لوتيتو : الآن علينا بـ انقاص عدد اللاعبين

Laz!o · 07-24-2008, 01:04 AM

كلاوديو لوتيتو رئيس لاتسيو تحدث لــ محطة Kiss Kiss الاذاعية :

"لن نشتري أي لاعب جديد , ولن نشغل أنفسنا لأن مشترياتنا ستكون موجهة لزيادة النسبة
التقنية للفريق .
ماتوزاليم على سبيل المثال الوحيد الذي خرج عن الاستراتيجية ,, وبدلا من قيامنا بالاعلان و الدعاية
عن توجهاتنا في السوق نحن نهتم بالحقائق التي تنص علينا بأن ننقص عدد اللاعبين الذين قد يصبحون
عاطلين بعدم حصولهم على فرصة لـ اللعب .
اذا نجحنا بـ ترحيل بعض اللاعبين سنقوم بـ مفاوضات أخرى لأننا بالتأكيد نريد زيادة امكانياتنا".

Q8_HUNTER · 07-24-2008, 01:07 AM

خبــــــــــر دبل كبــــــدي

lazio-ultras · 07-24-2008, 01:08 AM

حد يترجم يا شباب مانا فاهم شئ؟؟؟؟؟؟؟؟؟؟؟

Laz!o · 07-24-2008, 01:18 AM

اقتباس:

حد يترجم يا شباب مانا فاهم شئ؟؟؟؟؟؟؟؟؟؟؟

هذا الخبر بالعامية

لوتيتو : الحين لازم ننقص عدد اللاعبين

لوتيتو صرّح لــ راديو يطلق عليه راديو بوسة بوسة (بالعربي) :

"ما راح نشتري أي لاعب جديد وما نريد نشغل روحنا بـ السوق لأن اللي نشتريهم
لازم يفيدوا تكتيك الفريق وما نقدر نشتري أحد لحد ما نخفض عدد اللاعبين الزايدين
ماتوزاليم الوحيد اللي شذ عن القاعدة اللي نمشي عليها الحين .
وبدل ما نعمل دعاية و اعلانات و فشرة بالسوق أحسن نهتم بالمهم و نخرّج كم لاعب
اللي مالهم لزمة بالفريق (سمنديجة) لأن ما عندهم فرصة يلعبوا اذا كملوا مع الفريق
واذا خرّجنا كم لاعب ساعتها نشتري لعيبة جدد لأن احنا نفكر نواصل بــ تقوية الفريق".

متيم لازيو · 07-24-2008, 01:54 AM

^ـــــــ^

ههههه خالد شكلك رايق !!

كلام لوتيتو سليم وخلينا على المفاجئات احسن هذا قصده !!

يعني لا نتكلم كثثير وتروح علينا كل شئ بالخس والدس افضل وانا معاه !!

The Game · 07-24-2008, 03:01 AM

خـالـد قتلتني
هههههههههههههههههههههههههههههههههههههههه

شرايكم نخلي ترجمتنا على طول بالعاميـه احسـن و اريـح ^_^

كلام لوتيتـو واضـح و سليـم
نبيع لاعب نشتري لاعـب

غيره صعبـه .. الفريـق فيـه 40 لاعـب !!
صعبـه نشتري بعـد ؟

بو سلمان · 07-24-2008, 03:10 AM

بنتظار بيع اشباه الاعبين ..

وان شاءالله ما تطول هذي الخطوه .. و لا تنسى يا لتيتو ان يكون لدينا ايضا ً خط احتياطي قوي ..

ربما تكون الفرضيه على هذا الشكل ..

رحيل ستندا + موترالي = قدوم موتي و فرنانديز الا ان الاخير اصبح بعيد اكثر من اي وقت مضى بعد ما ارسل الفاكس الى الاتلتيكو ..

ننتظر و نشوف اتوقع راح تكون صفقه على الاقل جديده لي لاتسيو في السوق و اتوقعها من نصيب موتي ..