لازيو X ميلان ( تعليقاتكم بعد لقاء)

[The Game]

لي عودة يا بو شهاب
بـ رد طويل عريض ^_^

[Ole]

روسي مدرب داهية ... وصدقني أنا أعتبره والله أفضل من سباليتي بمررررراحل لكن الاعلام مكبره مع روما وخلوه مدرب سوبر ستار وهو بالاساس مدرب جيد لا أكثر

والله انت اللي مكبر ديلو روسي

اللي يقرا كلامك يقول ماخذ كاس ايطاليا وينافس على الدوري وكل سنة في دوري الابطال

خلاص ماعقب رديف الميلان فرصة أو رجاء في ديلو روسي

تعرف وش معنى التشكيلة اللي دخل فيها انشيلوتي

معناها لاتسيو محطة استراحة وروسي واللاعبين ماعندهم أي ذرة كرامة يردون على هذي الأهانة في الملعب

[The Game]

هلا بالغالي أحمـد

ردّي راح يكـون داخل الاقتباس عشان ما انسى شي
والاشياء اللي بضيفها راح تكون خارج الاقتباس

المشاركة الأصلية كتبت بواسطة جوسيبي سينيوري

هلا عواد

موضوع ليديسما ومجاملته بصراحة ما ألومه ... على قولتك لو تركز بمباريات لاتسيو وتشوف ليديسما شنو يسوي وشلون يتحرك بدون كرة ... ويغطي صراحة مجهود كبير ... لكن أثناء الهجوم نراه مستواه متذبذب وليس هابط بالمرة

هلا أحمـد

انا لو لاحظـت ردي جبت لك مثال واحـد اللي هو ليديسمـا .. واللي يا كثر المجاملات اللي يسويها روسي .. مانفرديني .. ماوري .. ليديسما .. سيفيليا .. القصـد مو بـس ليديسما فقـط .. ولكن دامك تكلمت عنـه راح أرد على هالنقطة اللي ذكرتـه

أحمـد انا ذكرت لأحد الاخوان اللي كان يمدح ليديسما بـ موضوع قـديـم .. وقلت لـه كلمـة وحـدة بـس .. أتحــداك تجيـب لي لقطـة كان ليديسمـا فيهـا يركـض !

وش اللي يتحرك دون كرة الله يهداك .. يا اخي هاللاعـب طول المباراة يتمشـى .. ولا وصلتـه كرة مدري مصدق نفسـه انـه فيرون واللا وش ! يلعـب كرات صعبـة وكلها خاطئـة ياليـت عاد تصيب وحـدة كلها باسات خطأ

بعدين وين المجهود الكبير بالتغطيـة .. عشـان شال كم كرة ضـد الميـلان صار مجهوده كبيـر !! اذكر الله يا احمـد
بعديـن ضـد الميـلان كان قدامـه جوروكوف وامبروسيني .. منو هالجوروكوف اللي قام يبدع على آخر الوقت !

أحمـد .. سالفـة التغطيـة لعـّب أي لاعـب ان شاء الله تاري بالمركز هذا وشوف شلون راح يغطي عـدل .. اذا تقدم الظهير الايمن خلك مكانـه واذا تقدم الظهير الايسر خلـك مكـانـه !

بعديـن هو نادراً ما يغطي .. بـ حكم وجود 3 محاور بالفريق .. يعني مودينغاي يغطي مكان بيهرامي .. و موتاريللي يغطي مكان زاوري والعكـس اذا هجم أحد الاظهرة ! .. يعني دورك انت يا ليديسما مو تغطيـة دورك ربط الدفاع و الهجوم بـ حكم مركزك ولكـن ما نشوف هالشيء منـه

لو المدرب اللي تقول عنـه داهيـة يلعب بـ خطـة 4 \ 4 \ 2 اقولك انا معـاك ما نبي من ليديسما غير انـه يغطي والأجنحـة كفيلـة بصناعـة اللعـب


لا تقارن موضوع ليديسما بموضوع رونالدينهو ... لان برشلونة يمتلك احتياط جيد .... انيستا مثلا يعوض رونالدينهو بالراحة

والله العظيم والله العظيم ان لاتسيـو يمتلك احتيـاطي جيـد جيـد جيــد .. بس وين المدرب اللي يعرف امكانيات احتياطييـه .. ما يعرف غير مانفرديني و دي سيلفستري !!

اما لاتسيو فما له الا الله ثم روسي ثم ليديسما !!!! لأن ليديسما لاعب دوره أكثر من دور أي لاعب آخر بالفريق وبصراحة أنا أرتاح لوجوده مهما كان مستواه ... شيل ليديسما من أي مباراة وأشركوا بارونيو اللي ذابحينا فيه والعادي جداً ... وشوفوا الكوارث الحقيقية على دفاعنا

احمـد أنـا أحس انـك ما تتـابـع كل مباريات لاتسيـو !
هل تابعت المباريات اللي لعـب فيهـا بارونيـو ! شفت مباراة جنـوا .. شفت مباراة الكأس ضد الفيولا !
شفت مباراة ريال مدريـد اللي بـ مدريـد .. وشفت يوم لعب روسي بارونيو .. وللعلم لعبـه مو حباً فيـه ولكن مجاملة له عشان يوم المباراة كان يصادف يوم ميلاد باروينو ... شفت شلون تغيـر الاداء 180 درجـة ! .. شفت شلون رجع الامل لـ روسي انـه ممكن يتعادل مع ريال مدريـد وبدء ولعـب ماكينوا .. تابع هالمباريات وقولي رايـك

أما مباراة ريال مدريد

صدقني حجة أن لاعبي لاتسيو كانت لديهم الروح وبالتالي أبدعوا هذا كلام سلبي و غير حكيم وما يطلع من شخص مثلك يا عواد

شهالروح هذي اللي تبي تتعادل مع مدريد ... لو على جذي كان كل الفرق تعادلت مع مدريد او فازت

من قال ان الفريق كان يبي التعـادل !!!!!!!
الفريق لعـب يبي الفـوز .. محد قال يبي يتعادل !

