مانديتا يطالب بمبالغ ماليه من عقده

[Stankovic]

غايزكا مانديتا لاعب لاتسيو السابق يُطالب إدارة النادي بمبلغ مالي وهذا المبلغ كان موجوداً بالعقد وإدارة النادي حالياً ستحل مشكلة اللاعب في القريب العاجل .


" شباب أنا مو متأكد ... المبلغ إما 6 مليون يورو وهذا مستحيل أو 6 ألاف يورو وهذا ممكن ".

[Prince of lazio]

افشل صفقة فى تاريخ لاتسيو!!!!!!
ومزال النادى يعانى من تبيعات هده الصفقة
وعلى الرغم ان هده الصفقة كلفتنا فيورى وكورادى ودهابهم
لفالنسيا ومزال مانديتا يريد المال ؟؟؟؟؟

[بو سلمان]

شيبي هل الاعب بعد اللي صار ..

ولا انسى صفقه مانديتا ( النحس ) اللي ما استفدنا منه ابد و غرقنا في الديون لا وفوق هذا خسرنا جهود الفذ فيوري + كورادي بسبته ..

واللي اعرفه انه ماله اي مبالغ لا اهو ولا فريقه فالنسيا ..ويمكن يكون الخب اشاعه و ان شاءالله يكون اشاعه

[lazio2010]

شكرا على الخبر ..

الاخوان ما قصروا في التعليق !!!!!!

[سلاس_11]

من وين طلع هذا؟

[STEFANO]

شنو يبي بعد هالنحس . . خرب علينا كل شي القبسه !!

مشكور اخوي . . عطووه ومانبي نسمع اسمه يرتبط مع لاتسيو مره ثانيه !!

[333]

مانديتا ما تستحق ندفع لك درهم واحد . جيت الى ايطاليا وخربت كل شئ . وبسببك ذهب فيوري الى اسبانيا .

[معتز التميمي]

ياخواني ليش زعلانين من اللاعب هذا حقه وهو يطالب فيه.....

بدال ما تلومون اللاعب لوموا اللي تسبب وباع ندفيد وجابه ...

وبعدين اللاعب كان مقدم مستوى اكثر من ممتاز مع فالنسيا ...وانا اتحدى انكم كنتوا طايرين من الفرحة يوم تعاقد لاتسيو معه ...لكنه ماتوفق وهذا حال الكورة

ترى ما يطفشني من الكتابة في المنتديات الا الكلام اللي بس ينكتب بدون اي تفكير وسلامتكم

[The Game]

مانديتـا لاعـب ممتـاز وما يختلف عليـه اثنيـن
ولكــن في عـدة اسبـاب خلـتـه يصيـر فاشـل

السبب الأول سعــره الغالي !
كرانيوتي كان يقدر يجيبه بسعر اقـل ولكـنـه يحب التفشخر بأسعار اللاعبين !

وهذا الشيء سلط الاضواء على مانديتا على انـه مارادونا زمانـه على هالسعـر !

السبب الثاني جنسيـة اللاعب الاسبانيـة !
قلـه قليلـه من الاسبان وخاصـة ً مراكز خط الوسط والهجوم اللي يبدعون في الكالتشيو !
ويمكن ما قد سمعـت اسباني نجح بالكالتشيـو ! والعكـس صحيـح !

مافي ايطالي بخط الوسط أو الهجـوم نجح باسبانيا !
والامثلة عديدة .. كاسانو كورادي فيوري دي فايو ريجانو زامبوروتا .. حتى توماسي وهو توماسي الوحـش ماهو توماسي اللي نعرفـه بالكالتشيو

يمكن بس فييري و البرتيني اللي نجحوا مع الاتليتكو مدريد ( اللي اذكرهم )


فـ نسبـة نجاح الاسبانيين بالكالتشيو ضعييييييفه حيييييييل .. حتى دي لا بينا المبدع واللي يشوف اسبانيول يتحسر كيف خلينا هاللاعب يطير من عندنا .. ما نجح بالكالتشيو

السبب الثالث مركز اللاعـب وبديـلا ً للاعـب !

مانديتا مع فالنسيا اذكر كان قائد الفريق ويلعب كـ ظهير أيسـر واحيان أيمـن
لكنـه مع لاتسيـو لعـب في خـط الوسـط كـ محـور !

والسبب ان كرانيوتي قال ذهـب نيدفيـد فـ جلبنا مانديتا !
وهذا خطأ .. فاللاعـب حتى لو انه مقدم مستوى طيب .. الجماهير راح يقارنون بينه وبين نيدفيد

واللاعب راح يضيق نفسياً من هالشيء


مانديتا لاعـب ممتـاز ولكنـه فشل مع لاتسيـو لأسباب ذكرتها ولأسباب اخرى
ولكن يبقى لاعب ممتـاز

بالنسبـة للخبـر كثير من هم يطلبون لاتسيـو .. مو بس مانديتا
بانكارو و هو بانكارو المعتزل الحيـن للحينـه يستلم بعض مرتباته من لوتيتو : )

ويعطيك العافيـة يا منيـف

[امــيــر الــذوقــ]

^^^^^^^
عواد اعتقد ان سبب فشله الاول هو الغبي زاكروني
ومانشيني بعد جاء وكملها وهمشه
والاعارات بعد ما قصرت وياه يعني نفس حالة بارونيو

وعلى حد علمي ان كورادي وفيوري كملوا باقي المبلغ في صفقة منديتا
واذا ما خاب ظني كورادي وفيوري انحسبوا ب 19 مليون
واتذكر انهم رجعوا لينا ثلاث ملايين
والي كانت الفرق بين السعر الي كان يطالب به فالنسيا ( 16 مليون)
وبكذا انتهت الصفقة
طبعا انا مو متأكد بس هذا الي اذكره

والرواتب كان يستلمها من الفرق الي كان يلعب ليها بالأعارة!!!!