يعطيك العافية يا محمـد
لإتاحة الفرصة لنا لتقييم اللاعبيـن
وهذا تقييمي
موسليرا
رغم انه ما كان في تهديد كبيرعليه اللا في كم فرصة تنعد على الاصابع
اللا انه ابعد كل الكرات ما عدا اول هجمة اللي طقت العارضة و الكرة اللي ابعدها سيفيليا
يستاهل 6,5
كولاروف
من دوووووون تعلييييييييق
8
كريباري
قدم مباراة طيبـه وما كانت له اي هفوات قاتلة مثل ماهو معروف عنـه
الظاهر ان السبب في اللعب بقلب الدفاع الايمن .. ايام روسي كان كريباري يسار والحين عكس
6
سفيليا
لازال مطفوق .. رغم انه ابعد هدف محقق .. الباقي كان زويـن فيـه
6
ليختشاينر
ما عجبني بصراحـة وتضايقت على مستواه !
قادر يعطي ويبدع اكثـر مثل ما عرفناه .. لكن امس مستواه ما عجبني لا دفاعياً ولا هجومياً
5,5
بروكي
قدم مباراة كبيـرة يتحرك باللعب كافة طولاً وعرضاً
يساعد الدفاع ويضغط على الخصم وصنع اكثر من كرة لكروز بس ما توفق الارجنتيني فيها
يستاهل 7,5
بارونيو
قائد في قلب الوسـط .. طول المباراة قاعد احسب تمريراتـه .. واذا ماني غلطان له تمريرة وحده فقط غلـط من اليوم ادور احصائية ابي اتأكد من حساباتي
الجمهور يتفاعل مع بارونيو مع اي كرة .. حتى يوم لعب الركني صوب جماهير الكورفا نورد قعد يحيونه وينادون بأسمه وسلم عليهم ^_^
يعيبه شي واحد جسمـه ضعيف لذلك ما هو قوي في الالتحامات
اعطيه 6,5
ماوري
لازال بطيء جداً وبصراحة طول المباراة اخاف تنقطع منه الكرة وتصير مرتده علينا !
<< متأثر من مباراة لاتسيو وريال مدريد بالاولومبيكو
دفاعياً عجبني بصراحـة .. هجومياً ما بين كثيـر ولكن يوم بان جاب هدف حلو
اعطيـه 7
ماتوزاليم
ما كان في يومـه ابـد للأسـف .. رغم ان له لمسات حلوه ولكن ما هو ماتو اللي نعرفـه
5,5
زاراتي
نجم المباراة .. ولكن انانيتـه ترفــع الضغــط
زاراتي يبي يسجل بأي طريقـة واذا سجـل يلعب بجماعيـة
وهالشي ملاحظـة من الموسم اللي طاف
8,5
كروز
كنترول ممتاز بالكرة .. ولكن قدام المرمى ما في توفيق
وتمريراتـه كـ فكرة حلوه انه يلعب الكرة للاعب اللي وراه من دون ما يشوفه
ولكن التنفيذ يكون سيء للأسف وتصير مرتدات علينـا
اعطيـه 6
دابو
دخل مكان ماتوزاليم وتبديل منطقي بصراحـة
تحركاتـه حلـوه
اليسيو
إلـي دخل متأخر ما نقدر نحكم عليـه
ولكن اتوقع انه بيظهر اكثر اذا لعب كأساسي
دياكيتي
ايضاً دخل متأخر
بالارديني
البيغ بوس يستاهل 10 على 10
قراءة ممتازة للمباراة التكتيك واضح بالملعـب
التبديلات ممتازة
والنتيجة النهائية ممتازة
أسئلة النقاش
س/ رأيك في أداء كلاً من كروز و زراتي ؟
ثنائي حلو .. لكن كروز قالوا انه تأقلم مع المجموعـه واحس انه للحين ما تأقلم
يهيئ الكرات بالرأس بشكل حلو و الكنترول عنده ممتاز ولكن كـ تمرير وتفاهم مع اللاعبين مو موجود والباصات كلها غلـط
زاراتي تكلمت عنه بالتقييم .. لازم يسجل بعدين يلعب وهو مرتاح ويمرر ويصنع
اذا ما سجل يعطل هجمات الفريق بأنانيتـه
بعد التسجيل بدّع زاراتي ع الآخر صنع اهداف محققة لبروكي و كروز و ماوري
واللي استفاد من الصناعة هو ماوري فقط بروكي لمست الكرة باللاعب السويدي و وقف
وكروز بالعرضية ما حذف روحه على الكورة واكتفى بالتفرج
س/ رأيك في أداء المدافعين سفيليا , كريباري؟
الدفاع مع بالارديني حلو حيـل .. وانا هنا ما اقصد قلوب الدفاع
اقصد الطريقـة الدفاعيــة كاملــه
لو نلاحـظ نشوف كل المدافعين والاظهرة واقفين على خـط واحـد وهو خط الـ 18
و المحاور يضغطون على صاحب الكرة وما يعطونه مجال يمرر او يرفـع
وهالشي اعتقد انه مريـّح قلوب الدفاع ومريـّح الحارس
عموماً ما كان في اختبارات كبيرة حتى نقيمهم
كان موجود مهاجم واحد فقط من الفريق السويدي وقدروا يوقفونـه
\
\
\
وش سالفة شكراً عواد ^_^
شكراً يا محمـد