روسي ليش ما اشرك دي لسفستري عاليمين ؟؟ شمعنى بهرامي ؟؟ ومنهو الأنسب للمباراة ولروبين ؟؟

روسي دخل بالتشكيلـة الاساسيـة وهي الانسـب للمباراة .. حتى لو لعب دي سيلفستري ما راح يكون فيـه خوف
ودي سيلفستري بمباراة الايـاب .. وقــّف روبيـن وما خلاه يتنفس .. بعـد ما قمعـه على جهـة اليمين سكالوني


روسي وتوجيهاته طول المباراة وروحه العالية وين راحت ؟؟

كلامـك غريـب يا أحمـد .. عشـان مباراة بـ قعد أمجــد هالمدرب !
طيب وين راحت روحـه العاليـة وتوجيهاتـه ضـد كالياري اللي آخر فريق بالترتيب واللي بعـد كان مطرود منـه لاعب من أول الشوط الثاني وهذا مثال بسيـط

وللا لو تبيني اذكر لك كل شي .. أسرده لك بالحقائق والارقام وبـ تفاصيل كل مباراة !

غريب هالكلام .. عشان مباراة بقعـد امدحـه واطيره بالسمـا
اقرب مثال اقرب مثال .. ويـن راحت روحـه العاليه ضد اولومبياكوس !

يا كثر المباريات اللي ضيعنا فيها روسي

مافي لاعبين بكرة القدم الحالية يلعبون على هواهم ... والدليل ان لاتسيو أبدع أمام بريمن بالأولومبيكو بل حتى بالبرنابيو كان أداء مشرف ولكن هدفين بدقيقتين كلفتنا الكثير

طيب افهم من كلامك ان ابداع اللاعبين كان السبب فيـه روسي !
والله لو الله ثم مغنـي .. ما شفت لاتسيو يفوز على بريمين ..

وطيب دام ان السبب المدرب .. ويـنـه عن آخر 10 مباريات لـ لاتسيـو !
شوف الرقم اللي حطيتـه .. 10 مباريات .. ويـنـه عنهم !!



روسي مدرب داهية ... وصدقني أنا أعتبره والله أفضل من سباليتي بمررررراحل لكن الاعلام مكبره مع روما وخلوه مدرب سوبر ستار وهو بالاساس مدرب جيد لا أكثر

سباليتي حاله حال روسـي .. يلعـب بـ طريقـة وحـدة وما يغيرهـا .. لكن الشيء اللي سباليتي افضل فيـه هـو تدوير اللعــب و تغيير مراكـز اللاعبين حسب امكانياتهم .. يعني تونيتو و كاسيتي يلعبون يمين وشمال ظهير أو جناح

سيسنهو بعـد .. بيزارو يلعبه كـ محور واللا كـ صانع لعب .. بيروتا من محور دفاعي هالسنـة مخليه خلف توتي .. فوزينتش من رأس حربـة الى لاعـب جناح أيسـر .. هالتغييرات هاذي والاستفادة من اللاعبين المميزيـن

أغسـل يدك يسويها روسي .. اذا مودينغاي وهو مودينغاي مستحيل يلعبـه على اليسـار .. يا اما على اليمين يا اما لأ .. غيـر طبعـاً ديل نيرو و بارونيـو و روزينهال و قائمـة الاحتيـاط المتميزة الثانيـة .. مو طبيعي تجاهل هاللاعبيـن ! مع انهم في كل مباراة لعبوها تميزوا !!

اصبروا على روسي ... والله اتوقع انه بيقدم لكم هدية طيبة هالسنة بالكأس والدوري .... وبعدها ... لا أستبعد رحيله ولكن بكل شرف ورأس مرفوع لبطل قدم فأعطى

الى متـى نصبــر !! ليـن يصير مركزنا 16 !! .. الفرق بيننا وبين منطقـة الهبـوط حول 6 نقـاط والفرق بيننا وبين المركز السابع 6 نقاط ! .. يعني لو ضامن ابو الشباب مباراة كالياري و ايمبولي كان الحين مركزنا يا اما السابع او الثامـن .. الى متى نصبــر ! والمباريات الجايـة كلها قويـــة .. الى متى نصبر على هالتفكير العقيم وهالتكتيك اللي الكل اصبح كاشفه !

أحمـد لاتزعل مني من الكلام اللي بقولـه .. بس اذا الفريق كان خسران .. ما نشوفك تجي تنتقـد او تمـدح او تبدي رايك !

ولكـن اذا الفريق قدّم اداء جيـد .. نشوفك تجي وتمدح الفريق واللاعبين والمدرب !

هل عجبـك تفكير روسي بـ مباراة كالياري وايمبولي !! ؟


والسموحـة يا الغالي على الاطالـة