الله بالخير لكل اعضاء المنتدى بدون استثناء
وش رايكم نبعد شوي عن لوتيتو وعن روسي وعن لاعبين الفريق ناخذ فيها فترة نقاهة ونفرفش ونتكلم فقط عن لازيو كعشق دون تحليل او انتقادات يعني نتكلم فيها عن التشجيع والمتابعة والأزعاج اللي تسببه لغيرك او او يتبلاك الآخرون فيه بسبب تشجيعك ومتابعتك للفريق او اي أمر شخصي يتعلق بالنسور ومايعرفه اعضاء المنتدى خصوصا ومبارايات النسور متوقفة في الفترة القادمة والحرارة طاقة الاتش.
الا وش رايكم بالعنوان العنوان هذا قصة كان كلمة ثم كلمتين ثم قلت اسجعه للحى الغانمة ثم جت فكرة الموضوع ومن كلامي بيوضح اكثر سبب كتابتي للعنوان.
المهم انا عندي واحد ساكن معي بالشقة مبتليه بلاتسيو والمشكلة ان الرجال مايهتم كثير بالكورة يعني اذا تابع يايتابع مباراة للنصر (عرفتوا ليه مايهتم بالكورة) او مباراة لريال مدريد سابقا او برشلونة حاليا لكن الزبدة مايعرف شي عن الفريق الا عن طريقي وبحكم اني اجلس كثير على الكمبيوتر وقليل ما اتفرج على التلفزيون فكل ما اروح اتفرج على التلفزيون وهو متابعه يناظرني بكل يأس ويقول لي : فيه مباراة للاتسيو؟؟
والرجال من كثر ماغثيته صار يعرف اللاعبين وصار يتفاعل شوي مع المبارايات خصوصا في مباراة ريال مدريد لكن الضحكة كانت في مباراة ميلان الأخيرة كان الرجال نايم عند التلفزيون وانا اقول يارب مايقوم خصوصا بعد ماوصلت النتيجة لخمسة لكن قام بآخر عشر دقايق وعلى بال ماصحصح وشاف النتيجة قال: يؤ ... خمسة ... ردوها لكم 
انا اطالعه باستغراب وقلت له وش تقصد
قال لي الميلان مافزتوا عليهم خمسة السنة اللي راحت
قلت فرصة ماتتكرر: الا والله ردوها لنا لكن هكذا الايام نداولها بين الناس
ومشت عليه وفكني الله من تعليقه لا والنصر مرقوع بخمسة قبل كم يوم فالرجال مقدر الوضع ولا علق على المباراة وانا اذكره من يوم كنا صغار لو ينهزم الهلال بهدف يزعجني تعال يابو واحد رح يابو واحد على فكرة الرجال يصير خالي.
فيه شي ثاني كان ودي اكتبه قبل كم يوم لكني ترددت لأنه حلم غريب والله لا يقوله.
على قولة خالد سامي رأيت في مايراه اليقظان في منامه ان لاتسيو هبط ومعه ايمبولي ومعهم فريق روبرتو باجيو وانا ماني برجال صالح وان كانت التقوى بأذن الله موجوده فماخفت من الحلم لكن مباراة الامس ونتيجتها والخوف من المجهول قلت اكتب الحلم على الماشي وبنفس الوقت اسأل الشباب من هو فريق روبرتو باجيو اللي داخل الحلم عرض وهو معتزل والاندية اللي لعب فيها يا بالدرجة الثانية او متصدرة الدوري؟؟
المهم انا طولت بالكتابة ولو فيني حيل اكمل ما استحيت منكم وغثيتكم بالبربرة والسلام عليكم
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
