يعطيك العافية ياعواد
مشكور على الموضوع العوادي
قريت الجزئية الاولى حقت لوتيتو وماقدرت اسكت
500 مليون من جيبه!!!
متأكد ياعواد
قبل كم يوم كنت اراجع الارشيف وقريت الموضوع اللي يتكلم عن شراء النادي
لوتيتو اشترى اسهمه الي صار فيها رئيس من البنك اللي كان يملكها
28% من اسهم لاتسيو كانت عند البنك وشراها بـ 30 مليون يورو (الاموال اخذها البنك)
والبنك في البداية رافض والسبب ان لوتيتو ماعنده اموال ينقذ فيها النادي والبنك حريص انه يسترجع 16 مليون مديّن فيها لاتسيو
وبعدها بمدة البنك استشار مجلس الادارة السابقة على العرضين اللي قدمهم لوتيتو وواحد ثاني يمتلك فريق صغير
لكن الادارة السابقة رفضت التفضيل وظهرت فكرة يشتري النادي شخصين اللي هم لوتيتو والشخص الثاني
المهم 500 مليون من جيبه مادخلت مزاجي
يمكن 500 مليون بالعملة الايطالية اذا العملة الايطالية طايحة
ولا حطها من جيبه في النادي بدون مقابل لأنه اخذ اسهم مقابلها لأن كان فيه عملية زيادة مثل الاكتتابات عندنا ياخذها النادي بطرح اسهم جديدة للسوق ولوتيتو كمل المبلغ الناقص بهالطريقة وقفل عملية الزيادة او الاكتتاب
صح فيه ديون ومازلت مقتنع انه فيه ديون بس انت حطيتها مصاريف بدون مداخيل
قبل مايجي لوتيتو لاتسيو كان من ضمن اكثر 10 اندية او 20 بالكثير في المداخيل بأوربا
لوتيتو انقذ النادي بشيئين
1-دفع الناقص من عملية تسجيل لاتسيو في الدرجة الاولى (مادفع المبلغ كله لأن لاتسيو قبلها غطى الجزء الأكبر ببيع اللاعبين حتى وصل عدد اللاعبين الى 15 لاعب وهو الحد الادنى من عدد اللاعبين ولا يقدر يبيع اكثر بالاضافة لممبالغ اللي تحصل عليها من عملية الزيادة او الاكتتاب) والناقص على ما اذكر 20 مليون يورو ومثل ماذكرت بالسابق دفعها واخذ مقابلها اسهم بطريقة الاكتتاب
2-قدر يقلل قيمة الدفعات لمصلحة الضرايب مقابل زيادة المدة وهذا القانون اتنفذ بعد ما اشترى لوتيتو الاسهم واعتبرت شركة لاتسيو شركة خاصة يديرها شخص قد يتضرر بعكس ماكانت في السابق لما كرانيوتي كان يملك شركة اغذية لها النصيب الاكبر من اسهم لاتسيو او بنك كابتاليا اللي كان لها النصيب الاكبر من اسهم لاتسيو
والنقطة الثانية مع تقليله لمرتبات اللاعبين ساعدت لاتسيو على النهوض من جديد
انا ماعندي اعتراض على سياسة لوتيتو وطريقته لأنها هي اللي انقذت النادي
اما انه انقذه بـ 500 مليون من جيبه الخاص هذي مستحيلة
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض المتطور
