بيتراشي : المدير الرياضي الجديد لنادي لاتسيو

[بو سلمان]

ذكر موقع الكالشيو ميركاتو ان بعد انتقال ساباتيني الى باليرمو.. أصبح لاعب فينسيا و كريمونيزي..

ومدير فريق بيسا حاليّا.. جيانلوكا بيتراشي.. هو المدير الرياضي الجديد لفريق العاصمة لاتسيو


^
^
^


اشكر العضو GR8 على توضيحه بكل ادب بخصوص الصوره للخبر .. وانا اتأسف للاخوه الاعضاء هذا الغلط

وللاسف يا اخوان هذا الشخص المذكور في الخبر لا توجد له صوره في قوقل اذا احد يقدر يطلع له صوره جزاه الله خير ..



تحديث بخصوص المدير الرياضي الجديد للنادي

[J10]

السلام عليكم
الصورة الي حاطها اخوي اهيا صورت لاعب روما المعار لنادي بيسا
اليسيو سيرسي

[متيم لازيو]

مشكور بو سلمان

وشو بيتراشي الحين يا حق اليوفي او باليرمو !!

وش ودانا لبيسا لوتيتو يبي واحد يشغل منصب وبس مايصير !!

[The Game]

ما فهمت الخبـر ابـد !!
الحين هو لاعب واللا مدير رياضي واللا شـ وضعـه ؟؟

والصورة اعتقد انها صورة لاعب نادي روما الشاب تشريتشي ولاعب منتخب الايطالي للشباب
شـ دخلها بالخبـر ؟؟ واذا ماني غلطان تشريتشي اعاروه روما لنادي ثاني ماهو نادي بيسا ؟؟

احد يفهمنا

[متيم لازيو]

يا جماعة شفيكم الحين لغز هو !!

الصورة وضعها بالغلط بس !!

لاعب سابق لفريقي فينسيا و كريمونيزي!!

وحاليا مدير بيسا بيجي لاتسيو مدير رياضي !!

[8 zauri]

يا جماعة شفيكم الحين لغز هو !!

الصورة وضعها بالغلط بس !!

لاعب سابق لفريقي فينسيا و كريمونيزي!!

وحاليا مدير بيسا بيجي لاتسيو مدير رياضي !!

انا مافهمت ممكن توضح اكثر هههههههه
مشكلة اعضاء المنتدى وبالذات المشرف الله يصلحه
يترك الجوهر ويتجه الى القشور >>>>> متعوب عليها
مشكور عزيزي بوسلمان على الخبرية الحلوة وبالتوفيق للرجل اللغز

الحين هو اللي بالصورة والا لأ ؟؟؟

[بو سلمان]

الاخ الكريم Gr8

مشكور اخوي على التنبيه .. والمشكله ان الصوره من قوقل و الظاهر التشابهه بالاسماء ادت الى الغلط وانا متأسف ..

متيم لاتسيو .. و زاوري 8 .. مشكورين اخواني على تفهمكم و فعلا ً كلامكم هو الصحيح

ماعتقد ان في غموض في الخبر ابد !!!!! اللهم الغلط بس في الصوره ..!! وانا اتأسف مره ثانيه على الغلط ..

واضح الخبر وضوح الشمس !

بيتراشي لاعب سابق ! و مدير رياضي نادي بيسا الايطالي !
وعلى حسب الموقع المذكور ان مادي لاتسيو عينه مدير رياضي جديد بدل سباتيني المنتقل الى باليرمو !!

اذا في غموض لحد الان في الخبر قوليلي علشان اوضح اكثر .. وانا حاظر ..

[J10]

^
^
طويل العمر بو سلمان انا ترى مو قصدي اقولها بطريقة استهزاء او شي لا سمح الله
بس حبيت احط هل ملاحظه
واذا كنت فاهمها بالسلبيه فأنا فهمتك وحقك على راسي من فوق
واذا لا فهم على راسي من فوق
سلام

[بو سلمان]

^
^
^

لالا اخوي باالعكس انا بصراحه مستانس و مرتاح من كلامك

وفعلاً انت وضحت لي بكل لطافه وادب هذا الشي اللي خلاني اوضح للاخوه الاعضاء الكرام ..

اتمنى ان شاءالله ان كل اعضاءانا يتحلون بهل الصفات .. باالعكس اخوي افا عليك ..

و كلنا وانا اخوك رياجيل كبار و عارفين اللي يقصد الاستهزاء من الرجال الرزين الثقيل ..

ويا هلا و مرحبا فيك يا الغالي و اسمحلي اذا ضايقتك بشي ..

[أحمد التتان]

بووو سلمان ما شاء الله عليك
والله انك تستاهل النسر الذهبي والنسر السماوي والنسر المبدع
ماشاء الله إبدااع يالغالي تسلم إيدك يا بلو سلمان تسلم إيدك ..