بصراحـة ليديسمـا قدّم مباراة دفاعيـة طيبـه واعتقـد السبب مباراة الديربي هاللاعـب ما نشوفه اللا بالديربي
حتى لو رجـع الى كامل مستـواه انا مع بيعـه وجلب لاعب بديل لـه لأنـه مزاجي حيـــل .. ويخلي الواحـد يخلص نص باكيت زقاير في 45 دقيقـة !
لكن هالشيء ما يمنـع قول الحـق .. هـو قدم مباراة طيبـه على المستوى الدفاعـي
مغنـي والله اعطيـه انا من عندي 10 على 10 وفوقـه حبـة خشـم والله لاعـب بالجسـم هذا تقول بينك وبين نفسك بـ كتف واحـد اقلع مداه لكـن مع هذا نشوفه يحجز اللاعبين بطريقـة روعـه ويتفنن ويراوغ ويصنع لعـب
اللي عجبني حيل تفاهم روكـي معاه .. مغني و روكي كانوا بـ هجمـة مرتـدة 2 ضد 2 روكـي فتـح لـ مغني و راح للجهـة اليسـرى وكان يقدر مغني يمرر له الكرة والباقي على روكـي لكن واضح ان مغني يبي يضمـن فـ روكي ضعيف بـ رجله اليسرا
مغني تأخـر بالتمرير و علـى طول فهم له روكـي وغيـر وجهتـه من الجهـة اليسرى الى اليمنى ولعـب له كـرة روعـة .. وكان يقدر روكي يتقدم فيها ويشـوت .. لكـن روكـي ماحب يتأنن ولعبها بطريقـة ون تـو الى مغنـي ولكـن كانت تمريرة روكي بعيده حيل عن مغني
هالهجمـة هاذي درس خصوصي في فن صناعـة اللعـب
اما مانفرديني فـ الحق حق .. قدم شوط أول جيـد .. اما الشـوط الثاني مدري شـجاه استنزل ! معـرق ويالله يالله يركـض !! .. اكتشفت عاد من خلال ملاحظتي لـ مانفرديني انـه لاعب شوط واحـد
اما بيانكي كان دوره ممتـاز .. كان يسحب المدافعين ويعطي مساحات لـ مغني و روكـي وكان يرجـع كثير ويدافع ويقطع الكـور .. اعتقـد لو كانت هناك مبادلـة بالمراكـز بيـن روكي وبيانكي راح نستفيـد من بيانكـي أكثـر
اما البقيـة ما عليهم زوينيـن .. ما عدا سيفيليا اللي بـ نظري كان سبب الهـدف الثاني ! كريباري جته الكرة سريـعـة وانطلق من خلفه دي ناتالي فـ واضح ما كان يبي يتدخل على اللاعب لأن التدخل ممكن يسبب ركلـة جزاء .. تقـدم دي ناتالي وشات وسيفيليا نشوفـه يغطي على وجهـه ومغمض عيونـه!!! المدافع المفروض يكون فدائي المفروض طايح سلايت من سنـة جـدي .. شالدفاع هذا !
فينارولي و كولاروف لاعبين جيـديـن ! لكـن روسي غبي وما عرف وين يوظفهم ! خروج مغني اكبر خطأ .. قلتها مليون مرة فينارولي دجــه كـ صانـع لعـب وممتاز كـ جناح بـ حكم عرضياتـه ورفعاتـه المتقنـه
أمـا كـولاروف فـ الكل يعرف ان كولاروف ممتاز هجومي وضعيف دفاعي ! والاودونيزي اصبحوا يعتمدون على انطلاقات بيبي بالجهـة اليسراء بعد تغيير طريقـة اللعب من 4 \ 3 \ 3 الى 4 \ 4 \ 2
يعنـي الحيـن تدخل كولاروف وتعطي مساحات لـ بيبي للتقـدم والهجوم المفروض ملعب دي سيلفستري أو ملعب روزينهال دامـه تغيير اظطراري
كولاروف المفروض تلعبـه مكان مانفرديني .. و تاري يدخل بدل من مغني بـ نص الشوط الثاني وعلى حسب النتيجـة لكـن مع مدربنا المزيـون انسـى هالاشيـاء !
و مودينغاي لازم على المدرب يكلمـه ويقولـه لا يطول بالكرة و يمرر بسرعـه !
والله نفسك كلامك يـ عواد . . قلت ابداع ليديسما سببه ان الدريب المباراة القادمه ليس الا !!
غريب هـ اليديسما لمايبدع ويحسسك انه لاعب كبير بس مزاجي نفس ليفراني زمان . . وأخ ياريت كل مباراة ديربي عشان يمتعنا هاليديسما المزاجي . . !! واعتقد انه سيكون مفتاح لاتسيو في الديربي كالعاده . . واعتقد من الظلم جدًا ان يكون تقيم مغني اقل من الـ7 . . لاعب قدم دور رائع في مكان صناعت اللعب !! اشوف ان مغني بدأ يعيد مستواه مع بولونيا وبديت احس انه خلاص عاد واتخلص من لعنة الاصابات (ماشاءالله) ومثل ماقال اخوي العزيز عواد ماشاءالله عليه رغم هالجسم الانه يقاتل ويحجز على الكورة مثل الاسطورة زيدان!
واتمنى ان يكمل ابداع هلاعبين امام روما في الديربي . . واذا كان صانع اللعب فيه يومه تأكدو يبدع فريقه!!
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
هاللاعـب ما نشوفه اللا بالديربي 
. . قلت ابداع ليديسما سببه ان الدريب المباراة القادمه ليس الا
!!
. . .!
العرض العادي
