يعطيك العافيـة يا حسـام على التغطيـة
عندي كم نقطـة بخصوص المباراة الوديـة
،، تاري في كل مباراة يلعب فيها يكون بالموعـد !
سواء كانـت بالدوري أو وديــه .. وطبعاً الكل يعرف ان تاري في كل المباريات الوديـة
سجـل فيهـا ما عـدا يمكن بس المباراة الاخيرة اللي تألق فيها ديل نيرو !
هاذي رسالـة واضحـة من ايغلي تاري الالباني للمدرب روسـي
ومضمون الرسالـة : يا مدرب عطنـي فرصـة أكثر للعب
تاري تألق مع باليرمو .. وابدع في مباراة الكأس .. وامام نابولي بالدوري (2×2)
لعـب مباراة ممتـازة وصنـع الهدف لـ بانديف بطريقة جميلـة
والى متـى يا روسي هذا التجاهـل !
انا بصراحـة اتمنى تواجـده بشكل اكثر
مو يلعب بالدقيقـة 90 !! وش يسوي بـ دقيقة او دقيقتين !
،، تواجـد كولاروف بالوسـط هو المكان الانسب للصربي
والحمدلله ان الظروف هي اللي خلت روسي يفكر هالتفكير .. لأن كولاروف دفاعيـاً ضعيف حيل حيل
وبكل صراحـة اهداف كثيرة دخلت على لاتسيو بسببـه !
ولكـن مع هـذا في اهـداف كثيرة دخلـت الى لاتسيو بسببـه
يعني الامور واضحـة حيل .. كولاروف حطـه وسط و راح تستفيد منـه هجوميـاً ودفاعيـاً
زين ان روسي بدأ يشغل مخـه .. لكن الخوف انـه ما يلعبه بالمركز هذا !
،، بانديـف يلعب خلف المهاجميـن !!
شالمدرب هـذا .. متى راح يتعلم .. ضـد الميلان بالشوط الاول .. الهجوم ما سوا شي
لأن بصراحـة هجومنا يعتمـد على بانديف وسرعتـه .. صحيح اناني لكنـه بأنانيتـه نستفيد منـه
بالشـوط الثاني من ميـلان غير طريقـة اللعـب
واصبحـت
روكي ......... بانديف
بيانكي
وهـذا هو اللي صـح
ولاحظوا كيف تغير اللعـب في بدايـة الشوط الثاني
الله يصبرنا على هالمدرب !
،، مثل ما الظروف سمحـت لـ كولاروف انـه يكون وسـط
فـ الظروف سمحـت لـ تواجـد بيرني بالمباريات الوديـه !
لأنه بالسابق حتى المباريات الوديـه ما كنا نشوف اسمـه فيـه !!
والحال ينطبق على ارتبولي المدافع الجديد اللي شريناه من اول الموسم
وما شفناه اللا في مباراة وحـدة وكانت دقايق معدوده بمباراة الكأس ضد فيورينتينا
،، ايضـاً افكـار غريبـه عجيبـه من المدرب ديلو روسي !
دياكيتـه ظهيـر يميـن ! .. مودينغاي يلعب مكان ارتبولي بالقلب !!
اعتقـد ان المدرب يبي يسوي بـ مودينغاي مثل ما صار في دابو !
في احد المواسم وبسبب اصابات الدفاع لعـب دابو قلب وقدم اداء مش بطــّال !
ولكـن لازم ينتبـه ديلو روسي من هذه المجازفـة !
لأن مودينغاي عنده نزعـه هجوميـه واضحـه !
فـ هذه تعتبر مجازفـة كبيرة !
ومن الاساس ما ادري ليـه هالتفكير دام الفريق اصبح يملك 6 لاعبين بقلب الدفاع
واذا حسبنا زاوري و دي سيلفستري يقدرون يلعبون بالمركز هذا يصيرون 8 !
هل السبب انـه ما يبي يزعل مودينغاي عشانـه احتياط ويبي يفكر يلعبه كـ أساسي لكـن قلب
،، الحسنـة الوحيـدة لـ روسي من خلال ماهـو واضـح
هي تشكيلـة الشوط الثاني .. وقصدي خط الوسـط !
خـط الوسط كان متناسق بشكل حلو !
وجود مغني و ماوري بالملعب اثنينهم اعتقـد انه أمر هجومي ممتاز
و وجود فيرماني وبارونيو لاعبين مقاتلين هجوميين ودفاعيين
يعني خط الوسط بالشوط الثاني كان فيـه موازنـه بالامور الهجومية والدفاعيه
وياليت يجرب المدرب يلعب بـ تشكيلة خط الوسط هاذي
لأن دائمـاً ما يكون خط الوسط لـ لاتسيو دفاعي دفاعي دفاعي بحــــــــــت !!
فـ شي حلو نشوف عناصر بـ تشكيلة الوسـط هجوميـة .. هذا الشيء راح يساعد المهاجمين اللي يعانون من قلـة الكرات اللي تجيهم !
لأن اغلب اهدافنا لو تلاحظون .. هجـوم يصنـع لـ هجوم !!!
ويعطيكم الف عافيـة
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
