قراسيا لازيوووو
مبروك الفوز شباااااااااااب
الفريق مقنع و فوز مقنع و القادم أصعب
زاراتي هذا لازم ريسنا يشوف حل في بطاقته الكامله من الحييييين لانه لفت الأنظار بشده و أتوقع مع نهاية إعارته
بنشوف أسامي من وزن إنتر برشلونه مدريد تشيلسي يزايدون في خطفه منا بأعلى سعر و القطريين أصلا" شارين
بطاقته من سنه للإستثمار و هذي فرصتهم و اللي يسويه حاليا" يزيد في سعره ويزيد في قوة السي في تبعه...!!!
أتمنى يكون فيه بند في عقد إعارته يلزم ببيعه للاتسيو بالسعر المتفق عليه سابقا" و الا بتكون راحت علينا...!!!
فريقنا من خلال المباراتين قوي و متامسك إلى حد ما و بالتفصيل الهجوم شرس و مخيف و لكن ينقص بعض
التفاهم بين الثنائي الهجومي و بين ماوري اللي يقتل بعض الهجمات بتأخره و ببروده أحيانا" و تأخر الكره
معه أحيانا" زاراتي فنان ماعليه كلام بس فيه بعض الانانية و محاولة التسديد في كم كوره لو عطاها بانديف
اللي كان فاتحله في مكان افضل بس أعتقد هالشي لأنه يبغي يثبت نفسه كنجم أكثر و اكثر بس يبغاله توجيه
من روسي بالتمرير خاصة في حالة التكدس الدفاعي امامه ووجود زميل له بوضع أفضل
الوسط جيد جدا" و اعتقد بروكي قدم مباراة جيده خاصة على المستوى الدفاعي و شفناه في كم كوره كان
يرجع و يساند الدفاع و قطع كم كورة بإستبسال و الحلو فيه لما يقطعها ينطلق بسرعه و تتحول مرتده خطيره
لنا و ليدسما أدى دور حلو كقائد و كانت له كم كوره حلوه في توزيعاته و دوره اللي أجاده هو التحكم في
الرتم و ضبط الإيقاع بس لو يترك عنه الكور الثابته و يخليها لكولاروف اللي الصراحه ما استفدنا من تسديداته
مغني كان رائع و لو يلعب مكان ماوري أعتقد بيكون أفضل لأنه عنده المهارات و الإمكانيات اللي تساعده
في صنع الفارق في صنع الفرص للمهاجمين و التفاهم السريع في اللعب بالكره من لمسه واحده وبعدين
مهارته في الإحتفاظ بالكره والتحضين عليها بتساعدنا كثير في صنع أخطاء لنا ممكن نستفيد منها في
اماكن قد تكون خطيره على الخصوم يعني مغني ورا المهاجمين بيفيدنا أفضل بكثير
الدفاع اللي هو عليه الكلام صراحة" يعني كثرة الفرص اللي كانت علينا في مباراة اليوم تدل على أنه فيه
خلل في الدفاع و أنه اضعف خطوطنا حاليا" يعني فرص مثل هذي قدام فريق مثل الإنتر أو ميلان الاسبوع
المقبل و قدام لعيبه مهاريين مثل كاكا و شفشنكو و إبراهومفتش و ادريانو و كريسبو ما أعتقد تضيع و
بيتعب معها دفاعنا لو ظل على وضعه الحالي و ما تدارك أخطائه و بتتعب حارسنا اللي أثبت جدارته بس
ما بيقدر يتحمل الضغط اللي عليه و كلنا نعرف انه الضغط يولد عدم التركيز ومن ثم الاخطاء
مباراتنا القادمه مدري ليه متشائم منها مع اننا متألقين و الصراحه هيه منعرج حقيقي لشكل فريقنا هالموسم
لانها اول مباراه أمام فريق كبير حتى مع حالته السيئه بس هذا بيصعب مهمتنا لأنه ميلان لازم يفوز في هالمباراه
لانه صعب يخسر ثلاث مباريات ورى بعض في بداية الموسم و لأنها بتكون في أرضه و بين جماهيره ولانه عودنا
ميلان ما يتعملق امامنا بالذات و صاير عقده كبيره لنا حتى مع أيام الجيل الذهبي للاتسيو اللي خذ الأسكوديتو
ولانه مدربنا روسي دائما" ما يجبن أمام الفرق الكبيره بالذات ولنا في الموسم الماضي اللي ما فزنا فيه على
فريق كبير و محد يقولي روما لأنه مش فريق كبير أبدا" يعني هي مباراة عودة لاتسيو لمصاف الفرق الكبيره
إذا فاز و أتمنى ذلك و بايه طريقه لانها بتعطينا دفعه و ثقه هائله في الفريق للتقدم للأمام اكثر
إسمحولي اسهبت وايد في الموضوع بس فطرت و أدخن فكان المزاج عالي فقعدت أبربر و غثيتكم بكلام فاضي