مبروك الفوز اللي للأمانه ما عجبني كثيـر لـ سببين بسيطين
السبب الأول الاهداف جت من كرات ثابتـه !
الهدف الاول من ركنيـة .. الهدف الثاني من بلنتي مو هجمة لنا اساساً !
السبب الثاني طريقة قتل اللعب .. بيتكو ما قتل اللعب قتل اللاعبين بالشوط الثاني للأسف
تحليلي للمباراة الشوط الاول اداء مميز و رتم معتاد بـ السيطرة و الاستحواذ على الكرة
تحركات و تبادل مراكز بإستمرار اجبر لاعبي سيينا على التراجع و القبول انهم يلعبون حسب الطريقة اللي نبي
لكن التراجع هذا كان يقابله بـ نفس الوقت قوة دفاعيـة و لاعبينا عجزوا اكثر من مرة على ايجاد ثغرات لحلحلة الدفاع
الشوط الثاني و مع هطول الامطار طبيعي تضعف اللياقة بسبب الارضية المبتلة
لكن كان واضح ان بيتكو اعطى تعليمات للاعبين باللعب على الراحة
و هذا الشيء ممتاز جداً اسكر دفاع و اذا استملت الكرة اطقطق فيها مع اللاعبين لين يمشي الوقت
لكن تبديلاته عجيبه و قتلت اللاعبين .. توقعي الشخصي كان انه يطلع كلوزه و ماوري و ينزل زاراتي و روكي
و يعتمد على المرتدات بما ان سيينا فتح اللعب و قاعد يهاجم و دفاعه الثلاثي متقدم كثير حتى ان فيليبي و نيتو قاعد يحاولون يصنعون لعب
توقعي انه يستفيد من درس نابولي واللي سواه ماتزاري يوم نزل اينزين و فارغاس لـ ضرب دفاع لاتسيو اكثر بالمرتدات
ينزلون اثنين نشاط و سريعين و يتعبون الدفاع زيادة مع تواجد كافاني و شفنا دفاع كيف كان يعاني
لكن بيتكو نزل اونازي و التبديل كان طبيعي نوعاً ما
و بعدها ينزل هيرنانيس !! تبديل غريب و ما ادري وش الحكمة منه
و قبل لا ( تنتهي ) المباراة بـ 10 دقايق ينزل كافاندا عشان يمسك سيستو اللي كان مصدر خطورة سيينا من ( بداية ) الشوط الثانية !!
دايم اقول اهم شيء الثلاث نقاط
لكن بالسابق كنت متفائل في بيتكو و انه شكل مفاجأة لي بـ اسلوبه
بس الحين رجع لي التشاؤم و صرت خايف من المباريات القادمة
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض المتطور
