اخباركم شباب ..؟؟ .. انشالله كلكم تمام ..!! اكتبلك موضوعي من لندن ... انا في اجازة الان ... لكن قلت لازم اكتبلكم الموضوع وماذا حصل في هذا اليوم ..!! طبعا الموضوع اولا Lazio4arab ... ومن ثم ساكتب موضوع في laziofever لاني وعدت صاحب الموقع هناك ... ولان هو من رتب الموضوع مع كريستينا ( ادارية في نادي لاتسيو ) ... وتربطني به علاقة صداقة خاصة ...!! المهم نبدأ الموضوع ..!!
يوم السبت الساعة 9:30 صحيت من النوم ... ولبست بلوزة بانديف الكحلية ... وفوقها التي شيرت الازرق حق الموسم الماضي ... وطبعا حطيت الشال ورحت على المحطة الي يتحرك منها القطار على ساوثامبتون ... طبعا كان طابوور طويييل على التذاكر ... والقطار الاول فاتني ... طبعا في قطار ثاني الساعة 11:35 وانا واقف في الطابور مع واحد ايطالي اسمه اليسيو ... كان ورانا واحد انجليزي سألنا انتو رايحين المباراة ... قلناله ايوة ... هو مشجع لساوثامبتون ... وهو من نفس مدينة ساوثامبتون فاكيد عارف كل شي ... اشترينا التذاكر ورحنا القطار ... قاعدين احنا الثلاثه نتكلم ... هو يسألنا عن لاتسيو واحنا نسأله عن السانتز ... كان وقت حلو في القطار ... وصلنا ساوثامبتون واخذنا باص على الملعب ... واشترينا تذاكر المباراة ... قالي يبغى ياخذ معايا صورة قدام الملعب ... وطبعا قلتله اوكي واخذنا انا واياه الصورة قدام الملعب ... وبعدها هو استأذن وراح يرجع الشنطة بيته ويجي مرة ثانية لكن مع جماهير السانتز ... قلناله فرصة سعيدة .. و جود لك ومن الكلام هذا .. باي باي ..!! وانا قاعد برة جمب الملعب الا واشوف الميستر ديليو روسي قاعد يدخن ... لانه ممنوع داخل الملعب ...!!
المهم بعدها .. اتكلمنا مع واحد من السيكيوريتي ... قالنا اللعيبه خلاص دخلوا وانتو المدخل حقكم من هناك ... رحنا دخلنا الملعب ... كان في عدد طيب من جماهير لاتسيو ... ونزلنا عند الاعلانات تحت جا فابيرتزيز مانسيني مدير النادي ... ووزع اعلام وشالات وسلاسل مفاتيح للجماهير ... بعد ما وعد انه بيجيب اللعيبة بس ما قدر طبعا .. ... قال اسكتهم بالاعلام والحاجات دي ..!! وبعدها دخلوا اللعيبة يتدربوا التدريبات المعتادة قبل كل مباراة ... وطبعا كانوا قريبين منا ... وقاعدين نتكلم مع اللعيبه خصوصا بالوتا الي جا واخذ بعد الصور مع الجماهير ..!! بدأت المباراة واخذنا الاماكن ... بدأت وفي الحقيقة انتهت في اول 10 دقايق .. 3-0 ... سجلوا هدفين من بلنتيات ... الاول في يد موتاريلي ( مااعتقد انها بلنتي ) ... والثاني كان بعيد عننا ... مااقدر احكم ... ماوري رد بعد هدفهم الاول ب 30 ثانية ... وروكي بالخامس في السوط الثاني ... كل ما يجيب لاتسيو هدف جماهير السانتز تقوم تصفق لنا ... واحنا نصفقلها لمن يجيبوا هدف ... !! انتهت المباراة ... جا الكابيتانو ... رمى شارة الكابتن ... وقال ما اقدر اعطيكم البلوزة لانها وسخة ... واتصور مع بعض الجماهير ... ماوري جا معاه كورة ... قلناله نبغى الكورة ... قال عيب الكورة مو حقتي حقت الانجليز ... ..!! خرجنا في انتظار اللعيبه ... وخرجوا واحد واحد ... والجماهير أخذت صور معاهم ... وتكلمت مع كثير منهم ... والمحادثات ستكون في الرد التالي ..!!
واخترت لكم بعض الصور الاخرى ... (طبعا الي مع الاعبين هذا انا ) ..!
في صور ثانية ... لكن انا اخترت لكم هذي الصور وانشالله يعجبكم اليوم ..!!
لاحقا المحادثات مع اللاعبين .. وفي بعضها مضحكة ... ..!!
شكرا
Go Liverani We Dont Care
We Already Bought The New Maestro Cristian Daniel Ledesma
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
... قال اسكتهم بالاعلام والحاجات دي ..!!
..!!
..!!
العرض الشجري
