اقتباس:
| المشاركة الأصلية كتبت بواسطة The EagLe /
من الصبح وانا اتـكلم !!
وكل ما قلت شي .. نطلي محمد وخالد واحمد وقالوا رواتب !!
مادري ؟ ان قلت نبي كاسانو ولا فييري ولا لاعب راتبه عالي ؟
نبي لاعبيـن .. مستوايتهم على الاقـل متوسطه !!
من ليتشي وكالياري وبارمـا وكييـفو ؟ فيه احد بالانديه هذي ياخذ اكثر من لاعبيـن لاتسيو ؟
اجـل كيلر ومانفيرديني وتاري وبالوتا وبيلري احتياطنا ؟ قلوا الاسامي !!
المشكـله .. اللي مع الخيـل يا شقـرا
كـل شوي ناطين !! .. لوتيتو قال اصبروا علي 3 سنين وصدقوها :D
اول ما مسـك النادي .. خم له 14 لاعب وقالوا ملك الميركاتو :D
وثاني موسم ؟ خم 10 لاعبيـن .. !!
يعني تخيـل .. 24 لاعب جابهم ما نجح منهم الا 2 او 3 بالكثـير ؟
هذا رئيس بالله :confused: |
السلام عليكم ،،،،
خلاص ... أنت معاك حق بكل كلمة قلتها وحنـّا غلطانين...ارتحت :::
ما أبي أعيد نفس الكلام اللي قبل - أجل تقول بيروزي ما راح يلقى أحسن من لاتسيو يلعب فيه أساسي !! - لأنك عارف
موقفي من مثل هذي المواضيع - النقاشات - لكن أحب أوضح نقطه ما ودي إن أقولها لكن للأسف ألقى نفسي مُجبر
إني أوضحها ... على الجميع أن يعرف أن هناك 3 أنديه كبيره فقط في إيطاليا - وأعتقد إن الغالبية توافقني - هي
اللي قادره إنها تدفع أي شي من مبالغ انتقالات ، رواتب ، طاقم تدريبي و طبي إلخ ... تبي تقول أنا ما طلبت فييري
والا كاكا ... بـ أقول لك النادي توه طالع من أزمة وديون تآصل لربع مليار... و حسب علمي ما فيه لاعب راتبه أكثر من
مليون من اللاعبين اللي تعاقد معهم لوتيتو وهذا يفسر سبب الأزمة مع سيزار وليفا و دابو .. وبالطريق أودو و زاوري -
اللاعبين من الفريق القديم - .. وهذا يفسر بعد ليه ما نتعاقد مع نجوم الصف الثاني .... هذي سياسة لوتيتو رواتب أقل
من مليون ... ( وهذي الكلام كنت دايم أقوله و أحب أوضحه - شف الإقتباس - .. أما مسألت إني أوافقه أو لاء ما أذكر
إن مره صرحت بـ هالشي )
اقتباس:
# بخصوص شراء اللاعبين .. هذا سعره كذا و هذا سعره كذا ... يا اخوان أكبر مشكله تواجه الأنديه هـي الرواتب وليست قيمة اللاعب .... فمثلاً لاعب سعره 8 مليون وراتبه تقريباً يكون 3.5 مليون خلال 3 سنوات راح يطلع راتبه 10.5 مليون يعني أكثر من سعره .... و أذكر تصريح لموراتي يدعم هذي النقطه ( و هذا هو موراتي يقول كذا أجل ما علينا شرهه ) .
على العموم خلاصة القول لوتيتو سئ بشؤون التعاقدات - انتقال جيجي بالمجان + ( قرب انتهاء عقود ليفراني + سيزار ) + صفقة خمينيز وطول فترة المفاوضات - ... لوتيتو جيد بسبب إنقاذه للنادي + اقناع المسؤولين بتسديد الديون على فترات طويله + حرصه على الحصول على أفضل العروض للنقل التلفزيوني والشركة الراعية . |
* على ذمه واحد من المعلقين - نسيت اسمه - إن اليوفي و سامبدوريا هم الأنديه الإيطالية الوحيده اللي ما عليها ديون ..
طيب نوفيلينو - مدرب السامب - منهبل يبي ريكوبا - مدربه أيام فينيسيا - بس يقول ما نقدر على راتبه .. وهذا هم ما
عليهم ديون يقولون كذا وش نقول حنـّا.
طيب وين موقعنا بين الفرق ؟
لاتسيو ومثله روما و سامبدوريا و أدوينيزي من أندية الوسط في إيطاليا و علينا الاعتراف بهذا حتى نقوم من الحلم اللي
كنّـا عايشينه قبل سبع سنوات ونفكر بواقعية ... لاتسيو يدفع ثمن ذيك الطفره الحين ... مركزنا في العاده السادس و
أنت رايح - بإستثناء بعض السنوات - بالنسبة لي شجعت لاتسيو عن اقتناع وما يطربني غيره - مع إني عارف إن
شعبيته وقتها ما تقارن باليوفي أو ميلان أو الإنتر .
بس فيه شي محيرني ؟ الموسم الماضي على إن مستوانا - بالمقارنه مع هذا الموسم - سئ ... لكن ما سمعنا مثل
هـ الكلام ... ليش ؟
بالنهاية بـ أقول مثل آخر كلام قلته بنقاشنا ذاك (( عموما .. انا باوقف هنا بالرد ! )) ... أعتقد إن بينت وجهة نظري
بالموضوع وبالنسبه لي راح أسكر موضوع لوتيتو .... و بـ أدعوا ربي إن يجيب لنا رئيس يكب الفلوس كب !!
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
