والله بهذي المباراة ما أستفدنا إلا من زاراتي بصراحه أهو اللاعب الوحيد إلي شال عني ضيقة الخلق .
ليديسما وماوري أبو الأستعباط .. أكثر أثنين بالمباراة كانوا يتمصرون ما يلعبون من صجهم .. وأتمنى الميركاتو الشتوي يبدأ حتى نبيعهم ونفتك من لاعبهم الماقس.
بروكي كان يجامل لاعبين فريقه السابق .. يعني مايضعظ عليهم ولا يهجم ولا يقع الكور .. وأمس حضرة جنابة بس قاعد يحجز بالكوره ( وياليته يعرف يحجز بعد ) حتى تنقطع منه وهذا إلي حصل في أكثر من مره ومنها لقطة الهدف الأول .. بالله في لاعب بالعالم يحجز نفس الحجز إلي سواه بروكي .
خلك ياروسي مقتنع فيه .. وخله يقلب الفريق على راسك حتى تعرف قيمة موتاريللي .
أدوار اللاعبين المحاور كانت أغلبها هجوميه وعلى الفاضي يعني ما أستفدنا منهم ولا شي وافتقدنا مودنجاي ودابو.
الدفاع كان متمصخر من مباراة كالياري لكن الأوضاع ساعدتنا حتى في مباراة سامبدوريا .
الفريق يحتاج شغل كثير وكبير ومع روسي ماراح نسوي شي ... ونتمنى من لوتيتو أن يضحي ويستغني عنه ويجب مانشيني على الأقل أو أي مدرب له اسمه حتى لو كان راتبه عالي لأن الرئيس مُطالب بإيصال الفريق إلى المنافسات الأوروبيه وحتى المنافسه على الدوري .. وهذا الشيء مع روسي ماراح نشوفه.