مارادونا الايطالي و الكـرة الشاطئيـة !!

[The Game]

السـلام عليـكم

موضوع غريـب شوي

اعتقـد الاغلبيـة تعرف مارادونا الابـن .. مارادونا جونيورز .. هو ولد مارادونا اسطورة كرة القدم .. مارادونا ما اعترف فيـه .. لكن الحرمـة اللي كانت على علاقة مع مارادونا قبل طالبت المحكمة انهم يسوون بصمة وراثية وتحاليل والسوالف هاذي .. الزبـدة ان الولـد طلع ولد مارادونا

انا من زمان اتابع هاللاعـب .. طبعاً ماهو نفس ابـوه .. لكن مدري ليـه اتابعـه .. حبيتـه طبعاً لـ حبي لأبوه ^_^
وحبيتـه اكثـر لأنـه ايطالي ^_^

اللاعـب كانوا يبونـه رينجرز وسيلتيك و فالنسيا و كم نادي كبيـر
وهو انتقل من نابولي بصغره الى جنوا .. لكن مع الفضايح اللي صارت لجنوا وخلتهم يطيحون للدرجة الثالثة مدري الرابعة طلع مارادونا جونيورز منهم و انتقل الى فريق نافورا مدري وش اسمـه بالدرجـة الثالثـة .

اللي مستغربـه .. انـه لاعـب في احـد الانديـة .. وكان ممكن انه يكون مع اي نادي كبير .. او حتى مع انديته السابقة نابولي و جنوا !

حالياً حاطـه على الاي آر تي واحتري مباريات الدوري الفرنسي .. حطيته على الاي آر تي الخامسـة اللي القى مباراة مباشرة و مارادونا الابـن يلعب مع المنتخب الايطالي ضد اسبانيا !! استغربت شلون يلعب !!

فـ اللي عنده علم لا يبخل علينا .. عادي يعني بوفون و ديل بييرو و جاوتوزو وبيرلو يلعبون مع منتخب ايطاليا للشواطئ !!!!

شنو القوانين المتبعة بـ كرة القدم الشاطئية ؟؟

هاذي بعض الصور لـ مارادونا





سـلام

[Laz!o]

غريبة !!

المفروض يلعب كرة القدم العادية ,, لكن وش ودّاه صوب الكرة الشاطئية ؟

عموما أنا متأكد من شي واحد ,,, دييجو أرماندو مارادونا من المستحيل أن يتكرر حتى لو قام ينسل

مثل العرب و تزوج 4 حريم و خلّف أولاد ولا واحد يصير مارادونا الأصل

وما أكره شي الا لما يقارنوا لعيبة بـ مارادونا

الوحيد اللي ممكن نقارنه بـ مارادونا هو بيليه
لكن مارادونا يتفوّق بـ أشياء كثيرة على بيليه

يا ناس هذا مارادونا

[The Game]

يا بو احمـد اذكر الله !
شنو بيليـه تقارنـه عند مارادونا !!

بيليـه طلع صيتـه لأنه عمره 17 سنه وجاب كأس العالم

طلع صيتـه بالشوتات ( الفنقر ) اللي على ايامها بعـد حرّاس دجـه
طلع صيتـه ( بالدوري الامريكي ) يا حبيــــبــــي

مقارنـة ظالمـة تقارن مارادونا في بيليـه

حتى باجيو و زيدان و روماريو .. اذا تبي تقارنهم في بيليـه فأنت تظلمهم !!

بيليـه << ما اقتنعـت فيـه نهائياًَ

سرعـة وتشويـت على ايام قبل .. ايام الحراسـة الداجـة
والدفاعات الضعيفـه .. وفوق هذا يلعب في اضعف الدوريات بالعالم !

بيليـه = ماكينوا ( ممكـن ^_^ )

[The Game]

صج نسيت لا اذكر شي

ايطاليا خسرت قدام اسبانيا بركلات الجزاء

اسبانيا تأهلت للنهائي و ايطاليا راح تباري مدري منو على المركز الثالث

[Laz!o]

المشاركة الأصلية كتبت بواسطة The Game

يا بو احمـد اذكر الله !
شنو بيليـه تقارنـه عند مارادونا !!

بيليـه طلع صيتـه لأنه عمره 17 سنه وجاب كأس العالم

طلع صيتـه بالشوتات ( الفنقر ) اللي على ايامها بعـد حرّاس دجـه
طلع صيتـه ( بالدوري الامريكي ) يا حبيــــبــــي

مقارنـة ظالمـة تقارن مارادونا في بيليـه

حتى باجيو و زيدان و روماريو .. اذا تبي تقارنهم في بيليـه فأنت تظلمهم !!

بيليـه << ما اقتنعـت فيـه نهائياًَ

سرعـة وتشويـت على ايام قبل .. ايام الحراسـة الداجـة
والدفاعات الضعيفـه .. وفوق هذا يلعب في اضعف الدوريات بالعالم !

بيليـه = ماكينوا ( ممكـن ^_^ )

أنا قلت يمكن نقارنه بـ مارادونا يعني شوي محتاجة مراجعة
ولا مارادونا أسطورة لم و لن تتكرر

زيدان

ما كرهت هاللاعب الا بعد ما قام جمهوره يقارنوه بـ مارادونا >>> (اعتقد انك عرفت السبب الحين)

[Laz!o]

سابقا كنت مو مقتنع بـ بيليه كأحد أساطير الكرة لكن بعد ما شفت هالمشهد تغير رأيي فيه



لكن مارادونا يبقى المعجزة في كرة القدم

[Foggia_17]

بالنسبة للكرة الشاطئية




لا يمكن أن يلعب أحد اللاعبين الدولين الذين يلعبون على الأراضي

العشبيه كرة الشاطئ إلا إذا بعد الإعتزال

و أتذكر أني شاهدت أكثر من مباراة للمنتخب السعودي في كاس

الخليج للشواطئ ( 2004 على ما أظن ) و كانوا أكثر اللاعبين هم المعتزلين

أمثال عبدالله الدعيع و سعيد العويران .





أما على طاري ماردونا و بيليه

أرى أن ماردونا الأفضل على الرغم أني أكرهه هذا اللاعب

خصوصاُ بعد قوله ( لو كانت قدمي عربيه لقطعتها )

[8 zauri]

موضوع غريب وولد مارادونا شكلع يشبه جاتوزو وما هو حول الكرة ...
بس النسب له دور ...

[سلاس_11]

يعني لو لعب مع اي فريق ايطالي في اي درجه افضل له من لعب كره الشاطئ
على العموم مارادونا افضل لاعب انجبته الملاعب

[Nasser-alhajri]

ما كرهت هاللاعب الا بعد ما قام جمهوره يقارنوه بـ مارادونا >>> (اعتقد انك عرفت السبب الحين)

أهــا .. بوليد كأنك جبت طاري الــشرف هههههههههههههه

لــكل واحد اذواق يابووليد .. ليــش نخلي مردونا مسأله صعب حلها ؟!!

أنا لوجيت تقولــي زيدان ولا مردونا .. راح اقولك زيدان ..

مشكلتنا يابوليد .. أنا نشوف مردونا لاعب نازل مــن السما ..

فــي النهايه تبقى لكل واحد اذواق .. منهم الي يحب توتي (تركي الله يذكره بالخير) ومنهم من يحب

بــاجــيو ( ربع تاعونوا ماذلوا) ..


ومن وجهة نظري بكل امانه ..

زيدان

مردونا

بيليه

كرويف

هــم الافضل على مر عصورهم ..

وأنت وكيفك رتب الي تبيهم ..



تحياتي