لازيو X ميلان ( تعليقاتكم بعد لقاء)

[Stankovic]

والله عيب والله عيب والله عيب .

أنشيلوتي ملعب أطفال بالملعب وفوق هذا مصخروا لاعبينا

شنو هالمستوى الفاشل إلي مقدمه روسي في أرض الملعب ، يعني كل الظروف كانت تخدم فريقنا فليش هذا أهو ووجه لاعب بخطة دفاعيه .

والله أمس أستحيت على وجهي من شفت هذا المستوى البايخ .

لا وفوق هذا الفريق يبي يتأهل لبطولة أوروبيه ، أحسن شي يسكرون النادي حتى إشعار اخر لتحسين أوضاعه ومن ثم التفكير باللعب في أوروبا .

[mauro zarate 10]

تعادلنا أعتبره هزيمة .. الفريق قدم افضل مستوى له هذا الموسم ..

لكن للاسف الحكم اللي صراحة مدري وين عيونه لما يلعبون 6ركنيات خارج القوس .. والمشكلة انهم استفادوا من وحدة منها وهي الركنية اللي احتسب من خلالها ضربة جزاء وهمية .. لان كلادزه هو من شد بيهرامي ..

يالله ان شاء الله نستمر على هالاداء الرائع .. واتمنى الاستمرار على الثلاثي الهجومي ..

احترامي ..

[dmc]

واضيف من الشعر بيت ياجماعة الخير


شفتوا لما كان سيدروف او حتى اي لاعب ميلاني عنده لياقة اقوى من لعبتنا

والغريب هم من نفس الدوري ومعقولة لياقتهم اقوى عن لعيبتنا

حسيت لأول مرة انهم اطفال امام كبار السن

معقولة ثلاث او اثنين على لاعب واحد ميلاني معقولة

خخخخخخخخخخخخخخخخخ يازمن لازيو العريق ترجع شو هذا احسن كل واحد يرجع للدوريات الدرجة الثانية الثالثة مايستحقون لعب في الدوري لأول ومايستحقون ارتداء فانيلة لازيو غير كم واحد ينعد بلأصابع

[متيم لازيو]

Stefano

عزيزي اولا انا ماقصدتك !!

ثانيا انا اقول مايقول مبروك لأن الاطفال اللي تتكلم عليهم !!

علشانهم اقولك لا تقول مبروك وقل حرام التعادل معاهم !!

ثالثا ترى كتانيا وبارما والبقية لعب كاكا ولعب بيرلو ولا شفنا ميلان بتعاك يفوز ويملطش !!

[STEFANO]

حبيبي متيم لازيو . . ترى ميلان في الاولمبيكو ماخذك 5/1 في اسوء حالات ه !!

على العموم ماراح اعطي الموضوع اكبر من حجمه . . !!

احترامي لك ولـ الجميييييييع

[forza_lazio]

روسي شكرا ولكن التغير لا بد منه

[هيا يا اولاد]

منورين يا شباب

[جوسيبي سينيوري]

الفريق اللازيالي يمشي بطريق واضح ان نهايته خطيرة للأسف

بصراحة ودي أقول اللي بقلبي ولكن لحد يزعل مني

ديليو روسي يمر بفترة ضغط ....وضغط رهيب جداً

لاحظوا كيف رمى علبة الماي بكل قوة بعد مباراة ريجينا رغم ان الفريق كان ضامن الفوز

ولو نرجع للموسم اللي تألق فيه وهو الموسم الماضي

كان يبالغ بفرحته بأي هدف رغم قلة السيطرة من فريقنا ولم نكن نستحق الفوز بل وكأن الفريق فايز 5-0 مثل مباراة سامبدوريا 1-+ بالاولومبيكو وايضا مباراة تورينو بالاولومبيكو

افتقدنا لهالفرحة يا روسي .... والله اكيد ان بالامور ... أمور

هنا نستنتج ان الفريق ((( ككل ))) يمر بفترة رهيبة والسبب الأول والأخير برأيي هي مشاركتنا الرهيبة والمتعبة والبطولية والجبارة بدوري أبطال أوروبا ونتيجتها الكارثية

والتي للأسف لم تنصفنا حتى بكأس الإتحاد الأوروبي !!!!

