقدر يلعب في نص الملعـب


وفعلا شفنا روسي تدارك الموضوع و رجع بروكي وسـط ولكن حط مغني يميـن !



حنا اللي نتابع الفريق عارفيـن شنو مميزات اللاعبيـن .. والمدرب وهو مدرب متنـح وما يدري وش الطبخــة !!



بالنسبـة للدفاع ما قدموا شي .. لأنه اساساً مافي اي خطورة من اتلانتا !
فـ الدفاع مرتاحيـن .. ونفس الحكالـة تنطبق على الاظهـرة

اما خط الوسـط كان ميـــت ومافي اي لاعـب يوصل كرة للمهاجمين باستثناء بـروكـي
اللي كان نجـم اللقـاء دون منـازع .. يكفي الشـوتـه اللي شاتهـا

الجمهور كان ساكت وبعض يصفر .. لكن يوم شات بروكي الجمهور كله صفق
تقدير لـ عطاءه بالملعــب

ليديسمـا مريـض .. دايـم مريـض ما هو شي جديـد !

فوجيـا اللي ما يعرفـه .. يدري انه مرهـق ... !
الدعـوة واضحـه ومفلصــه !! .. كل شوي طايـح فوجيـا ويمثـل انه متعـور

يعني يا مدرب طلــعنـي .. ولكن عمــّك اصمـخ !

مغنـي في بدايـة المباراة كان زيـن وبعدهـا بـدأ يخبـص !
فـ حس انه خسـر وجوده بالملعـب واتـجه للتكسيـر .. والله ستـر ما انطـرد لأنه كان يستحق الانذار الثاني في لعبـه على جهة اليمين لكن الحكم طوفهـا !


الهجوم نايـم بالعسـل .. ولكن ما ينلامـون
ولا واحد بخط الوسط راضي يموّلهم كرات سنعـه

ولو ان زاراتي كان ممتاز بالشوط الاول
اللا ان الشوط الثاني صار يعصـب ورجعت له الانانيـة السلبيـة

[a.perozi]

خسارة سببها روسي مع أنها غير مستحقة برايي..

أي مدرب بالعالم يعرف أن الدوري بالنسبة لنا خلاص انتهى والتركيز على الكأس ويجب إراحة اللاعبين الأساسيين وخصوصا ضد الأفرقة الصغيرة .. ونحن لدينا لاعبين بالاحتياط بمستوى الأساسيين رادو وسيفلستري وكاريزو ومغني جميعهم لاعبين من الممكن أن يحققوا الفارق.

أفضل لاعبين المباراة بروكي وزاراتي ، الأول يعطي كل ما لديه لآخر دقيقة والآخر يحاول التسجيل بالرغم من ضعف خط الوسط .

وأسوأ اللاعبين بصراحة روكي الذي لم يعمل شيء ولم يسجل حتى بالكرة التسلل التي انفرد فيها مع الحارس.

[gashisham]

كل هذا فات لازم انفوز في السانسيرو

[خالد]

السلام عليكم ،،، بصراحة ودي أناقشكم عن المباراة و بالذات أخوي عوّاد بنقطة ليدزما لكم مشكلتي مع التروجان اللي في المنتدى يخليني ما أسترسل كثير .. بس أحب أوضح نقطة للأخوان اللي يقولون خلاص ما لنا أمل في الدوري أهم شي الكأس ... طيب لو لا قدر الله خسرنا الكأس مع إهمالنا للدوري وش بنسوي الموسم الجاي .. بنقعد مثل هالموسم نقشر بصل ... لازم نصارع على كأس الإتحاد من طريقين الدوري و الكأس خصوصاً المباريات اللي على أرضنا مثل أتلانتا اللي فرطنا فيها و أودينيزي و ريجينا ... ما دام المدرب ما يخلق روح المنافسة بين اللاعبين فهذي النتايج ... لعب بدون روح و الخانة مضمونة ... المدرب تعجز و أنت تقول جبااااان .. ما عنده ثقة بلاعبينه الشباب .. !

[mohammedvid]

بصراحه الشئ المؤثر هو بانديف
يعني الموسم الجاي لو راح علينا وانتقل لنادي ثاني
مأساه