ولو نقارن مباراة لاتسيو وريال مدريد .. مع مباراة روما وريال مدريد

والله ثم والله ان فريقنا افضل من فريق البنات بمررررررررررراحل

كلنا شاهد اريين روبن يسرح ويمرح وراؤول يضيع ونستلروي يهدر بشكل خطير وكبير وبالإياب لا أستبعد سباعية أخرى بصراحة ... فريق مضخم اعلامياً وفاسد من الداخل

اما نحن لعبنا فأجدنا أمام الريال بحنكة روسي وروح اللاعبين ... بهرامي مسك روبين .. ليديسما يمرر ويغطي موتاريللي يحرث الملعب..مودنجاي أسد أسمر بكل مكان...جوران يذبح الريال من كل مكان .... لعب نظيف بدون خشونة او حتى مناوشة بين الفريقين .... لولا ظروف اصابة روكي + الميركاتو السئ + الخبرة القليلة بالبطولة لضمنت لكم ان لاتسيو يتأهل ... ولو نشارك بأقرب فرصة راح نبيضها

عموماً ... ما ابي اطلع بره الموضوع

روسي داهية ومميز ... لكن اللاعبين بصراحة روحهم ميتة ... مافي نوعية القتال بالعام الماضي ... تخاذل واضح من الكل تقريبا ....وليديسما نعتبره الترمومتر لروح الفريق ... كثر ما تراه ميت ومشتت ... كثر ما نقتنع ان الفريق مشتت وضايع .. وبالأمور... أمور

ديليو روسي مدرب كبير او بالأحرى على وشك أن يكون مدرب كبير ... لكنه بصراحة يرتكب أغلاط غريبة كإشراك مانفرديني بدل بيانكي ... يعني شئ لا يقبله العقل بصراحة

ما اقدر اعلق لاني بصراحة ما تمكنت من فهم نية روسي فيها .. ما اظن الموضوع موضوع خوف ولا ليش اشرك3 مهاجمين ؟؟

ديليو روسي له فرصة وحيدة بالدوري وهي اما المركز الخامس او السادس

والفرصة الكبرى اللي اتوقع تحدد مصيره بشكل كبير هي الكوبا إيطاليا ... والتي أعتقد بإذن واحد أحد أنها لاتسيالية بإذن الله ... وبطريقة رائعة

ما حصل أمام الميلان شئ متوقع ومجاملة التحكيم قبل مباراة الارسنال واضحة وايضا متوقعة ... طولوا بالكم

لكن كل شئ بوقته حلو

والكبير ..... طول عمره كبير

[The Game]

هلا بالغالي جيوسيبي سينيوري

اول شيء واللي اعرفـه و واضـح هالشيء خلال اكثر ردودك .. انـك متضامـن مع روسـي
وكثيـر اللي بالمنتـدى متضامنيـن مع روسـي .. ولكـن المجاملـة ما تنفـع أحــد !

وش ينفعني مثلاً اني اجامل ليديسمـا على مستواه الموسم الماضي !
عشان الموسم الماضي كان ممتاز .. العبـه هالموسـم و هـو اسوء لاعبي الموسم عشان الموسم اللي فات !
مو منطق هـذا ! .. رونالدينـو و هـو رونالدينــو .. قـعـد بـ دكـة الاحتيـاط فوق السبع مباريـات !
و ريكارد يشركـه احيـان آخر ربع ساعـة يبي يعلمه ان مستواه هابط ويبي يعلمه ان الفريق يبيك ترجع لمستواك !

مو معقولـه من روسي هذه المجاملات الغريبـة .. مو معقولـة من روسي ان خططـه اصبحـت مكشوفـه ولا يغيرها !
يعني انت مدرب كرة قـدم لازم ان المدرب يكون عنـده فكر تدريبي ويقدر يغيّر الخطـة الى مليون خطـة ويوضف اللاعبين في مليون مكان يشوفـه مناسـب .. ولكن ديلو روسي ما نشوفـه يسوي هالاشيـاء !

دكـة البدلاء اللي يتحجج فيها من أول الموسم الحيـن عامرة باللاعبين الممتازيـن .. ولكن ما نشـوف اللا مانفرديني و دابـو و بيانكي !
مو معقولـة دكـة بدلاء ما يكونون فيها اللا هاللاعبيـن !! .. والمشكلة اذا لعب احد هالاسماء الثلاث
سوى تبديل نشوفه يلعب الاساسي مثل روكي او مودينغاي او دي سيلفستري !!

تفكيـر عقيـم بكل صـراحــة .. الكل متفق على ديل نيرو وانـه لاعـب ممتاز ومهـاري ولكـن ما نشـوفـه !!
الاغلبيـة متفقـه على بارونيـو انه ممتاز .. ماهو شرط يكون مكان ليديسمـا ولكن من الممكن ان بارونيو يلعب مكان مانفرديني ولكـن مع هذا ما يلعب هاللاعـب بسبب مشاكل شخصيـة بينهم !!

روزينهال من افضل الاسماء اللي انضمت لـ لاتسيو .. للأسف المدرب ما عطـاه فرصتـه عشان يحكم عليـه
شنو السبب .. هل تخاف انه ما يتأقلم مع المجموعـة !! انت عطيـت رادو الشـاب فرصـة .. شلون تخاف انك تعطي لاعب دولي ومعروف وفي كل الانديـة اللي لعب فيها تميـّز تخاف انك تعطيـه فرصــة !!

روسي الداهيـة والممتـاز على قولتـك ما كان السبب وراء تألق لاعبي لاتسيـو ضـد ريال مدريــد !
ولكـن لاعبي لاتسيـو شافوا ان هاذي فرصـة العمـر لهم .. لأن ملاييين ملاييين العالم تتابع ريال مدريد وتتابع هالمباراة .. فـ شافوا ان هاذي فرصـة عشان يسجلون اساميهم قدام الكـل !

واللا روسي لعب بـ نفس التكتيك والتشكيلة تقريباً ضد ايمبولي وكاليـاري المطرود منـه واحـد من أول الشوط الثاني ! وش سوا هالمدرب الداهيـة !! يطلع مهاجم ويلعب مهاجم .. يطلع وسط ويلعب وسط .. يطلع مدافع ويلعب مدافع !!

أمحـق داهيــة !


والسموحـة يا بو شهـاب .. ولكـن المجاملـة ما تنفع أحـد ! والموسم اللي فات راح وحنا عيال اليوم !
ومدربنا مدوّج وما يعرف يستغل الفرص وما يعرف يسوي تبديلات ! واذا بقى على هالحال راح نكون مهددين بالهبوط !

[جوسيبي سينيوري]

هلا عواد

موضوع ليديسما ومجاملته بصراحة ما ألومه ... على قولتك لو تركز بمباريات لاتسيو وتشوف ليديسما شنو يسوي وشلون يتحرك بدون كرة ... ويغطي صراحة مجهود كبير ... لكن أثناء الهجوم نراه مستواه متذبذب وليس هابط بالمرة

لا تقارن موضوع ليديسما بموضوع رونالدينهو ... لان برشلونة يمتلك احتياط جيد .... انيستا مثلا يعوض رونالدينهو بالراحة

اما لاتسيو فما له الا الله ثم روسي ثم ليديسما !!!! لأن ليديسما لاعب دوره أكثر من دور أي لاعب آخر بالفريق وبصراحة أنا أرتاح لوجوده مهما كان مستواه ... شيل ليديسما من أي مباراة وأشركوا بارونيو اللي ذابحينا فيه والعادي جداً ... وشوفوا الكوارث الحقيقية على دفاعنا

أما مباراة ريال مدريد

صدقني حجة أن لاعبي لاتسيو كانت لديهم الروح وبالتالي أبدعوا هذا كلام سلبي و غير حكيم وما يطلع من شخص مثلك يا عواد

شهالروح هذي اللي تبي تتعادل مع مدريد ... لو على جذي كان كل الفرق تعادلت مع مدريد او فازت

روسي ليش ما اشرك دي لسفستري عاليمين ؟؟ شمعنى بهرامي ؟؟ ومنهو الأنسب للمباراة ولروبين ؟؟

روسي وتوجيهاته طول المباراة وروحه العالية وين راحت ؟؟

مافي لاعبين بكرة القدم الحالية يلعبون على هواهم ... والدليل ان لاتسيو أبدع أمام بريمن بالأولومبيكو بل حتى بالبرنابيو كان أداء مشرف ولكن هدفين بدقيقتين كلفتنا الكثير

روسي مدرب داهية ... وصدقني أنا أعتبره والله أفضل من سباليتي بمررررراحل لكن الاعلام مكبره مع روما وخلوه مدرب سوبر ستار وهو بالاساس مدرب جيد لا أكثر

اصبروا على روسي ... والله اتوقع انه بيقدم لكم هدية طيبة هالسنة بالكأس والدوري .... وبعدها ... لا أستبعد رحيله ولكن بكل شرف ورأس مرفوع لبطل قدم فأعطى